- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਆਟੋ ’ਚ QR ਕੋਡ ਸਕੈਨ ਕਰਦਿਆਂ ਹੀ ਖਾਲੀ ਹੋ ਸਕਦਾ ਹੈ ਬੈਂਕ ਖਾਤਾ! ਸਾਹਮਣੇ ਆਇਆ ਹੈਰਾਨ ਕਰਨ ਵਾਲਾ ਨਵਾਂ UPI ਸਕੈਮ
ਇਸ ਘਟਨਾ ਤੋਂ ਬਾਅਦ ਯਾਤਰੀ ਨੂੰ ਕਥਿਤ ਤੌਰ 'ਤੇ ਵੱਖ-ਵੱਖ ਬੈਂਕਾਂ ਤੋਂ UPI ਰਜਿਸਟ੍ਰੇਸ਼ਨ ਦੇ ਕਈ ਸੁਨੇਹੇ ਮਿਲੇ। ਇਸ ਘਟਨਾ ਦੀ ਸਹੀ ਜਾਣਕਾਰੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ। ਆਓ ਸਮਝੀਏ ਕਿ ਇਹ ਆਟੋ QR ਕੋਡ ਸਕੈਮ ਕਿਵੇਂ ਕੰਮ ਕਰਦਾ ਹੈ ਅਤੇ ਤੁਸੀਂ ਇਸ ਤੋਂ ਕਿਵੇਂ ਸੁਰੱਖਿਅਤ ਰਹਿ ਸਕਦੇ ਹੋ।
Posted By Anuradha Bains
Publish Date: Fri, 14 Aug 2026 01:13 PM (IST)
Updated Date: Fri, 14 Aug 2026 01:16 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਭਾਰਤ ਵਿੱਚ ਹੁਣ ਜ਼ਿਆਦਾਤਰ ਲੋਕ ਡਿਜੀਟਲ ਪੇਮੈਂਟਸ ਲਈ UPI ਦੀ ਵਰਤੋਂ ਕਰਨਾ ਪਸੰਦ ਕਰਦੇ ਹਨ ਪਰ ਸਕੈਮਰਸ ਹੁਣ ਬੈਂਕ ਖਾਤਿਆਂ ਨੂੰ ਨਿਸ਼ਾਨਾ ਬਣਾਉਣ ਲਈ ਨਵੇਂ-ਨਵੇਂ ਤਰੀਕੇ ਕੱਢ ਰਹੇ ਹਨ।
ਮੁੰਬਈ ਤੋਂ ਇੱਕ ਤਾਜ਼ਾ ਮਾਮਲਾ ਇਸ ਵਧ ਰਹੇ ਖ਼ਤਰੇ ਨੂੰ ਉਜਾਗਰ ਕਰਦਾ ਹੈ, ਜਿੱਥੇ ਇੱਕ ਯਾਤਰੀ ਨੂੰ ਇੱਕ ਉਬੇਰ ਆਟੋ-ਡਰਾਈਵਰ ਦੁਆਰਾ ਕਥਿਤ ਤੌਰ 'ਤੇ ਛੇੜਛਾੜ ਕੀਤਾ ਗਿਆ QR ਕੋਡ ਦਿੱਤਾ ਗਿਆ ਸੀ।
ਇਸ ਘਟਨਾ ਤੋਂ ਬਾਅਦ ਯਾਤਰੀ ਨੂੰ ਕਥਿਤ ਤੌਰ 'ਤੇ ਵੱਖ-ਵੱਖ ਬੈਂਕਾਂ ਤੋਂ UPI ਰਜਿਸਟ੍ਰੇਸ਼ਨ ਦੇ ਕਈ ਸੁਨੇਹੇ ਮਿਲੇ। ਇਸ ਘਟਨਾ ਦੀ ਸਹੀ ਜਾਣਕਾਰੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ। ਆਓ ਸਮਝੀਏ ਕਿ ਇਹ ਆਟੋ QR ਕੋਡ ਸਕੈਮ ਕਿਵੇਂ ਕੰਮ ਕਰਦਾ ਹੈ ਅਤੇ ਤੁਸੀਂ ਇਸ ਤੋਂ ਕਿਵੇਂ ਸੁਰੱਖਿਅਤ ਰਹਿ ਸਕਦੇ ਹੋ।
ਪੱਤਰਕਾਰ ਆਸ਼ੀਸ਼ ਚਤੁਰਵੇਦੀ ਨੇ ਹਾਲ ਹੀ ਵਿੱਚ ਆਪਣੇ ਅਧਿਕਾਰਤ X (ਟਵਿੱਟਰ) ਅਕਾਊਂਟ 'ਤੇ ਇੱਕ ਪੋਸਟ ਸ਼ੇਅਰ ਕੀਤੀ, ਜਿਸ ਵਿੱਚ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਭੈਣ ਨੂੰ ਮੁੰਬਈ ਵਿੱਚ ਉਬਰ ਆਟੋ ਬੁੱਕ ਕਰਨ ਤੋਂ ਬਾਅਦ ਇੱਕ ਸ਼ੱਕੀ ਪੇਮੈਂਟ ਸਥਿਤੀ ਦਾ ਸਾਹਮਣਾ ਕਰਨਾ ਪਿਆ।
ਪੋਸਟ ਦੇ ਮੁਤਾਬਿਕ, ਉਨ੍ਹਾਂ ਦੀ ਭੈਣ ਨੇ ਉਬਰ ਆਟੋ ਬੁੱਕ ਕੀਤਾ ਸੀ ਅਤੇ ਰਾਈਡ ਖ਼ਤਮ ਹੋਣ 'ਤੇ ਆਟੋ ਡਰਾਈਵਰ ਨੇ ਉਨ੍ਹਾਂ ਨੂੰ ਇੱਕ ਟੈਂਪਰਡ QR ਕੋਡ ਦਿਖਾਇਆ। ਉਨ੍ਹਾਂ ਨੂੰ ਸ਼ੱਕ ਹੋਇਆ ਅਤੇ ਉਨ੍ਹਾਂ ਨੇ ਕੈਸ਼ ਵਿੱਚ ਪੇਮੈਂਟ ਕਰ ਦਿੱਤੀ। ਹਾਲਾਂਕਿ, ਇਸ ਤੋਂ ਤੁਰੰਤ ਬਾਅਦ ਉਨ੍ਹਾਂ ਨੂੰ ਵੱਖ-ਵੱਖ ਬੈਂਕਾਂ ਤੋਂ UPI ਰਜਿਸਟ੍ਰੇਸ਼ਨ ਲਈ ਕਈ SMS ਮਿਲਣ ਲੱਗੇ।
ਇਹ QR ਕੋਡ ਸਕੈਮ ਕਿਵੇਂ ਕੰਮ ਕਰਦਾ ਹੈ?
ਸੋਹਮ (Soham) ਨਾਮ ਦੇ ਇੱਕ X ਯੂਜ਼ਰ ਨੇ ਬਾਅਦ ਵਿੱਚ ਸਮਝਾਇਆ ਕਿ ਇਹ ਸਕੈਮ ਕਿਵੇਂ ਕੰਮ ਕਰ ਸਕਦਾ ਹੈ। ਉਨ੍ਹਾਂ ਦੀ ਵਾਇਰਲ ਪੋਸਟ ਦੇ ਮੁਤਾਬਕ, ਸਕੈਮਰਸ ਸਭ ਤੋਂ ਪਹਿਲਾਂ ਇੱਕ ਨਕਲੀ (ਫੇਕ) QR ਕੋਡ ਦਿਖਾਉਂਦੇ ਹਨ। ਇਸ ਨੂੰ ਸਕੈਨ ਕਰਨ ਨਾਲ ਸਿਰਫ਼ ਪੇਮੈਂਟ ਪੇਜ ਖੁੱਲ੍ਹਣ ਦੀ ਬਜਾਏ ਫ਼ੋਨ 'ਤੇ ਕੋਈ ਬੈਕਐਂਡ ਐਕਸ਼ਨ ਸ਼ੁਰੂ ਹੋ ਸਕਦਾ ਹੈ।
ਪੋਸਟ ਵਿੱਚ ਦਾਅਵਾ ਕੀਤਾ ਗਿਆ ਕਿ ਇਸ ਨਾਲ ਪੀੜਤ ਦੇ ਫ਼ੋਨ ਤੋਂ ਇੱਕ ਆਟੋਮੈਟਿਕ ਵੈਰੀਫਿਕੇਸ਼ਨ ਮੈਸੇਜ ਭੇਜਿਆ ਜਾ ਸਕਦਾ ਹੈ। ਜੇਕਰ ਸਕੈਮਰਸ ਕੋਲ ਪਹਿਲਾਂ ਤੋਂ ਹੀ ਪੀੜਤ ਦਾ ਮੋਬਾਈਲ ਨੰਬਰ ਹੈ ਤਾਂ ਉਹ ਆਪਣੇ ਡਿਵਾਈਸਾਂ 'ਤੇ ਪੀੜਤ ਦੀ UPI ID ਰਜਿਸਟਰ ਕਰਨ ਦੀ ਕੋਸ਼ਿਸ਼ ਕਰ ਸਕਦੇ ਹਨ।
ਜੇਕਰ ਉਹ ਕਈ ਬੈਂਕਾਂ ਨਾਲ ਅਜਿਹਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ ਤਾਂ ਪੀੜਤ ਨੂੰ ਘੱਟ ਸਮੇਂ ਵਿੱਚ ਕਈ ਅਲਰਟ ਮਿਲ ਸਕਦੇ ਹਨ। ਹਾਲਾਂਕਿ, ਇਹ ਅਲਰਟ ਮਿਲਣ ਦਾ ਮਤਲਬ ਇਹ ਨਹੀਂ ਹੈ ਕਿ ਪੀੜਤ ਦੇ ਸਾਰੇ ਬੈਂਕ ਖਾਤੇ ਕਿਸੇ ਦੂਜੇ ਡਿਵਾਈਸ 'ਤੇ ਟਰਾਂਸਫਰ ਹੋ ਗਏ ਹਨ।