- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Apple ਦੇ ਕੈਮਰੇ ਵਾਲੇ ਐਡਵਾਂਸਡ AirPods ਅਗਲੇ ਸਾਲ 2027 ’ਚ ਲਾਂਚ ਹੋਣਗੇ, ਇਹ ਕਿਵੇਂ ਕੰਮ ਕਰਨਗੇ?
ਇਸ ਰਿਪੋਰਟ ਤੋਂ ਬਾਅਦ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਕੰਪਨੀ ਕੈਮਰੇ ਵਾਲੇ ਇਨ੍ਹਾਂ ਏਅਰਪੌਡਸ ਨੂੰ ਇਸੇ ਸਾਲ ਲਾਂਚ ਕਰ ਸਕਦੀ ਹੈ। ਹੁਣ Bloomberg) ਦੀ ਰਿਪੋਰਟ ’ਚ ਮਾਰਕ ਗੁਰਮਨ ਨੇ ਦਾਅਵਾ ਕੀਤਾ ਹੈ ਕਿ ਐਪਲ ਨੇ ਇਨ੍ਹਾਂ ਦੇ ਲਾਂਚ ਟਾਈਮਲਾਈਨ ’ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਯਾਨੀ ਐਪਲ ਇਨ੍ਹਾਂ ਨੂੰ ਅਗਲੇ ਸਾਲ ਤੱਕ ਹੀ ਮਾਰਕੀਟ ’ਚ ਉਤਾਰੇਗਾ।
Posted By Anuradha Bains
Publish Date: Sat, 22 Aug 2026 12:27 PM (IST)
Updated Date: Sat, 22 Aug 2026 12:29 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। Apple ਨੂੰ ਲੈ ਕੇ ਖਬਰ ਹੈ ਕਿ ਕੰਪਨੀ ਇਨ੍ਹੀਂ ਦਿਨੀਂ ਕੈਮਰੇ ਵਾਲੇ AirPods 'ਤੇ ਕੰਮ ਕਰ ਰਹੀ ਹੈ। ਉਮੀਦ ਹੈ ਕਿ ਇਹ ਏਅਰਪੌਡਸ ਅਗਲੇ ਸਾਲ 2027 ’ਚ ਲਾਂਚ ਹੋ ਸਕਦੇ ਹਨ। ਇਨ੍ਹਾਂ AI-ਪਾਵਰਡ ਅਤੇ ਕੈਮਰੇ ਨਾਲ ਲੈਸ ਏਅਰਪੌਡਸ ਦੀ ਝਲਕ ਕੰਪਨੀ ਦੇ ਇੱਕ ਸਾਫਟਵੇਅਰ ਲੀਕ ’ਚ ਦੇਖਣ ਨੂੰ ਮਿਲੀ ਸੀ।
ਇਸ ਰਿਪੋਰਟ ਤੋਂ ਬਾਅਦ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਕੰਪਨੀ ਕੈਮਰੇ ਵਾਲੇ ਇਨ੍ਹਾਂ ਏਅਰਪੌਡਸ ਨੂੰ ਇਸੇ ਸਾਲ ਲਾਂਚ ਕਰ ਸਕਦੀ ਹੈ। ਹੁਣ Bloomberg) ਦੀ ਰਿਪੋਰਟ ’ਚ ਮਾਰਕ ਗੁਰਮਨ ਨੇ ਦਾਅਵਾ ਕੀਤਾ ਹੈ ਕਿ ਐਪਲ ਨੇ ਇਨ੍ਹਾਂ ਦੇ ਲਾਂਚ ਟਾਈਮਲਾਈਨ ’ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਯਾਨੀ ਐਪਲ ਇਨ੍ਹਾਂ ਨੂੰ ਅਗਲੇ ਸਾਲ ਤੱਕ ਹੀ ਮਾਰਕੀਟ ’ਚ ਉਤਾਰੇਗਾ।
Apple ਲਾਂਚ ਕਰੇਗਾ ਕੈਮਰੇ ਵਾਲੇ AirPods
ਐਪਲ ਦੇ ਆਉਣ ਵਾਲੇ ਕੈਮਰੇ ਵਾਲੇ ਏਅਰਪੌਡਸ ਦੀ ਝਲਕ macOS Tahoe 26.7 ਦੇ ਬੀਟਾ ਵਰਜ਼ਨ ’ਚ ਦੇਖਣ ਨੂੰ ਮਿਲੀ ਸੀ। ਇਸ ਨਾਲ ਜੁੜਿਆ ਇੱਕ ਡੈਮੋ ਵੀਡੀਓ ਵੀ ਸਾਹਮਣੇ ਆਇਆ ਸੀ, ਜਿਸ ’ਚ ਇੱਕ ਵਿਅਕਤੀ ਏਅਰਪੌਡਸ ਦੇ AI ਵਿਜ਼ੂਅਲ ਇੰਟੈਲੀਜੈਂਸ ਫੀਚਰ ਰਾਹੀਂ ਕਿਤਾਬ ਦੀ ਪਛਾਣ ਅਤੇ ਉਸਦਾ ਵਿਸ਼ਲੇਸ਼ਣ ਕਰਦਾ ਨਜ਼ਰ ਆਉਂਦਾ ਹੈ।
ਇਸਦੇ ਸਾਹਮਣੇ ਆਉਣ ਤੋਂ ਬਾਅਦ ਕਈ ਲੋਕਾਂ ਨੂੰ ਲੱਗਿਆ ਕਿ ਇਹ ਏਅਰਪੌਡਸ ਸਤੰਬਰ ’ਚ ਲਾਂਚ ਹੋ ਸਕਦੇ ਹਨ। ਹੁਣ ਮਾਰਕ ਗੁਰਮਨ ਨੇ ਦਾਅਵਾ ਕੀਤਾ ਹੈ ਕਿ ਕੰਪਨੀ ਦੀ ਫਿਲਹਾਲ ਅਜਿਹੀ ਕੋਈ ਯੋਜਨਾ ਨਹੀਂ ਹੈ।
ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ, ਐਪਲ ਪਹਿਲਾਂ ਇਨ੍ਹਾਂ ਏਅਰਪੌਡਸ ਨੂੰ 2026 ਵਿੱਚ ਹੀ ਲਾਂਚ ਕਰਨਾ ਚਾਹੁੰਦਾ ਸੀ। ਇਸ ਸਾਲ ਦੇ ਸ਼ੁਰੂ ਵਿੱਚ ਇਨ੍ਹਾਂ ਦੀ ਟੈਸਟਿੰਗ ਵੀ ਸ਼ੁਰੂ ਹੋ ਗਈ ਸੀ। ਸਪਲਾਈ ਚੇਨ ਅਤੇ ਸਾਫਟਵੇਅਰ ਨਾਲ ਜੁੜੀਆਂ ਕੁਝ ਮੁਸ਼ਕਲਾਂ ਸਾਹਮਣੇ ਆਉਣ ਤੋਂ ਬਾਅਦ ਐਪਲ ਨੇ ਫਿਲਹਾਲ ਇਸ ਸਾਲ ਲਈ ਇਨ੍ਹਾਂ ਦਾ ਲਾਂਚ ਟਾਲ ਦਿੱਤਾ ਹੈ। ਸੰਭਵ ਹੈ ਕਿ ਅਗਲੇ ਸਾਲ ਕੈਮਰੇ ਵਾਲੇ ਏਅਰਪੌਡਸ ਦੇਖਣ ਨੂੰ ਮਿਲ ਸਕਦੇ ਹਨ।
ਕੈਮਰੇ ਦੇ ਨਾਲ ਮਿਲਣਗੇ AI ਫੀਚਰਸ
ਆਉਣ ਵਾਲੇ AirPods ’ਚ ਲੱਗੇ ਇਹ ਕੈਮਰੇ ਸਿਰਫ਼ ਫੋਟੋਆਂ ਜਾਂ ਵੀਡੀਓ ਸ਼ੂਟ ਕਰਨ ਲਈ ਨਹੀਂ ਹੋਣਗੇ। ਰਿਪੋਰਟਾਂ ਦੀ ਮੰਨੀਏ ਤਾਂ ਇਸ ਵਿੱਚ ਘੱਟ ਰੈਜ਼ੋਲਿਊਸ਼ਨ (low-resolution) ਵਾਲੇ ਕੈਮਰਾ ਸੈਂਸਰਾਂ ਦੀ ਵਰਤੋਂ ਕੀਤੀ ਜਾਵੇਗੀ। ਇਹ ਸੈਂਸਰ ਸਿਰੀ (Siri) ਅਤੇ AI ਫੀਚਰਸ ਨੂੰ ਵਿਜ਼ੂਅਲ ਜਾਣਕਾਰੀ ਉਪਲਬਧ ਕਰਵਾਉਣਗੇ, ਜਿਸ ਨਾਲ ਉਹ ਯੂਜ਼ਰਸ ਦੇ ਸਵਾਲਾਂ ਦੇ ਜਵਾਬ ਦੇਣਗੇ।
ਰਿਪੋਰਟਾਂ ਅਨੁਸਾਰ ਐਪਲ ਕੈਮਰੇ ਵਾਲੇ AirPods ਦੇ ਦੋ ਮਾਡਲਾਂ 'ਤੇ ਕੰਮ ਕਰ ਰਿਹਾ ਹੈ। ਇਨ੍ਹਾਂ ਵਿੱਚੋਂ ਇੱਕ ਮਾਡਲ ਦਾ ਕੋਡਨੇਮ B790 ਅਤੇ ਦੂਜੇ ਮਾਡਲ ਦਾ ਕੋਡਨੇਮ B798 ਹੈ। ਐਪਲ ਦੇ ਆਉਣ ਵਾਲੇ ਕੈਮਰੇ ਵਾਲੇ AirPods ਨੂੰ AI ਫੀਚਰਸ ਨੂੰ ਧਿਆਨ ਵਿੱਚ ਰੱਖ ਕੇ ਡਿਜ਼ਾਈਨ ਕੀਤਾ ਜਾ ਰਿਹਾ ਹੈ। ਫਿਲਹਾਲ ਕੰਪਨੀ ਨੇ ਇਨ੍ਹਾਂ ਨੂੰ ਲੈ ਕੇ ਕੋਈ ਵੀ ਅਧਿਕਾਰਤ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।