ਸਸਤੇ ’ਚ 84 ਦਿਨਾਂ ਦੀ ਵੈਲੀਡਿਟੀ ਦਾ ਜੁਗਾੜ: Jio ਦੇ ₹448 ਤੇ Airtel ਦੇ ₹469 ਵਾਲੇ ਪਲਾਨ ’ਚੋਂ ਤੁਹਾਡੇ ਲਈ ਕਿਹੜਾ ਬਿਹਤਰ?

Reliance Jio ਅਤੇ Bharti Airtel, ਭਾਰਤ ਦੇ ਦੋ ਵੱਡੇ ਟੈਲੀਕਾਮ ਆਪਰੇਟਰ, ਗਾਹਕਾਂ ਨੂੰ ਸਿਰਫ਼ ਵੌਇਸ ਕਾਲਿੰਗ ਵਾਲੇ ਪਲਾਨ ਆਫਰ ਕਰਦੇ ਹਨ। ਅੱਜ ਅਸੀਂ ਖ਼ਾਸ ਤੌਰ 'ਤੇ 84 ਦਿਨਾਂ ਦੀ ਸਰਵਿਸ ਵੈਲੀਡਿਟੀ ਦੇ ਨਾਲ ਆਉਣ ਵਾਲੇ ਪਲਾਨ 'ਤੇ ਫੋਕਸ ਕਰਾਂਗੇ। Reliance Jio ਦਾ 448 ਰੁਪਏ ਵਾਲਾ ਪਲਾਨ 84 ਦਿਨਾਂ ਦੀ ਵੈਲੀਡਿਟੀ ਦੇ ਨਾਲ ਆਉਂਦਾ ਹੈ ਅਤੇ Bharti Airtel ਦਾ 469 ਰੁਪਏ ਵਾਲਾ ਪਲਾਨ ਵੀ ਇਸੇ ਸਰਵਿਸ ਵੈਲੀਡਿਟੀ ਦੇ ਨਾਲ ਪੇਸ਼ ਕੀਤਾ ਜਾਂਦਾ ਹੈ।

ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। Reliance Jio ਅਤੇ Bharti Airtel, ਭਾਰਤ ਦੇ ਦੋ ਵੱਡੇ ਟੈਲੀਕਾਮ ਆਪਰੇਟਰ, ਗਾਹਕਾਂ ਨੂੰ ਸਿਰਫ਼ ਵੌਇਸ ਕਾਲਿੰਗ ਵਾਲੇ ਪਲਾਨ ਆਫਰ ਕਰਦੇ ਹਨ। ਅੱਜ ਅਸੀਂ ਖ਼ਾਸ ਤੌਰ 'ਤੇ 84 ਦਿਨਾਂ ਦੀ ਸਰਵਿਸ ਵੈਲੀਡਿਟੀ ਦੇ ਨਾਲ ਆਉਣ ਵਾਲੇ ਪਲਾਨ 'ਤੇ ਫੋਕਸ ਕਰਾਂਗੇ। Reliance Jio ਦਾ 448 ਰੁਪਏ ਵਾਲਾ ਪਲਾਨ 84 ਦਿਨਾਂ ਦੀ ਵੈਲੀਡਿਟੀ ਦੇ ਨਾਲ ਆਉਂਦਾ ਹੈ ਅਤੇ Bharti Airtel ਦਾ 469 ਰੁਪਏ ਵਾਲਾ ਪਲਾਨ ਵੀ ਇਸੇ ਸਰਵਿਸ ਵੈਲੀਡਿਟੀ ਦੇ ਨਾਲ ਪੇਸ਼ ਕੀਤਾ ਜਾਂਦਾ ਹੈ।

ਇਹ ਪਲਾਨ ਪੂਰੇ ਭਾਰਤ ’ਚ ਗਾਹਕਾਂ ਲਈ ਉਪਲਬਧ ਹਨ। ਜੇਕਰ ਤੁਸੀਂ ਇੱਕ ਘੱਟ ਕੀਮਤ ਵਾਲਾ ਪਲਾਨ ਲੱਭ ਰਹੇ ਹੋ ਜੋ ਤੁਹਾਡੀ ਸਿਮ ਨੂੰ ਐਕਟਿਵ ਰੱਖਣ ਵਿੱਚ ਮਦਦ ਕਰੇ ਅਤੇ ਤੁਹਾਨੂੰ ਬਹੁਤ ਜ਼ਿਆਦਾ ਡਾਟਾ ਦੀ ਲੋੜ ਨਹੀਂ ਹੈ ਤਾਂ ਇਹ ਪਲਾਨ ਤੁਹਾਡੇ ਲਈ ਬੈਸਟ ਸਾਬਤ ਹੋ ਸਕਦੇ ਹਨ। ਹਾਲਾਂਕਿ, ਇਨ੍ਹਾਂ ਦੋਵਾਂ ਵਿੱਚ ਥੋੜ੍ਹਾ ਫ਼ਰਕ ਹੈ, ਆਓ ਇਸ 'ਤੇ ਇੱਕ ਨਜ਼ਰ ਮਾਰੀਏ।

Reliance Jio ਦਾ 448 ਰੁਪਏ ਵਾਲਾ ਪਲਾਨ

Reliance Jio ਦਾ 448 ਰੁਪਏ ਵਾਲਾ ਪਲਾਨ ਅਨਲਿਮਟਿਡ ਵੌਇਸ ਕਾਲਿੰਗ, 1000 SMS ਅਤੇ 84 ਦਿਨਾਂ ਦੀ ਸਰਵਿਸ ਵੈਲੀਡਿਟੀ ਦੇ ਨਾਲ ਆਉਂਦਾ ਹੈ। ਇਸ ਪਲਾਨ ਦੇ ਨਾਲ ਕੋਈ ਵੀ ਡਾਟਾ ਬੰਡਲ (ਡਾਟਾ ਪੈਕ) ਨਹੀਂ ਮਿਲਦਾ। ਯੂਜ਼ਰਸ ਨੂੰ ਇਸ ਪਲਾਨ ਵਿੱਚ JioTV ਅਤੇ JioAICloud ਦੇ ਬੈਨੀਫਿਟਸ ਮਿਲਦੇ ਹਨ ਪਰ ਇਹ ਵੀ ਬਿਲਕੁਲ ਨਾਰਮਲ ਬੈਨੀਫਿਟਸ ਹਨ। ਤੁਹਾਨੂੰ ਇਸ ਪਲਾਨ ਦੇ ਨਾਲ Jio ਦੇ 5G ਨੈੱਟਵਰਕ ਦਾ ਐਕਸੈਸ ਨਹੀਂ ਮਿਲਦਾ।

ਉਸ ਦੇ ਲਈ ਤੁਹਾਨੂੰ ਟੈਲੀਕਾਮ ਕੰਪਨੀ ਦਾ 2GB ਡੇਲੀ ਡਾਟਾ ਵਾਲਾ ਪਲਾਨ ਲੈਣਾ ਪਵੇਗਾ। ਹਾਲਾਂਕਿ, ਜਦੋਂ ਵੀ ਲੋੜ ਹੋਵੇ, ਤੁਸੀਂ ਸ਼ਾਰਟ-ਟਰਮ ਲਈ ਡਾਟਾ ਪਾਉਣ ਵਾਸਤੇ ਹਮੇਸ਼ਾ ਪ੍ਰੀਪੇਡ ਡੇਟਾ ਵਾਊਚਰਜ਼ ਨਾਲ ਰੀਚਾਰਜ ਕਰ ਸਕਦੇ ਹੋ। ਇਸ ਦੀ ਸਰਵਿਸ ਵੈਲੀਡਿਟੀ 84 ਦਿਨਾਂ ਦੀ ਹੈ, ਜਿਸ ਦਾ ਮਤਲਬ ਹੈ ਕਿ ਇਹ ਪਲਾਨ ਤੁਹਾਡੀ ਜੇਬ 'ਤੇ ਬਹੁਤ ਹਲਕਾ ਪਵੇਗਾ।

Bharti Airtel ਦਾ 469 ਰੁਪਏ ਵਾਲਾ ਪਲਾਨ

Bharti Airtel ਦਾ 469 ਰੁਪਏ ਵਾਲਾ ਪਲਾਨ ਅਨਲਿਮਟਿਡ ਵੌਇਸ ਕਾਲਿੰਗ ਅਤੇ 900 SMS ਦੇ ਨਾਲ ਆਉਂਦਾ ਹੈ। ਜਿਵੇਂ ਕਿ ਦੱਸਿਆ ਗਿਆ ਹੈ, ਇਹ ਪਲਾਨ ਵੀ 84 ਦਿਨਾਂ ਦੀ ਸਰਵਿਸ ਵੈਲੀਡਿਟੀ ਦੇ ਨਾਲ ਆਉਂਦਾ ਹੈ। ਇਸ ਪਲਾਨ ਵਿੱਚ ਵੀ ਕੋਈ ਡਾਟਾ ਨਹੀਂ ਮਿਲਦਾ।

Jio ਦੇ ਪਲਾਨ ਵਾਂਗ ਹੀ, ਤੁਸੀਂ ਇਸ ਪਲਾਨ ਦੇ ਨਾਲ ਵੀ ਡਾਟਾ ਵਾਊਚਰਜ਼ ਨਾਲ ਰੀਚਾਰਜ ਕਰ ਸਕਦੇ ਹੋ। ਹਾਲਾਂਕਿ, ਐਡੀਸ਼ਨਲ ਬੈਨੀਫਿਟਸ ਦੇ ਮਾਮਲੇ ਵਿੱਚ, Airtel ਯੂਜ਼ਰਸ ਨੂੰ 12 ਮਹੀਨਿਆਂ ਲਈ Adobe Express Premium ਦਾ ਫ੍ਰੀ ਐਕਸੈਸ ਆਫਰ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਸੇਫ਼ ਨੈੱਟਵਰਕ ਸਰਵਿਸ ਅਤੇ ਫ੍ਰੀ ਹੈਲੋਟਿਊਨਸ ਵੀ ਬੰਡਲ ਮਿਲਦੇ ਹਨ।

ਤਾਂ Jio ਜਾਂ Airtel, ਇੱਥੇ ਕਿਹੜਾ ਪਲਾਨ ਬਿਹਤਰ ਹੈ?

ਇੱਥੇ ਦੋਵੇਂ ਹੀ ਪਲਾਨ ਇੱਕੋ ਜਿਹੇ ਹੀ ਵਧੀਆ ਦਿਖਾਈ ਦਿੰਦੇ ਹਨ। ਹਾਲਾਂਕਿ, ਏਅਰਟੈੱਲ ਦਾ ਪਲਾਨ ਥੋੜ੍ਹਾ ਜਿਹਾ ਮਹਿੰਗਾ ਜ਼ਰੂਰ ਹੈ। ਜੇਕਰ ਤੁਸੀਂ ਸਿਰਫ਼ Jio ਦਾ ਨੈੱਟਵਰਕ ਚਾਹੁੰਦੇ ਹੋ, ਤਾਂ Jio ਨੂੰ ਚੁਣ ਸਕਦੇ ਹੋ ਅਤੇ ਇਹੋ ਗੱਲ Airtel ਲਈ ਵੀ ਲਾਗੂ ਹੁੰਦੀ ਹੈ। Airtel ਦੇ ਨਾਲ Adobe Express Premium ਦਾ ਇੱਕ ਐਕਸਟਰਾ ਬੈਨੀਫਿਟ ਮਿਲਦਾ ਹੈ, ਜੋ ਗਾਹਕਾਂ ਦੇ ਦਿਮਾਗ ਵਿੱਚ ਫ਼ਰਕ ਪੈਦਾ ਕਰਨ ਵਾਲਾ ਫੈਕਟਰ ਹੋ ਸਕਦਾ ਹੈ।