ਏਸ਼ੀਆਈ ਖੇਡਾਂ 'ਚੋਂ ਬਾਹਰ ਹੋਣ ਤੋਂ ਬਾਅਦ ਵੁਸ਼ੂ ਖਿਡਾਰਨ ਦਿਵਿਆਂਸ਼ੀ ਦੇ ਗੰਭੀਰ ਦੋਸ਼, ਨੈਸ਼ਨਲ ਫੈਡਰੇਸ਼ਨ 'ਤੇ ਲਾਏ ਸਰੀਰਕ ਤੇ ਮਾਨਸਿਕ ਸ਼ੋਸ਼ਣ ਦੇ ਇਲਜ਼ਾਮ

ਇੰਡੀਅਨ ਵੁਸ਼ੂ ਐਸੋਸੀਏਸ਼ਨ (ਡਬਲਿਯੂਏਆਈ) ਨੇ ਕਿਹਾ ਕਿ ਦਿਵਿਆਂਸ਼ੀ ਦੇ ਐੱਮਆਰਆਈ ’ਚ ਸੱਟ ਤੇ ਏਸੀਐੱਲ ’ਚ ਤਰਲ ਇਕੱਠਾ ਹੋਣ ਦਾ ਖੁਲਾਸਾ ਹੋਇਆ ਹੈ। ਦਿਵਿਆਂਸ਼ੀ ਨੇ ਕਿਹਾ ਕਿ ਉਸ ਨੂੰ ਮਾਨਸਿਕ ਤੌਰ ’ਤੇ ਪਰੇਸ਼ਾਨ ਕੀਤਾ ਜਾਂਦਾ ਸੀ ਤੇ ਖੁਦਕੁਸ਼ੀ ਕਰਨ ਦੀ ਧਮਕੀ ਵੀ ਦਿੱਤੀ ਜਾਂਦੀ ਸੀ। ਡਬਲਿਯੂਏਆਈ ਨੇ ਕਿਹਾ ਕਿ ਦਿਵਿਆਂਸ਼ੀ ਨੇ ਖੁਦ ਐਸੋਸੀਏਸ਼ਨ ਨੂੰ ਦੱਸਿਆ ਸੀ ਕਿ ਉਹ ਜ਼ਖਮੀ ਹੈ। ਖੇਡ ਮੰਤਰਾਲੇ ਦੇ ਸੂਤਰਾਂ ਨੇ ਦੱਸਿਆ ਕਿ ਵੁਸ਼ੂ ਟੀਮ ’ਚ ਬਦਲਾਅ ਸਥਾਪਿਤ ਨਿਯਮਾਂ ਮੁਤਾਬਕ ਕੀਤੇ ਗਏ ਹਨ। 23 ਅਗਸਤ ਨੂੰ ਦਿਵਿਆਂਸ਼ੀ ਦਾ ਐੱਮਆਰਆਈ ਕੀਤਾ ਗਿਆ, ਜਿਸ ’ਚ ਸੱਟ ਦੀ ਪੁਸ਼ਟੀ ਹੋਈ। ਦਿਵਿਆਂਸ਼ੀ ਨੇ ਦੋਸ਼ ਲਾਇਆ ਕਿ ਪਹਿਲਾਂ ਵੀ ਉਸ ਦਾ ਸਰੀਰਕ ਸ਼ੋਸ਼ਣ ਕੀਤਾ ਗਿਆ ਹੈ। ਉਸ ਨੇ ਕਿਹਾ ਕਿ ਡਾਕਟਰਾਂ ਨੇ ਉਸ ਨੂੰ ਖੇਡਾਂ ਖੇਡਣ ਦੀ ਇਜਾਜ਼ਤ ਦੇ ਦਿੱਤੀ ਸੀ ਪਰ ਉਨ੍ਹਾਂ ਦੀ ਰਿਪੋਰਟ ਸਾਂਝੀ ਨਹੀਂ ਕੀਤੀ ਗਈ।