WTC ਪੁਆਇੰਟਸ ਟੇਬਲ : ਆਸਟ੍ਰੇਲੀਆ ਵਿਰੁੱਧ ਬੰਗਲਾਦੇਸ਼ ਦੀ ਹਾਰ ਨਾਲ ਭਾਰਤ ਨੂੰ ਫਾਇਦਾ, ਆਸਟ੍ਰੇਲੀਆ ਸ਼ੀਰਸ਼ 'ਤੇ ਮਜ਼ਬੂਤ

ਬੰਗਲਾਦੇਸ਼ ਦੂਜੇ ਟੈਸਟ ’ਚ ਮਿਲੀ ਹਾਰ ਤੋਂ ਬਾਅਦ ਡਬਲਯੂਟੀਸੀ ਦੇ ਪੁਆਇੰਟਸ ਟੇਬਲ ’ਚ ਤਾਂ ਚੌਥੇ ਸਥਾਨ ’ਤੇ ਬਣਿਆ ਹੋਇਆ ਹੈ ਪਰ ਟੀਮ ਦੀ ਜਿੱਤ ਫ਼ੀਸਦ 66 ਤੋਂ ਡਿੱਗ ਕੇ 55.56 ’ਤੇ ਆ ਗਈ ਹੈ। ਸ੍ਰੀਲੰਕਾ ਵਿਰੁੱਧ ਕੋਲੰਬੋ ’ਚ ਜੇ ਭਾਰਤੀ ਟੀਮ ਦੂਜੇ ਟੈਸਟ ਮੈਚ ’ਚ ਜਿੱਤਣ ’ਚ ਸਫਲ ਰਹਿੰਦੀ ਹੈ ਤਾਂ ਉਹ ਟੇਬਲ ’ਚ ਬੰਗਲਾਦੇਸ਼ ਤੋਂ ਅੱਗੇ ਨਿਕਲ ਜਾਵੇਗੀ। ਮੈਕੇ ਦੇ ਗ੍ਰੇਟ ਬੈਰੀਅਰ ਆਫ ਐਰੀਨਾ ’ਚ ਖੇਡੇ ਗਏ ਦੂਜੇ ਟੈਸਟ ਮੈਚ ’ਚ ਬੰਗਲਾਦੇਸ਼ ਦੇ ਬੱਲੇਬਾਜ਼ਾਂ ਦਾ ਪ੍ਰਦਰਸ਼ਨ ਨਿਰਾਸ਼ਾਜਨਕ ਰਿਹਾ। ਪਹਿਲੀ ਪਾਰੀ ’ਚ ਬੰਗਲਾਦੇਸ਼ ਦੀ ਪੂਰੀ ਟੀਮ ਸਿਰਫ 64 ਦੌੜਾਂ ਬਣਾ ਕੇ ਆਲਆਊਟ ਹੋ ਗਈ, ਜਦਕਿ ਦੂਜੀ ਪਾਰੀ ’ਚ ਟੀਮ 95 ਦੌੜਾਂ ਹੀ ਬਣਾ ਸਕੀ। ਦੂਜੇ ਟੈਸਟ ’ਚ ਮਿਲੀ ਸ਼•ਾਨਦਾਰ ਜਿੱਤ ਦੇ ਜ਼ੋਰ ’ਤੇ ਆਸਟ੍ਰੇਲੀਆ ਨੇ ਡਬਲਯੂਟੀਸੀ ਦੇ ਪੁਆਇੰਟਸ ਟੇਬਲ ’ਚ ਪਹਿਲੇ ਸਥਾਨ ’ਤੇ ਆਪਣੀ ਹਾਲਤ ਨੂੰ ਹੋਰ ਮਜ਼ਬੂਤ ਕਰ ਲਿਆ ਹੈ। ਟੀਮ ਦੀ ਜਿੱਤ ਫ਼ੀਸਦ ਹੁਣ 80 ’ਤੇ ਪਹੁੰਚ ਗਈ ਹੈ। ਉਥੇ ਹੀ, ਦੱਖਣੀ ਅਫਰੀਕਾ 75 ਦੀ ਜਿੱਤ ਫ਼ੀਸਦ ਨਾਲ ਦੂਜੇ ਨੰਬਰ ’ਤੇ ਕਾਬਜ਼ ਹੈ। 72.22 ਦੀ ਜਿੱਤ ਫ਼ੀਸਦ ਨਾਲ ਨਿਊਜ਼ੀਲੈਂਡ ਤੀਜੇ ਨੰਬਰ ’ਤੇ ਮੌਜੂਦ ਹੈ।