Women's Hockey World Cup : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 6-1 ਨਾਲ ਹਰਾ ਕੇ ਦਰਜ ਕੀਤੀ ਟੂਰਨਾਮੈਂਟ ਦੀ ਸਭ ਤੋਂ ਵੱਡੀ ਜਿੱਤ

ਐਮਸਟਲਵੀਨ (ਪੀਟੀਆਈ) : ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਮੰਗਲਵਾਰ ਨੂੰ ਐੱਫਆਈਐੱਚ ਮਹਿਲਾ ਵਿਸ਼ਵ ਕੱਪ ਦੇ ਆਪਣੇ ਦੂਜੇ ਮੁਕਾਬਲੇ ਵਿਚ ਦੱਖਣੀ ਅਫਰੀਕਾ ਨੂੰ 6-1 ਨਾਲ ਮਾਤ ਦੇ ਕੇ ਟੂਰਨਾਮੈਂਟ ਵਿਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ। ਇਸ ਮੈਚ ਵਿਚ ਸੁਨੇਲਿਤਾ ਟੋਪੋ, ਨਵਨੀਤ ਕੌਰ, ਸੁਸ਼ੀਲਾ ਚਾਨੂ, ਦੀਪਿਕਾ, ਲਾਲਰੇਮਸਿਆਮੀ ਤੇ ਸਾਕਸ਼ੀ ਰਾਣੀ ਨੇ ਭਾਰਤ ਵੱਲੋਂ ਗੋਲ ਕੀਤੇ। ਇਸ ਜਿੱਤ ਨਾਲ ਭਾਰਤੀ ਟੀਮ ਨੇ ਵਿਸ਼ਵ ਕੱਪ ਵਿਚ ਆਪਣੀ ਸਭ ਤੋਂ ਵੱਡੀ ਜਿੱਤ ਦਰਜ ਕੀਤੀ। ਦੱਖਣੀ ਅਫਰੀਕਾ ਵੱਲੋਂ ਚੌਥੇ ਕੁਆਰਟਰ ਵਿਚ ਕਾਇਲਾ ਡੀ ਵਾਲ ਨੇ ਇਕਲੌਤਾ ਗੋਲ ਕੀਤਾ।