ਫੁੱਟਬਾਲ ਮੈਚ 'ਚ ਉਰੂਗਵੇ ਦਾ ਸ਼ਿੰਕਜਾ, ਭਾਰਤੀ ਟੀਮ ਨੂੰ 6-1 ਗੋਲਾਂ ਨਾਲ ਕਰਾਰੀ ਹਾਰ ਦਾ ਕਰਨਾ ਪਿਆ ਸਾਹਮਣਾ

ਭਾਰਤੀ ਟੀਮ ਨੇ ਵੀ ਜਵਾਬੀ ਹਮਲਾ ਕੀਤਾ ਪਰ 10ਵੇਂ ਮਿੰਟ 'ਚ ਪਰਮਵੀਰ ਨੇ ਉਰੂਗਵੇ ਦੇ ਫੇਡਰਿਕੋ ਵਿਨਾਸ ਨੂੰ ਆਪਣੇ ਬਾਕਸ 'ਚ ਆਊਟ ਕਰ ਦਿੱਤਾ। ਰੈਫਰੀ ਨੇ ਉਰੂਗਵੇ ਨੂੰ ਪੈਨਲਟੀ ਦਿੱਤੀ। ਨੁਨੇਜ਼ ਨੇ ਪੈਨਲਟੀ ਕਿੱਕ 'ਤੇ ਗੋਲ ਕਰ ਕੇ ਉਰੂਗਵੇ ਨੂੰ 1-0 ਦੀ ਬੜ੍ਹਤ ਦਿਵਾਈ। ਪਛੜਨ ਤੋਂ ਬਾਅਦ ਭਾਰਤ ਹੋਰ ਹਮਲਾਵਰ ਹੋ ਗਿਆ। 22ਵੇਂ ਮਿੰਟ 'ਚ ਰਿਆਨ ਵਿਲੀਅਮਸ ਨੇ ਬਾਕਸ ਦੇ ਬਾਹਰ ਤੋਂ ਜ਼ਬਰਦਸਤ ਸ਼ਾਟ ਲਾਇਆ। ਉਰੂਗਵੇ ਦੇ ਗੋਲਕੀਪਰ ਦੇ ਹੱਥਾਂ ਨਾਲ ਲੱਗ ਕੇ ਬਾਲ ਨਿਕਲ ਗਈ। ਮੌਕੇ 'ਤੇ ਮੌਜੂਦ ਥਾਪਾ ਨੇ ਰੀਬਾਉਂਡ ਨੇ ਕੋਈ ਗਲਤੀ ਨਹੀਂ ਕੀਤੀ ਤੇ ਗੇਂਦ ਨੂੰ ਗੋਲ ਪੋਸਟ 'ਚ ਪਾ ਕੇ ਭਾਰਤ ਨੂੰ 1-1 ਨਾਲ ਬਰਾਬਰੀ ਦਿਵਾਈ। ਇਸ ਤੋਂ ਬਾਅਦ ਬਿਜਲੀ ਕੜਕਣ ਕਾਰਨ ਖੇਡ ਰੁਕ ਗਈ ਤੇ ਜਦੋਂ ਮੈਚ ਦੁਬਾਰਾ ਸ਼ੁਰੂ ਹੋਇਆ ਤਾਂ ਉਰੂਗਵੇ ਨੇ ਭਾਰਤ ਨੂੰ ਖੇਡ ਤੋਂ ਬਾਹਰ ਕਰ ਦਿੱਤਾ। ਮੈਕਸੀ ਅਰਾਹੋ ਨੇ ਦੋ ਗੋਲ ਕੀਤੇ। ਉਰੂਗਵੇ ਪਹਿਲੇ ਹਾਫ ਤੱਕ 2-1 ਗੋਲਾਂ ਨਾਲ ਅੱਗੇ ਸੀ ਪਰ ਦੂਜੇ ਹਾਫ ’ਚ ਉਹ ਪੂਰੀ ਤਰ੍ਹਾਂ ਹਾਵੀ ਹੋ ਗਿਆ ਤੇ ਚਾਰ ਗੋਲ ਕੀਤੇ। ਅਰਾਉਹੋ ਨੇ ਆਪਣਾ ਦੂਜਾ ਤੇ ਰੋਡਰੀਗੋ, ਐਗੁਏਰੇ ਤੇ ਸਾਨਾਬ੍ਰੀਆ ਨੇ ਇੱਕ-ਇੱਕ ਗੋਲ ਕੀਤਾ।