- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਟੀਟੀ ਚੈਂਪੀਅਨਸ਼ਿਪ 2026 : ਆਰਿਵ ਤੇ ਰਾਜਦੀਪ ਨੇ ਆਪਣੇ ਮੁਕਾਬਲੇ ਜਿੱਤ ਕੇ ਅੰਡਰ-13 ਸੈਮੀਫਾਈਨਲ 'ਚ ਬਣਾਈ ਪੱਕੀ ਜਗ੍ਹਾ
ਲੜਕਿਆਂ ਦੇ ਕੁਆਰਟਰ ਫਾਈਨਲ ਵਿਚ ਸਭ ਤੋਂ ਰੋਮਾਂਚਕ ਮੁਕਾਬਲਾ ਦਿੱਲੀ ਦੇ ਅਰੁਨਿਮ ਅਗਰਵਾਲ ਤੇ ਪੱਛਮੀ ਬੰਗਾਲ ਦੇ ਦੇਬਾਂਸ਼ੂ ਚਕਰਵਰਤੀ ਦੇ ਵਿਚਕਾਰ ਦੇਖਣ ਨੂੰ ਮਿਲਿਆ। ਅਰੁਨਿਮ ਨੇ ਪੰਜ ਗੇਮਾਂ ਤੱਕ ਚੱਲੇ ਇਸ ਮੈਚ ਵਿਚ 5-11, 13-11, 11-3, 9-11, 11-9 ਨਾਲ ਜਿੱਤ ਹਾਸਲ ਕੀਤੀ।
Posted By alisha
Publish Date: Wed, 19 Aug 2026 11:17 AM (IST)
Updated Date: Wed, 19 Aug 2026 11:23 AM (IST)
ਕਾਨਪੁਰ (ਪੀਟੀਆਈ): ਪੱਛਮੀ ਬੰਗਾਲ ਦੇ ਆਰਿਵ ਦੱਤਾ ਤੇ ਰਾਜਦੀਪ ਬਿਸਵਾਸ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਜਾਰੀ ਰੱਖਦੇ ਹੋਏ ਮੰਗਲਵਾਰ ਨੂੰ ਯੂਟੀਟੀ ਰਾਸ਼ਟਰੀ ਰੈਂਕਿੰਗ ਟੇਬਲ ਟੈਨਿਸ ਚੈਂਪੀਅਨਸ਼ਿਪ ਦੇ ਲੜਕਿਆਂ ਦੇ ਅੰਡਰ-13 ਵਰਗ ਦੇ ਸੈਮੀਫਾਈਨਲ ਵਿਚ ਦਾਖਲਾ ਕੀਤਾ। ਆਰਿਵ ਨੇ ਤਾਮਿਲਨਾਡੂ ਦੇ ਐੱਚ ਤਨਿਸ਼ ਨੂੰ 11-6, 15-13, 11-7 ਨਾਲ, ਜਦੋਂ ਕਿ ਰਾਜਦੀਪ ਨੇ ਮਹਾਰਾਸ਼ਟਰ ਦੇ ਅਧਿਰਾਜ ਚੌਹਾਨ ਨੂੰ 11-4, 11-6, 13-11 ਨਾਲ ਮਾਤ ਦਿੱਤੀ।
ਲੜਕਿਆਂ ਦੇ ਕੁਆਰਟਰ ਫਾਈਨਲ ਵਿਚ ਸਭ ਤੋਂ ਰੋਮਾਂਚਕ ਮੁਕਾਬਲਾ ਦਿੱਲੀ ਦੇ ਅਰੁਨਿਮ ਅਗਰਵਾਲ ਤੇ ਪੱਛਮੀ ਬੰਗਾਲ ਦੇ ਦੇਬਾਂਸ਼ੂ ਚਕਰਵਰਤੀ ਦੇ ਵਿਚਕਾਰ ਦੇਖਣ ਨੂੰ ਮਿਲਿਆ। ਅਰੁਨਿਮ ਨੇ ਪੰਜ ਗੇਮਾਂ ਤੱਕ ਚੱਲੇ ਇਸ ਮੈਚ ਵਿਚ 5-11, 13-11, 11-3, 9-11, 11-9 ਨਾਲ ਜਿੱਤ ਹਾਸਲ ਕੀਤੀ। ਕੁਆਰਟਰ ਫਾਈਨਲ ਦੇ ਇਕ ਹੋਰ ਮੈਚ ’ਚ ਪੱਛਮੀ ਬੰਗਾਲ ਦੇ ਜੇਮ ਮਹਲਾਨਾਬਿਸ਼ ਨੇ ਪੀਐੱਸਪੀਬੀਏ ਦੇ ਰੇਯਾਨ ਬੋਰਠਾਕੁਰ ਨੂੰ 11-7, 11-6, 10-12, 11-8 ਨਾਲ ਹਰਾਇਆ।
ਲੜਕੀਆਂ ਦੇ ਅੰਡਰ-13 ਵਰਗ ਵਿਚ ਅਸਾਮ ਦੀ ਦਿਵਿਜਾ ਪਾਲ ਨੇ ਉਤਰ ਪ੍ਰਦੇਸ਼ ਦੀ ਪਹਲ ਗੁਪਤਾ ਦੇ ਖ਼ਿਲਾਫ਼ 3-1 ਨਾਲ ਜਿੱਤ ਹਾਸਲ ਕੀਤੀ। ਮਹਾਰਾਸ਼ਟਰ ਦੀ ਮਹਿਕਾ ਸੁਸਵਿਰਕਰ ਨੇ ਆਪਣੇ ਹੀ ਰਾਜ ਦੀ ਕੇਸ਼ਿਕਾ ਪੁਰਕਰ ਨੂੰ 8-11, 11-4, 7-11, 11-6, 11-8 ਨਾਲ ਹਰਾਇਆ। ਅਸਾਮ ਦੀ ਇਸ਼ਾਨੀ ਗੋਗੋਈ ਨੇ ਪੱਛਮੀ ਬੰਗਾਲ ਦੀ ਆਰਾਧਿਆ ਡੇ ਸਰਕਾਰ ਨੂੰ 3-0 ਨਾਲ ਹਰਾਇਆ, ਜਦੋਂ ਕਿ ਦਿੱਲੀ ਦੀ ਖਿਆਤੀ ਪਾਂਡੇ ਨੇ ਉਤਰ ਪ੍ਰਦੇਸ਼ ਦੀ ਅਨੀਸ਼ਿਕਾ ਗੁਪਤਾ ਨੂੰ ਵੀ ਇਸੇ ਅੰਤਰ ਨਾਲ ਮਾਤ ਦਿੱਤੀ ਤੇ ਸੈਮੀਫਾਈਨਲ ਵਿਚ ਆਪਣੀ ਜਗ੍ਹਾ ਬਣਾਈ।