- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Tennis Update : ਡਬਲਯੂਟੀਏ ਫਾਈਨਲਜ਼ ਲਈ ਗਰੁੱਪਾਂ ਦਾ ਐਲਾਨ, ਰਾਇਬਾਕੀਨਾ ਤੇ ਸਬਲੇਂਕਾ ਵੱਖ-ਵੱਖ ਗਰੁੱਪਾਂ 'ਚ; ਉੱਧਰ ਪੈਰਿਸ ਮਾਸਟਰਜ਼ 'ਚ ਜੋਕੋਵਿਚ ਦੀ ਸ਼ਾਨਦਾਰ ਜਿੱਤ
ਮੰਗਲਵਾਰ ਦੇ ਡਰਾਅ ’ਚ ਸਿੰਗਲਜ਼ ਤੇ ਡਬਲਜ਼ ਮੁਕਾਬਲਿਆਂ ’ਚ ਅੱਠ ਕੁਆਲੀਫਾਈ ਕਰਨ ਵਾਲੇ ਖਿਡਾਰੀਆਂ ਤੇ ਟੀਮਾਂ ਨੂੰ ਰਾਊਂਡ-ਰੋਬਿਨ ਮੈਚਾਂ ਲਈ ਵੱਖਰੇ ਸਮੂਹਾਂ ’ਚ ਵੰਡਿਆ ਗਿਆ ਸੀ। ਸੀਜ਼ਨ ਦਾ ਇਹ ਵੱਕਾਰੀ ਟੂਰਨਾਮੈਂਟ ਐਤਵਾਰ ਨੂੰ ਇੰਡੀਅਨ ਵੇਲਜ਼ ਟੈਨਿਸ ਗਾਰਡਨ ’ਚ ਸ਼ੁਰੂ ਹੋਵੇਗਾ
Posted By alisha
Publish Date: Thu, 05 Nov 2026 11:48 AM (IST)
Updated Date: Thu, 05 Nov 2026 11:53 AM (IST)
ਇੰਡੀਅਨ ਵੇਲਜ਼ (ਅਮਰੀਕਾ), ਏਪੀ : ਵਿਸ਼ਵ ਨੰਬਰ 1 ਏਲੇਨਾ ਰਾਇਬਾਕੀਨਾ ਅਤੇ ਨੰਬਰ 2 ਆਰੀਨਾ ਸਬਲੇਂਕਾ ਨੂੰ ਸੀਜ਼ਨ ਦੇ ਆਖਰੀ ਟੂਰਨਾਮੈਂਟ, ਡਬਲਯੂਟੀਏ ਫਾਈਨਲਜ਼ ’ਚ ਵੱਖ-ਵੱਖ ਸਿੰਗਲਜ਼ ਸਮੂਹਾਂ ’ਚ ਦਰਜਾ ਦਿੱਤਾ ਗਿਆ ਹੈ। ਅਮਰੀਕੀ ਖਿਡਾਰੀ ਕੋਕੋ ਗੌਫ ਤੇ ਜੈਸਿਕਾ ਪੇਗੁਲਾ ਨੂੰ ਇਕੋ ਸਮੂਹ ਵਿੱਚ ਰੱਖਿਆ ਗਿਆ ਹੈ।
ਮੰਗਲਵਾਰ ਦੇ ਡਰਾਅ ’ਚ ਸਿੰਗਲਜ਼ ਤੇ ਡਬਲਜ਼ ਮੁਕਾਬਲਿਆਂ ’ਚ ਅੱਠ ਕੁਆਲੀਫਾਈ ਕਰਨ ਵਾਲੇ ਖਿਡਾਰੀਆਂ ਤੇ ਟੀਮਾਂ ਨੂੰ ਰਾਊਂਡ-ਰੋਬਿਨ ਮੈਚਾਂ ਲਈ ਵੱਖਰੇ ਸਮੂਹਾਂ ’ਚ ਵੰਡਿਆ ਗਿਆ ਸੀ। ਸੀਜ਼ਨ ਦਾ ਇਹ ਵੱਕਾਰੀ ਟੂਰਨਾਮੈਂਟ ਐਤਵਾਰ ਨੂੰ ਇੰਡੀਅਨ ਵੇਲਜ਼ ਟੈਨਿਸ ਗਾਰਡਨ ’ਚ ਸ਼ੁਰੂ ਹੋਵੇਗਾ ਤੇ 15 ਨਵੰਬਰ ਤੱਕ ਚੱਲੇਗਾ। ਟੂਰਨਾਮੈਂਟ ਦੇ ਪਹਿਲੇ ਛੇ ਦਿਨਾਂ ਦੌਰਾਨ, ਹਰੇਕ ਖਿਡਾਰੀ ਤੇ ਟੀਮ ਆਪਣੇ ਸਮੂਹ ’ਚ ਬਾਕੀ ਤਿੰਨ ਵਿਰੋਧੀਆਂ ਦਾ ਸਾਹਮਣਾ ਕਰੇਗੀ। ਹਰੇਕ ਸਮੂਹ ਦੇ ਚੋਟੀ ਦੇ ਦੋ ਖਿਡਾਰੀ ਫਿਰ ਸੈਮੀਫਾਈਨਲ ਵਿੱਚ ਪਹੁੰਚਣਗੇ।
ਰਾਇਬਾਕੀਨਾ ਦੇ ਗਰੁੱਪ ’ਚ ਗੌਫ ਤੇ ਪੇਗੁਲਾ
ਡਬਲਯੂਟੀਏ ਫਾਈਨਲਜ਼ ਦੀ ਮੌਜੂਦਾ ਚੈਂਪੀਅਨ ਤੇ ਯੂਐੱਸ ਓਪਨ ਜੇਤੂ ਏਲੇਨਾ ਰਾਇਬਾਕੀਨਾ ਨੇ ਗਰੁੱਪ 1 ’ਚ ਸਿਖਰਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਗਰੁੱਪ ’ਚ ਚੌਥੀ ਦਰਜਾ ਪ੍ਰਾਪਤ ਕੋਕੋ ਗੌਫ, ਪੰਜਵੀਂ ਦਰਜਾ ਪ੍ਰਾਪਤ ਜੈਸਿਕਾ ਪੇਗੁਲਾ ਤੇ ਅੱਠਵੀਂ ਦਰਜਾ ਪ੍ਰਾਪਤ ਲਿੰਡਾ ਨੋਸਕੋਵਾ ਵੀ ਸ਼ਾਮਲ ਹਨ। ਇਸ ਦੌਰਾਨ, ਵਿਸ਼ਵ ਦੀ ਦੂਜੇ ਨੰਬਰ ਦੀ ਆਰੀਨਾ ਸਬਲੇਂਕਾ ਗਰੁੱਪ 2 ਦੀ ਅਗਵਾਈ ਕਰਦੀ ਹੈ। ਤੀਜਾ ਦਰਜਾ ਪ੍ਰਾਪਤ ਮੀਰਾ ਐਂਡਰੀਵਾ, ਛੇਵੀਂ ਦਰਜਾ ਪ੍ਰਾਪਤ ਏਲੀਨਾ ਸਵਿਤੋਲੀਨਾ ਤੇ ਸੱਤਵੀਂ ਦਰਜਾ ਪ੍ਰਾਪਤ ਕੈਰੋਲੀਨਾ ਮੁਚੋਵਾ ਇਸ ਗਰੁੱਪ ’ਚ ਹਨ। ਪਿਛਲੇ ਸਾਲ, ਰਾਇਬਾਕੀਨਾ ਨੇ ਫਾਈਨਲ ’ਚ ਸਬਲੇਂਕਾ ਨੂੰ ਹਰਾ ਕੇ ਖਿਤਾਬ ਜਿੱਤਿਆ ਸੀ। ਇਸ ਵਾਰ, ਦੋਵੇਂ ਖਿਡਾਰੀ ਵੱਖ-ਵੱਖ ਗਰੁੱਪਾਂ ’ਚ ਹੋਣ ਕਾਰਨ, ਉਨ੍ਹਾਂ ਦਾ ਮੁਕਾਬਲਾ ਫਾਈਨਲ ਤੋਂ ਪਹਿਲਾਂ ਨਹੀਂ ਹੋ ਸਕਦਾ। ਫ੍ਰੈਂਚ ਓਪਨ ਚੈਂਪੀਅਨ ਮੀਰਾ ਐਂਡਰੀਵਾ, ਕੈਰੋਲੀਨਾ ਮੁਚੋਵਾ ਅਤੇ ਵਿੰਬਲਡਨ ਚੈਂਪੀਅਨ ਲਿੰਡਾ ਨੋਸਕੋਵਾ ਪਹਿਲੀ ਵਾਰ ਡਬਲਯੂਟੀਏ ਫਾਈਨਲਜ਼ ’ਚ ਹਿੱਸਾ ਲੈਣਗੀਆਂ।
ਜੋਕੋਵਿਚ ਨੇ ਮਾੜੀ ਸ਼ੁਰੂਆਤ ਨੂੰ ਮਾਤ ਦੇ ਕੇ ਜਿੱਤ ਦਰਜ ਕੀਤੀ
ਪੈਰਿਸ, ਏਪੀ : ਰਿਕਾਰਡ ਤੋੜ ਸੱਤ ਵਾਰ ਦੇ ਚੈਂਪੀਅਨ ਨੋਵਾਕ ਜੋਕੋਵਿਚ ਨੇ ਮਾੜੀ ਸ਼ੁਰੂਆਤ ਨੂੰ ਮਾਤ ਦੇ ਕੇ ਪੈਰਿਸ ਮਾਸਟਰਜ਼ ਟੈਨਿਸ ਟੂਰਨਾਮੈਂਟ ਦੇ ਪਹਿਲੇ ਦੌਰ ਵਿੱਚ ਜਿੱਤ ਪ੍ਰਾਪਤ ਕੀਤੀ। 24 ਵਾਰ ਦੇ ਪੁਰਸ਼ ਗ੍ਰੈਂਡ ਸਲੈਮ ਜੇਤੂ ਨੇ ਪਹਿਲੇ ਦੌਰ ਵਿੱਚ ਵੈਲੇਨਟਿਨ ਵਾਚੇਰੋਟ ਨੂੰ 6-7 (5), 7-5, 6-1 ਨਾਲ ਹਰਾਇਆ। ਜੋਕੋਵਿਚ ਆਪਣੇ ਕਰੀਅਰ ਦਾ 103ਵਾਂ ਖਿਤਾਬ ਜਿੱਤ ਕੇ ਰੋਜਰ ਫੈਡਰਰ ਦੇ ਰਿਕਾਰਡ ਦੀ ਬਰਾਬਰੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਹ ਰਿਕਾਰਡ ਜਿੰਮੀ ਕੋਨਰਜ਼ ਦੇ ਕੋਲ ਹੈ, ਜਿਸਨੇ 109 ਖਿਤਾਬ ਜਿੱਤੇ ਹਨ। ਤੀਜਾ ਦਰਜਾ ਪ੍ਰਾਪਤ ਬੇਨ ਸ਼ੈਲਟਨ ਨੇ ਕੈਮਰਨ ਨਾਈ ਨੂੰ 6-3, 6-4 ਨਾਲ ਹਰਾ ਕੇ ਤੀਜੇ ਦੌਰ ’ਚ ਪ੍ਰਵੇਸ਼ ਕੀਤਾ, ਜਦੋਂ ਕਿ 11ਵਾਂ ਦਰਜਾ ਪ੍ਰਾਪਤ ਟੇਲਰ ਫ੍ਰਿਟਜ਼ ਨੇ ਬੈਂਜਾਮਿਨ ਬੋਂਜ਼ੀ ਨੂੰ 3-6, 6-3, 6-4 ਨਾਲ ਹਰਾਇਆ। ਹੋਰ ਮੈਚਾਂ ਵਿੱਚ, ਫਰਾਂਸ ਦੇ ਮੋਇਸ ਕੌਆਮੇ ਨੂੰ ਨੂਨੋ ਬੋਰਗੇਸ ਤੋਂ 6-3, 6-1 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ 2022 ਦੇ ਚੈਂਪੀਅਨ ਹੋਲਗਰ ਰੂਨ ਨੂੰ 12ਵਾਂ ਦਰਜਾ ਪ੍ਰਾਪਤ ਟੌਮੀ ਪਾਲ ਤੋਂ 7-5, 6-4 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।