ਸਵੀਆਤੇਕ ਦੀ ਲਗਾਤਾਰ ਸੱਤਵੀਂ ਜਿੱਤ: ਐਮੀਲੀਆਨਾ ਅਰਾਂਗੋ ਨੂੰ ਸਿੱਧੇ ਸੈੱਟਾਂ 'ਚ ਮਾਤ ਦੇ ਕੇ ਕੀਤੀ ਸ਼ਾਨਦਾਰ ਸ਼ੁਰੂਆਤ

ਮੈਸਨ (ਅਮਰੀਕਾ), ਏਪੀ : ਟੋਰੰਟੋ ’ਚ ਵੀਰਵਾਰ ਨੂੰ ਖ਼ਿਤਾਬ ਜਿੱਤਣ ਤੋਂ ਬਾਅਦ ਘੱਟ ਸਮੇਂ ’ਚ ਸਿਨਸਿਨਾਟੀ ਪਹੁੰਚੀ ਸਵੀਆਤੇਕ ਨੇ ਐਤਵਾਰ ਨੂੰ ਸਿਨਸਿਨਾਟੀ ਓਪਨ ਦੇ ਸੈਂਟਰ ਕੋਰਟ ’ਤੇ ਕੋਲੰਬੀਆ ਦੀ ਐਮੀਲੀਆਨਾ ਅਰਾਂਗੋ ਨੂੰ 6-3, 6-0 ਨਾਲ ਹਰਾ ਕੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ। ਇਹ ਸਵੀਆਤੇਕ ਦੀ ਲਗਾਤਾਰ ਸੱਤਵੀਂ ਜਿੱਤ ਹੈ। ਉਸਨੇ ਪਿਛਲੇ ਸਾਲ ਸਿਨਸਿਨਾਟੀ ’ਚ ਖ਼ਿਤਾਬ ਜਿੱਤਿਆ ਸੀ। ਐਤਵਾਰ ਨੂੰ ਦੁਨੀਆ ਦੀ ਨੰਬਰ ਇਕ ਖਿਡਾਰਨ ਐਰੀਨਾ ਸਬਾਲੇਂਕਾ ਨੈ ਵੀ ਜਿੱਤ ਦਰਜ ਕੀਤੀ। 21 ਅਕਤੂਬਰ 2024 ਤੋਂ ਲਗਾਤਾਰ 95 ਹਫਤਿਆਂ ਤੱਕ ਸਿਖਰਲੀ ਰੈਂਕਿੰਗ ’ਤੇ ਕਾਬਜ਼ ਸਬਾਲੇਂਕਾ ਨੇ ਆਸਟ੍ਰੇਲੀਆ ਦੀ ਤਾਲੀਆ ਗਿਬਸਨ ਨੂੰ 6-2, 7-6 (2) ਨਾਲ ਹਰਾਇਆ। ਸਿਨਸਿਨਾਟੀ ’ਚ 2022 ਤੋਂ ਉਸਦਾ ਰਿਕਾਰਡ ਹੁਣ 15-3 ਹੋ ਗਿਆ ਹੈ। ਟੋਰੰਟੋ ਫਾਈਨਲ ’ਚ ਸਵੀਆਤੇਕ ਤੋਂ ਹਾਰਣ ਵਾਲੀ ਦੁਨੀਆ ਦੀ ਨੰਬਰ ਦੋ ਖਿਡਾਰਨ ਐਲੇਨਾ ਰਿਬਾਕਿਨਾ ਨੇ ਅਮਰੀਕਾ ਦੀ ਟੇਲਰ ਟਾਊਨਸੈਂਡ ਨੂੰ 6-3, 6-4 ਨਾਲ ਮਾਤ ਦਿੱਤੀ। ਪਿਛਲੇ ਸਾਲ ਸਿਨਸਿਨਾਟੀ ’ਚ ਸੈਮੀਫਾਈਨਲ ਤੱਕ ਪਹੁੰਚੀ ਰਿਬਾਕਿਨਾ ਹੁਣ ਆਪਣਾ 14ਵਾਂ ਹਾਰਡ ਕੋਰਟ ਖ਼ਿਤਾਬ ਜਿੱਤਣ ਦੀ ਭਾਲ ’ਚ ਹੈ। ਉਸਨੇ ਜਨਵਰੀ ’ਚ ਆਸਟ੍ਰੇਲੀਅਨ ਓਪਨ ਦਾ ਖ਼ਿਤਾਬ ਜਿੱਤਿਆ ਸੀ।