'ਸਟਾਰਟਿੰਗ ਲਾਈਨ 'ਤੇ ਖੜ੍ਹੇ ਹੁੰਦਿਆਂ ਸਿਰਫ਼ ਮੈਡਲ ਦਿਸਦਾ ਹੈ', ਏਸ਼ਿਆਈ ਖੇਡਾਂ 'ਚ ਜਿੱਤ ਲਈ ਪੂਰੀ ਤਰ੍ਹਾਂ ਤਿਆਰ ਹਨ ਦੌੜਾਕ ਗੁਲਵੀਰ ਸਿੰਘ

ਗੁਲਵੀਰ ਨੇ ਕਿਹਾ ਕਿ ਜਦੋਂ ਤੁਸੀਂ ਸਟਾਰਟਿੰਗ ਲਾਈਨ ’ਤੇ ਖੜ੍ਹੇ ਹੁੰਦੇ ਹੋ ਤਾਂ ਤੁਹਾਡੇ ਦਿਮਾਗ਼ ’ਚ ਬਸ ਇਕ ਹੀ ਖ਼ਿਆਲ ਹੁੰਦਾ ਹੈ, ਦੇਸ਼ ਲਈ ਮੈਡਲ ਜਿੱਤਣਾ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਹਾਡੇ ਨਾਲ ਕੌਣ ਖੜ੍ਹਾ ਹੈ। ਹਰ ਕੋਈ ਬਰਾਬਰ ਮਿਹਨਤ ਕਰਦਾ ਹੈ, ਤੇ ਰੇਸ ਦੇ ਦਿਨ, ਸਭ ਕੁਝ ਇਸ ਗੱਲ ’ਤੇ ਨਿਰਭਰ ਕਰਦਾ ਹੈ ਕਿ ਕਿਸਦਾ ਸਰੀਰ ਬਿਹਤਰ ਤਰੀਕੇ ਨਾਲ ਟਿਕਦਾ ਹੈ। ਸਾਰੇ ਮੁਕਾਬਲੇਬਾਜ਼ ਪੂਰੀ ਤਿਆਰੀ ਨਾਲ ਆਉਣਗੇ ਪਰ ਮੈਨੂੰ ਪੂਰਾ ਭਰੋਸਾ ਹੈ ਕਿ ਮੈਂ ਭਾਰਤ ਲਈ ਮੈਡਲ ਲਿਆਵਾਂਗਾ। ਪਹਿਲਾਂ ਅਸੀਂ ਸੋਚਦੇ ਸੀ ਕਿ ਵਿਦੇਸ਼ੀ ਦੌੜਾਕ ਸਾਡੇ ਤੋਂ ਕਿਤੇ ਬਿਹਤਰ ਹਨ ਪਰ ਵੱਡੀ ਸਟੇਜ ’ਤੇ ਉਨ੍ਹਾਂ ਨਾਲ ਮੁਕਾਬਲਾ ਕਰਨ ਤੋਂ ਬਾਅਦ ਸਾਨੂੰ ਅਹਿਸਾਸ ਹੋਇਆ ਕਿ ਅਸੀਂ ਉਨ੍ਹਾਂ ਦੇ ਪੱਧਰ ’ਤੇ ਹਾਂ। ਮੇਰਾ ਕੋਚ ਸਕਾਟ ਸਿਮੰਸ ਅੰਤਰਰਾਸ਼ਟਰੀ ਦੌੜਾਕਾਂ ਦੇ ਗੇਮ ਪਲਾਨ ਦਾ ਵਿਸ਼ਲੇਸ਼ਣ ਕਰ ਕੇ ਖ਼ਾਸ ਤੌਰ ’ਤੇ ਸਾਡੇ ਟ੍ਰੇਨਿੰਗ ਸੈਸ਼ਨ ਨੂੰ ਡਿਜ਼ਾਈਨ ਕਰਦਾ ਹੈ।