ਆਈਸਕ੍ਰੀਮ ਤੇ ਗਣਿਤ ਤੋਂ ਦੂਰੀ ਬਣਾ ਕੇ 17 ਸਾਲਾ ਤੀਰਅੰਦਾਜ਼ ਕੁਮਕੁਮ ਮਹੋੜ ਨੇ ਰਚਿਆ ਇਤਿਹਾਸ, ਜਿੱਤਿਆ ਗੋਲਡ ਮੈਡਲ

ਕੁਮਕੁਮ ਨੇ ਕਿਹਾ ਕਿ ਉਹ ਇਸ ਸਮੇਂ ਫੋਨ ਦੀ ਵਰਤੋਂ ਵੀ ਨਹੀਂ ਕਰ ਰਹੀ। ਉਸ ਨੇ ਕਿਹਾ ਕਿ "ਇਸ ਸਮੇਂ ਮੈਂ ਬਹੁਤ ਜ਼ਿਆਦਾ ਲੋਕਾਂ ਨਾਲ ਸੰਪਰਕ ’ਚ ਨਹੀਂ ਹਾਂ। ਮੇਰੀ ਗੱਲਬਾਤ ਸਿਰਫ ਪਰਿਵਾਰ, ਕੋਚ ਤੇ ਇੱਥੇ ਟੀਮ ਦੇ ਲੋਕਾਂ ਨਾਲ ਹੁੰਦੀ ਹੈ।" ਉਹ ਭਾਰਤੀ ਪੁਰਸ਼ ਤੀਰਅੰਦਾਜ਼ੀ ਟੀਮ ਦੇ ਸਟਾਰ ਖਿਡਾਰੀ ਧੀਰਜ ਬੋਮਮਾਦੇਵਰਾ ਨੂੰ ਵੀ ਆਪਣਾ ਆਦਰਸ਼ ਮੰਨਦੀ ਹੈ। ਕੁਮਕੁਮ ਨੇ ਦੱਸਿਆ ਕਿ ਉਹ ਹਮੇਸ਼ਾ ਵੱਡੇ ਸੁਪਨੇ ਦੇਖਣ ਵਾਲੀ ਰਹੀ ਹੈ। ਏਸ਼ਿਆਈ ਖੇਡਾਂ ’ਚ ਸੋਨਾ ਜਿੱਤਣ ਦਾ ਟੀਚਾ ਹਾਸਲ ਕਰਨ ਮਗਰੋਂ ਹੁਣ ਉਸ ਦੀ ਨਜ਼ਰ 2028 ਲਾਸ ਐਂਜਲਿਸ ਓਲੰਪਿਕ ’ਚ ਪੋਡੀਅਮ 'ਤੇ ਜਗ੍ਹਾ ਬਣਾਉਣ 'ਤੇ ਹੈ। ਉਸ ਦੇ ਵਿਅਕਤੀਗਤ ਗੋਲਡ ਮੈਡਲ ਨਾਲ ਭਾਰਤ ਨੇ ਓਲੰਪਿਕ ਲਈ ਇਕ ਕੋਟਾ ਸਥਾਨ ਵੀ ਹਾਸਲ ਕਰ ਲਿਆ ਹੈ। ਸ਼ਨੀਵਾਰ ਨੂੰ ਫਾਈਨਲ ’ਚ ਕੁਮਕੁਮ ਨੇ ਵੱਧ ਅਨੁਭਵੀ ਤੇ ਮਜ਼ਬੂਤ ਮੰਨੀ ਜਾਣ ਵਾਲੀ ਦੱਖਣੀ ਕੋਰੀਆ ਦੀ ਓ ਯੇਜਿਨ ਨੂੰ ਸ਼ੂਟ-ਆਫ ’ਚ 6-5 ਨਾਲ ਹਰਾਇਆ ਅਤੇ ਦਬਾਅ ਦੇ ਪਲਾਂ ’ਚ ਸ਼ਾਨਦਾਰ ਸੰਜਮ ਦਿਖਾਇਆ। ਉਸ ਨੇ ਕਿਹਾ ਕਿ "ਮੈਂ ਸ਼ੂਟ-ਆਫ ਲਈ ਤਿਆਰ ਹੋ ਕੇ ਆਈ ਸੀ। ਇੱਥੇ ਆਉਣ ਤੋਂ ਪਹਿਲਾਂ ਮੈਂ ਕਲਪਨਾ ਕਰਦੀ ਸੀ ਕਿ ਜੇ ਸ਼ੂਟ-ਆਫ ਹੋਇਆ ਤਾਂ ਮੈਂ ਐਕਸ 'ਤੇ ਨਿਸ਼ਾਨਾ ਲਗਾਉਂਦੀ ਤੇ ਮੈਂ ਓਹੀ ਕੀਤਾ। ਮੈਨੂੰ ਆਪਣੇ ’ਤੇ ਵਿਸ਼ਵਾਸ ਸੀ, ਇਸ ਲਈ ਮੈਂ ਆਪਣਾ ਸਰਬੋਤਮ ਪ੍ਰਦਰਸ਼ਨ ਕਰ ਸਕੀ। ਟੀਮ ਨੇ ਵੀ ਸਕਾਰਾਤਮਕ ਸੋਚ ਬਣਾਈ ਰੱਖਣ ’ਚ ਮੇਰਾ ਸਾਥ ਦਿੱਤਾ।"