PBKS ਦੀ ਪਹਿਲੀ ਜਿੱਤ ਮਗਰੋਂ ਸ਼੍ਰੇਅਸ ਅਈਅਰ ਦਾ ਵੱਡਾ ਖ਼ੁਲਾਸਾ, 2 ਖਿਡਾਰੀਆਂ ਦੀ ਕੀਤੀ ਰੱਜ ਕੇ ਤਾਰੀਫ਼
ਪੰਜਾਬ ਕਿੰਗਜ਼ ਨੇ ਕਪਤਾਨ ਸ਼੍ਰੇਅਸ ਅਈਅਰ (97*) ਅਤੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਮਦਦ ਨਾਲ ਆਈ. ਪੀ. ਐੱਲ. 2025 'ਚ ਆਪਣੀ ਮੁਹਿੰਮ ਦੀ ਜੇਤੂ ਸ਼ੁਰੂਆਤ ਕੀਤੀ।
Posted By alisha
Publish Date: Wed, 26 Mar 2025 10:17 AM (IST)
Updated Date: Wed, 26 Mar 2025 02:10 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਪੰਜਾਬ ਕਿੰਗਜ਼ ਨੇ ਕਪਤਾਨ ਸ਼੍ਰੇਅਸ ਅਈਅਰ (97*) ਅਤੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਮਦਦ ਨਾਲ ਆਈ. ਪੀ. ਐੱਲ. 2025 'ਚ ਆਪਣੀ ਮੁਹਿੰਮ ਦੀ ਜੇਤੂ ਸ਼ੁਰੂਆਤ ਕੀਤੀ। ਲੀਗ ਦੇ 5ਵੇਂ ਮੈਚ 'ਚ ਪੰਜਾਬ ਕਿੰਗਜ਼ ਨੇ ਗੁਜਰਾਤ ਟਾਈਟਨਸ ਨੂੰ 11 ਦੌੜਾਂ ਨਾਲ ਹਰਾਇਆ।
ਸ਼੍ਰੇਅਸ ਅਈਅਰ ਨੂੰ ਖ਼ਾਸ ਖਿਤਾਬ
ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡੇ ਗਏ ਮੈਚ 'ਚ, ਪੰਜਾਬ ਕਿੰਗਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ 'ਚ 5 ਵਿਕਟਾਂ ਦੇ ਨੁਕਸਾਨ 'ਤੇ 243 ਦੌੜਾਂ ਬਣਾਈਆਂ। ਜਵਾਬ 'ਚ ਗੁਜਰਾਤ ਟਾਈਟਨਜ਼ ਨੇ ਸਖ਼ਤ ਟੱਕਰ ਦਿੱਤੀ ਪਰ 20 ਓਵਰਾਂ 'ਚ 5 ਵਿਕਟਾਂ ਗੁਆਉਣ ਤੋਂ ਬਾਅਦ ਉਹ ਸਿਰਫ਼ 232 ਦੌੜਾਂ ਹੀ ਬਣਾ ਸਕੀ।
ਪੰਜਾਬ ਕਿੰਗਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੂੰ ਉਸ ਦੀ ਸ਼ਾਨਦਾਰ ਪਾਰੀ ਲਈ 'ਪਲੇਅਰ ਆਫ਼ ਦਿ ਮੈਚ' ਚੁਣਿਆ ਗਿਆ। ਅਈਅਰ ਨੇ ਸਿਰਫ਼ 42 ਗੇਂਦਾਂ 'ਚ 5 ਚੌਕੇ ਅਤੇ 9 ਛੱਕਿਆਂ ਦੀ ਮਦਦ ਨਾਲ 97 ਦੌੜਾਂ ਬਣਾਈਆਂ। ਉਸ ਨੂੰ ਸ਼ਸ਼ਾਂਕ ਸਿੰਘ ਦਾ ਚੰਗਾ ਸਾਥ ਮਿਲਿਆ, ਜਿਸ ਨੇ ਸਿਰਫ਼ 16 ਗੇਂਦਾਂ 'ਚ 6 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ 44 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਵਿਚਕਾਰ ਛੇਵੀਂ ਵਿਕਟ ਲਈ 81 ਦੌੜਾਂ ਦੀ ਸਾਂਝੇਦਾਰੀ ਹੋਈ।
ਆਪਣੀ ਪਾਰੀ ਤੋਂ ਖੁਸ਼
'ਪਲੇਅਰ ਆਫ ਦਿ ਮੈਚ' ਦਾ ਪੁਰਸਕਾਰ ਪ੍ਰਾਪਤ ਕਰਨ ਤੋਂ ਬਾਅਦ, ਸ਼੍ਰੇਅਸ ਅਈਅਰ ਨੇ ਪ੍ਰਸਾਰਕ ਨੂੰ ਕਿਹਾ, ''ਮੈਂ ਉਤਸ਼ਾਹਿਤ ਹਾਂ। ਪਹਿਲੇ ਹੀ ਮੈਚ 'ਚ 97 ਦੌੜਾਂ ਬਣਾ ਕੇ ਚੰਗਾ ਲੱਗ ਰਿਹਾ ਹੈ। ਸੱਚ ਕਹਾਂ ਤਾਂ ਇਸ ਤੋਂ ਵਧੀਆ ਅਹਿਸਾਸ ਹੋਰ ਕੋਈ ਨਹੀਂ ਹੋ ਸਕਦਾ। ਮੇਰੇ ਲਈ ਅੱਗੇ ਆਉਣਾ ਅਤੇ ਹਾਲਾਤਾਂ ਅਨੁਸਾਰ ਆਪਣੇ-ਆਪ ਨੂੰ ਢਾਲਣਾ ਮਹੱਤਵਪੂਰਨ ਸੀ। ਮੈਂ ਪਹਿਲੀ ਗੇਂਦ 'ਤੇ ਚੌਕਾ ਮਾਰਿਆ, ਜਿਸ ਨਾਲ ਮੇਰਾ ਆਤਮਵਿਸ਼ਵਾਸ ਬਹੁਤ ਵਧ ਗਿਆ।''
ਨਵੇਂ ਨਿਯਮਾਂ ਨਾਲ ਮਿਲੀ ਮਦਦ
ਸ਼੍ਰੇਅਸ ਅਈਅਰ ਨੇ ਆਪਣੇ ਦੋ ਗੇਂਦਬਾਜ਼ਾਂ ਵਿਜੇਕੁਮਾਰ ਵੈਸ਼ਕ ਅਤੇ ਅਰਸ਼ਦੀਪ ਸਿੰਘ ਦੀ ਪ੍ਰਸ਼ੰਸਾ ਕੀਤੀ। ਉਸ ਨੇ ਕਿਹਾ, ''ਵੈਸ਼ਾਕ ਇੱਕ ਮਜ਼ੇਦਾਰ ਕਿਰਦਾਰ ਹੈ। ਉਸ ਕੋਲ ਬਹੁਤ ਸਾਰੇ ਸੁਮੇਲ ਹਨ, ਜਿਸ ਕਾਰਨ ਉਸ ਦਾ ਰਵੱਈਆ ਬਹੁਤ ਵਧੀਆ ਹੈ। ਉਸ ਦੀ ਸੋਚ ਬਹੁਤ ਵਧੀਆ ਹੈ। ਮੈਨੂੰ ਬਾਹਰੋਂ ਉਸ ਨੂੰ ਦੇਖ ਕੇ ਬਹੁਤ ਖੁਸ਼ੀ ਹੋਈ।''
ਪੰਜਾਬ ਕਿੰਗਜ਼ ਦੇ ਕਪਤਾਨ ਨੇ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਅਰਸ਼ਦੀਪ ਨੇ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਉਨ੍ਹਾਂ ਕਿਹਾ ਕਿ ਜੇਕਰ ਗੇਂਦ ਥੋੜ੍ਹੀ ਜਿਹੀ ਰਿਵਰਸ ਸਵਿੰਗ ਕਰ ਰਹੀ ਹੈ ਤਾਂ ਲਾਰ ਲਗਾਉਣ ਨਾਲ ਮਦਦ ਮਿਲੇਗੀ। ਅਸੀਂ ਸਫਲ ਰਹੇ। ਅਸੀਂ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਕੋਈ ਕਸਰ ਨਹੀਂ ਛੱਡੀ। ਹਰ ਕੋਈ ਆਪਣੀ ਸੋਚ ਲੈ ਕੇ ਆਇਆ ਸੀ। ਸਾਰਿਆਂ ਨੇ ਖੇਤਰ 'ਚ ਹਿੱਸਾ ਲਿਆ ਅਤੇ ਫੈਸਲੇ ਲੈਣ 'ਚ ਦਿਲਚਸਪੀ ਦਿਖਾਈ।''