Asian Games 2026: ਸ਼ੂਟਰ ਹਿਮਾਂਸ਼ੂ ਢਿੱਲੋਂ ਤੇ ਰੁਦ੍ਰਾਂਕਸ਼ ਪਾਟਿਲ ਨੇ ਭਾਰਤ ਨੂੰ ਦਵਾਈ ਦੋਹਰੀ ਸਫ਼ਲਤਾ, ਮੈਡਲ ਜਿੱਤ ਕੇ ਪਹਿਲੀ ਵਾਰ ਕੀਤਾ ਇਹ ਕੰਮ

ਹਿਮਾਂਸ਼ੂ ਢਿੱਲੋਂ ਨੇ ਦੂਜੇ ਸਥਾਨ 'ਤੇ ਰਹਿੰਦਿਆਂ ਸਿਲਵਰ ਮੈਡਲ ਜਿੱਤਿਆ, ਜਦੋਂ ਕਿ ਰੁਦ੍ਰਾਂਕਸ਼ ਪਾਟਿਲ ਨੇ ਬ੍ਰਾਂਜ਼ (ਕਾਂਸੀ) ਮੈਡਲ ਉੱਤੇ ਕਬਜ਼ਾ ਕੀਤਾ। ਇਸ ਦੇ ਨਾਲ ਹੀ ਇਨ੍ਹਾਂ ਏਸ਼ੀਆਈ ਖੇਡਾਂ ਵਿੱਚ ਇਹ ਪਹਿਲੀ ਵਾਰ ਹੋਇਆ ਹੈ ਜਦੋਂ ਇੱਕੋ ਈਵੈਂਟ ਵਿੱਚ ਭਾਰਤ ਦੇ ਹਿੱਸੇ ਦੋ ਮੈਡਲ ਆਏ ਹਨ।

Posted By Anuradha Bains

Publish Date: Mon, 21 Sep 2026 11:21 AM (IST)

Updated Date: Mon, 21 Sep 2026 11:23 AM (IST)

Asian Games 2026: ਸ਼ੂਟਰ ਹਿਮਾਂਸ਼ੂ ਢਿੱਲੋਂ ਤੇ ਰੁਦ੍ਰਾਂਕਸ਼ ਪਾਟਿਲ ਨੇ ਭਾਰਤ ਨੂੰ ਦਵਾਈ ਦੋਹਰੀ ਸਫ਼ਲਤਾ, ਮੈਡਲ ਜਿੱਤ ਕੇ ਪਹਿਲੀ ਵਾਰ ਕੀਤਾ ਇਹ ਕੰਮ

ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤ ਦੇ ਨਿਸ਼ਾਨੇਬਾਜ਼ ਆਇਚੀ-ਨਾਗੋਇਆ ਏਸ਼ਿਆਈ ਖੇਡਾਂ-2026 ਵਿੱਚ ਲਗਾਤਾਰ ਮੈਡਲ ਆਪਣੇ ਨਾਮ ਕਰ ਰਹੇ ਹਨ। ਇਨ੍ਹਾਂ ਖੇਡਾਂ ਦੇ ਪਹਿਲੇ ਦਿਨ ਵੀ ਦੇਸ਼ ਦੀਆਂ ਮਹਿਲਾ ਨਿਸ਼ਾਨੇਬਾਜ਼ਾਂ ਨੇ ਮੈਡਲ ਜਿੱਤੇ ਸਨ ਅਤੇ ਦੂਜੇ ਦਿਨ ਸੋਮਵਾਰ ਨੂੰ ਵੀ ਨਿਸ਼ਾਨੇਬਾਜ਼ਾਂ ਨੇ ਤਿੰਨ ਮੈਡਲ ਜਿੱਤ ਕੇ ਭਾਰਤੀ ਪ੍ਰਸ਼ੰਸਕਾਂ ਨੂੰ ਖੁਸ਼ੀ ਦਿੱਤੀ। ਪੁਰਸ਼ ਟੀਮ ਈਵੈਂਟ ਵਿੱਚ ਸਿਲਵਰ ਜਿੱਤਣ ਵਾਲੇ ਹਿਮਾਂਸ਼ੂ ਢਿੱਲੋਂ ਅਤੇ ਰੁਦ੍ਰਾਂਕਸ਼ ਪਾਟਿਲ ਨੇ 10 ਮੀਟਰ ਏਅਰ ਰਾਈਫਲ ਵਿਅਕਤੀਗਤ ਈਵੈਂਟ ਵਿੱਚ ਵੀ ਮੈਡਲ ਆਪਣੇ ਨਾਮ ਕੀਤੇ ਹਨ।

ਜੰਮ ਕੇ ਦਿੱਤੀ ਟੱਕਰ

ਇਨ੍ਹਾਂ ਦੋਵਾਂ ਹੀ ਖਿਡਾਰੀਆਂ ਨੇ ਗੋਲਡ ਮੈਡਲ ਜਿੱਤਣ ਵਾਲੇ ਚੀਨ ਦੇ ਲਿਹਾਓ ਸ਼ੇਨ ਨੂੰ ਸਖ਼ਤ ਟੱਕਰ ਦਿੱਤੀ। ਚੀਨ ਦੇ ਖਿਡਾਰੀ ਨੇ 254.2 ਦੇ ਸਕੋਰ ਨਾਲ ਗੋਲਡ ਜਿੱਤਿਆ। ਉੱਥੇ ਹੀ ਹਿਮਾਂਸ਼ੂ ਨੇ 252.4 ਦੇ ਸਕੋਰ ਨਾਲ ਸਿਲਵਰ ਆਪਣੇ ਨਾਮ ਕੀਤਾ ਅਤੇ ਰੁਦ੍ਰਾਂਕਸ਼ ਨੇ 230.9 ਦੇ ਸਕੋਰ ਨਾਲ ਕਾਂਸੀ ਦਾ ਤਗ਼ਮਾ ਜਿੱਤਿਆ। ਸ਼ੇਨ ਇੱਕ ਸਮੇਂ ਤੀਜੇ ਅਤੇ ਚੌਥੇ ਸਥਾਨ 'ਤੇ ਹੀ ਚੱਲ ਰਹੇ ਸਨ, ਪਰ ਉਨ੍ਹਾਂ ਨੇ ਵਾਪਸੀ ਕੀਤੀ ਅਤੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਭਾਰਤ ਦੇ ਦੋਵੇਂ ਨਿਸ਼ਾਨੇਬਾਜ਼ ਮੁਕਾਬਲੇ ਦੀ ਸ਼ੁਰੂਆਤ ਤੋਂ ਹੀ ਮੈਡਲ ਦੀ ਰੇਸ ਵਿੱਚ ਸਨ ਅਤੇ ਇਹ ਕੰਮ ਪੂਰਾ ਕਰਕੇ ਹੀ ਰੁਕੇ।

ਇਸ ਤਰ੍ਹਾਂ ਬਣਾਈ ਫਾਈਨਲ ਵਿੱਚ ਜਗ੍ਹਾ

ਰੁਦ੍ਰਾਂਕਸ਼ ਅਤੇ ਢਿੱਲੋਂ ਦੇ ਨਾਲ ਪਾਰਥ ਮਾਨੇ ਨੇ ਟੀਮ ਈਵੈਂਟ ਵਿੱਚ ਭਾਰਤ ਨੂੰ ਸਿਲਵਰ ਮੈਡਲ ਦਿਵਾਇਆ ਸੀ। ਇਸੇ ਈਵੈਂਟ ਦੇ ਜ਼ਰੀਏ ਰੁਦ੍ਰਾਂਕਸ਼ ਅਤੇ ਢਿੱਲੋਂ ਨੇ ਵਿਅਕਤੀਗਤ (ਇੰਡੀਵਿਜੁਅਲ) ਫਾਈਨਲ ਲਈ ਕੁਆਲੀਫਾਈ ਕੀਤਾ ਸੀ। ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਰੁਦ੍ਰਾਂਕਸ਼ ਨੇ 631.8 ਦੇ ਸਕੋਰ ਨਾਲ ਤੀਜੇ ਸਥਾਨ 'ਤੇ ਰਹਿੰਦਿਆਂ ਫਾਈਨਲ ਵਿੱਚ ਜਗ੍ਹਾ ਬਣਾਈ ਸੀ। ਉੱਥੇ ਹੀ ਢਿੱਲੋਂ 630 ਅੰਕਾਂ ਨਾਲ ਸੱਤਵੇਂ ਸਥਾਨ 'ਤੇ ਰਹਿੰਦਿਆਂ ਫਾਈਨਲ ਵਿੱਚ ਪਹੁੰਚੇ ਸਨ। ਜਦੋਂ ਕਿ ਲਿਹਾਓ 635.4 ਅੰਕਾਂ ਨਾਲ ਪਹਿਲੇ ਨੰਬਰ 'ਤੇ ਰਹੇ ਸਨ।