ਵਿਸ਼ਵ ਕੱਪ ਫਾਈਨਲ ’ਚ ਹੰਗਾਮਾ ਪੈਣਾ ਪਿਆ ਮਹਿੰਗਾ, ਫੀਫਾ ਵਲੋਂ ਅਰਜੈਂਟੀਨਾ ਦੇ ਖਿਡਾਰੀਆਂ ’ਤੇ 21 ਕੌਮਾਂਤਰੀ ਮੈਚਾਂ ਦੀ ਪਾਬੰਦੀ

ਫੀਫਾ ਨੇ ਇਹ ਵੀ ਦੱਸਿਆ ਕਿ ਅਰਜੈਂਟੀਨਾ ਫੁੱਟਬਾਲ ਐਸੋਸੀਏਸ਼ਨ 'ਤੇ 31 ਲੱਖ ਡਾਲਰ (ਲਗਭਗ ਤਿੰਨ ਕਰੋੜ ਰੁਪਏ) ਦਾ ਜੁਰਮਾਨਾ ਲਗਾਉਂਦੇ ਹੋਏ ਉਨ੍ਹਾਂ ਨੂੰ ਆਪਣੇ ਅਗਲੇ ਘਰੇਲੂ ਮੈਚ ਨੂੰ ਨਿਰਧਾਰਿਤ ਸੰਖਿਆ ਦੇ ਅੱਧੇ ਦਰਸ਼ਕਾਂ ਨਾਲ ਖੇਡਣ ਦਾ ਹੁਕਮ ਦਿੱਤਾ ਗਿਆ ਹੈ। ਹਾਲਾਂਕਿ ਇਹ ਪਾਬੰਦੀ ਦੋ ਮੈਚਾਂ ਦੀ ਰਹੇਗੀ ਪਰ ਦੂਜੇ ਮੈਚ ਵਾਲੀ ਪਾਬੰਦੀ ਅਣਮਿੱਥੇ ਸਮੇਂ ਲਈ ਮੁਅੱਤਲ ਰੱਖੀ ਗਈ ਹੈ। ਫੀਫਾ ਨੇ ਇਹ ਜੁਰਮਾਨਾ ਇਕ ਖੇਡ ਸਮਾਰੋਹ ਦੀ ਆੜ ’ਚ ਅਜਿਹੇ ਵਿਵਹਾਰ ਦਾ ਪ੍ਰਦਰਸ਼ਨ ਕਰਨ ਕਾਰਨ ਲਗਾਇਆ ਹੈ, ਜੋ ਖੇਡ ਤੋਂ ਇਲਾਵਾ ਕਿਸੇ ਹੋਰ ਚੀਜ਼ ਨਾਲ ਜੁੜਿਆ ਹੋਵੇ। ਦਰਅਸਲ, ਇੰਗਲੈਂਡ ਨੂੰ ਹਰਾਉਣ ਦੇ ਬਾਅਦ ਅਰਜੈਂਟੀਨਾ ਦੇ ਖਿਡਾਰੀਆਂ ਨੇ ਵਿਵਾਦਿਤ ਫਾਕਲੈਂਡ ਦੀਪ ਨੂੰ ਆਪਣਾ ਦੱਸਣ ਵਾਲੇ ਪੋਸਟਰ-ਬੈਨਰ ਦਿਖਾਏ ਸਨ। ਪਹਿਲਾਂ ਇਹ ਬੈਨਰ ਦਰਸ਼ਕਾਂ ਦੇ ਹੱਥ ’ਚ ਸਨ ਪਰ ਮੈਚ ਦੇ ਬਾਅਦ ਇਨ੍ਹਾਂ ਨੂੰ ਮੈਦਾਨ 'ਤੇ ਵੀ ਦੇਖਿਆ ਗਿਆ ਅਤੇ ਇੰਗਲੈਂਡ ਨੇ ਇਸ ਦੀ ਸ਼ਿਕਾਇਤ ਵੀ ਕੀਤੀ ਸੀ। ਫੀਫਾ ਨੇ ਇਹ ਵੀ ਦੱਸਿਆ ਕਿ ਇਸ ਫ਼ੈਸਲੇ ਖ਼ਿਲਾਫ਼ ਅਪੀਲ ਕੀਤੀ ਜਾ ਸਕਦੀ ਹੈ। ਇਸ ਫ਼ੈਸਲੇ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਅਰਜੈਂਟੀਨਾ ਨੇ ਇਸ ਨੂੰ ਖੇਡਾਂ ਦੀ ਸਰਵਉੱਚ ਅਦਾਲਤ (ਖੇਡ ਪੰਚਾਟ) ਤੱਕ ਲੈ ਜਾਣ ਦੀ ਗੱਲ ਕਹੀ ਹੈ।