ਪ੍ਰੀਮੀਅਰ ਲੀਗ 2026-27: ਆਰਸੇਨਲ ਦੀ ਜਿੱਤ ਨਾਲ ਸ਼ਾਨਦਾਰ ਸ਼ੁਰੂਆਤ, ਮੈਨਚੈਸਟਰ ਯੂਨਾਈਟਡ ਨੂੰ ਪਹਿਲੇ ਹੀ ਮੈਚ 'ਚ ਮਿਲੀ ਹਾਰ

25 ਸਾਲਾਂ ਤੱਕ ਨੀਵੇਂ ਪੱਧਰ 'ਤੇ ਖੇਡਣ ਮਗਰੋਂ ਇੰਗਲੈਂਡ ਦੇ ਉੱਚ ਪੱਧਰ 'ਤੇ ਵਾਪਸ ਆਈ ਕੋਵੈਂਟਰੀ ਲਈ ਇਹ ਮੈਚ ਪਹਿਲੇ ਮਿੰਟ ਤੋਂ ਹੀ ਮੁਸ਼ਕਲ ਰਿਹਾ। ਇੰਗਲੈਂਡ ਦੀ ਦੂਜੇ ਪੱਧਰ ਦੀ ਲੀਗ, ਚੈਂਪੀਅਨਸ਼ਿਪ ਜਿੱਤਣ ਵਾਲੀ ਕੋਵੈਂਟਰੀ ਇਸ ਪੂਰੇ ਮੈਚ ’ਚ ਆਰਸੇਨਲ ਦੇ ਖੇਡ ਦੇ ਆਸ-ਪਾਸ ਵੀ ਨਹੀਂ ਦਿਖਾਈ ਦਿੱਤੀ। ਆਰਸੇਨਲ ਦੇ ਅਟੈਕ ’ਚ ਬਾਈਂ ਵਿੰਗ 'ਤੇ ਖੇਡ ਰਹੇ ਜੋਲਿਸ ਨੇ ਪਹਿਲਾਂ ਤਾਂ ਮੈਚ ਦੇ 15ਵੇਂ ਮਿੰਟ ’ਚ ਕੋਵੈਂਟਰੀ ਦੀ ਟੀਮ ਤੋਂ ਗੇਂਦ ਖੋਹੀ ਅਤੇ ਡਿਫੈਂਡਰ ਰਿਕਾਰਡੋ ਕੈਲਾਫਿਓਰੀ ਨੂੰ ਦਿੱਤੀ, ਜਿਸ ਨੇ ਇਸਨੂੰ ਹਾਵਰਟਜ਼ ਤੱਕ ਪਹੁੰਚਾਇਆ ਅਤੇ ਹਾਵਰਟਜ਼ ਨੇ ਗੇਂਦ ਨੂੰ ਸਿੱਧਾ ਗੋਲ ’ਚ ਪਹੁੰਚਾ ਦਿੱਤਾ। ਇਸ ਤੋਂ ਬਾਅਦ ਜੋਲਿਸ ਨੇ ਫਿਰ ਤੋਂ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ ਮੈਚ ਦੇ 23ਵੇਂ ਮਿੰਟ ’ਚ ਇਕ ਕ੍ਰਾਸ ਕੀਤਾ, ਜਿਸ ਨੂੰ ਗੋਲਕੀਪਰ ਕਾਰਲ ਰਸ਼ਵਰਥ ਕਿਸੇ ਤਰ੍ਹਾਂ ਰੋਕਣ ’ਚ ਸਫਲ ਰਹੇ, ਪਰ ਗੇਂਦ ਸਾਕਾ ਤੱਕ ਪਹੁੰਚ ਗਈ, ਜਿਸ ਨੇ ਇਸ ਨੂੰ ਗੋਲ ’ਚ ਪਹੁੰਚਾ ਕੇ ਸਕੋਰ 2-0 ਕਰ ਦਿੱਤਾ। ਮੈਚ ਦੇ ਦੂਜੇ ਹਾਫ ’ਚ ਓਡੇਗਾਰਡ ਨੇ ਇਕ ਹੋਰ ਗੋਲ ਕਰ ਕੇ ਸਕੋਰ 3-0 ਕਰ ਦਿੱਤਾ, ਜੋ ਅੰਤ ’ਚ ਜਿੱਤ ਦਾ ਫਰਕ ਬਣ ਗਿਆ। ਕੋਵੈਂਟਰੀ ਦੀ ਟੀਮ ਇਸ ਪੂਰੇ ਮੈਚ ’ਚ ਆਰਸੇਨਲ ਦੇ ਗੋਲਕੀਪਰ ਡੇਵਿਡ ਰਾਯਾ ਨੂੰ ਕੋਈ ਮੁਸ਼ਕਲ ਨਹੀਂ ਪੈਦਾ ਕਰ ਸਕੀ। ਉਨ੍ਹਾਂ ਪੂਰੇ ਮੈਚ ’ਚ ਸਿਰਫ ਇਕ ਸ਼ਾਟ ਲਿਆ ਪਰ ਉਹ ਵੀ ਕਮਜ਼ੋਰ ਸਾਬਤ ਹੋਇਆ।