ਦੇਸ਼ ਲਈ ਤਮਗ਼ਿਆਂ 'ਤੇ ਨਿਸ਼ਾਨੇ ਲਾ ਰਿਹੈ ਪਟਿਆਲਾ ਦਾ ਅਰਜੁਨ, ਕਾਮਨਵੈਲਥ 'ਚ ਚਮਕਾਇਆ ਨਾਮ

ਇਸ ਸ਼ਾਨਦਾਰ ਜਿੱਤ ਤੋਂ ਬਾਅਦ ਆਪਣੇ ਤਜਰਬੇ ਸਾਂਝੇ ਕਰਦਿਆਂ ਅਰਜੁਨ ਨੇ ਦੱਸਿਆ ਕਿ ਨਾਈਜੀਰੀਆ ’ਚ ਖੇਡਣਾ ਉਸ ਲਈ ਇੱਕ ਵੱਖਰਾ ਤੇ ਚੁਣੌਤੀਪੂਰਨ ਤਜਰਬਾ ਸੀ। ਉਥੋਂ ਦੇ ਵਾਤਾਵਰਣ ਤੇ ਅੰਤਰਰਾਸ਼ਟਰੀ ਪੱਧਰ ਦੇ ਤਕੜੇ ਮੁਕਾਬਲੇਬਾਜ਼ਾਂ ਵਿਚਾਲੇ ਖੇਡਣਾ ਆਸਾਨ ਨਹੀਂ ਸੀ। ‘ਅੰਤਰਰਾਸ਼ਟਰੀ ਮੰਚ 'ਤੇ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਨਾ ਤੇ ਜਿੱਤ ਤੋਂ ਬਾਅਦ ਤਿਰੰਗਾ ਲਹਿਰਾਉਂਦਾ ਦੇਖਣਾ ਹਰ ਖਿਡਾਰੀ ਦਾ ਸਭ ਤੋਂ ਵੱਡਾ ਸੁਪਨਾ ਹੁੰਦਾ ਹੈ। ਆਖਰੀ ਦਿਨ ਦੇ ਮੁਕਾਬਲੇ ਬਹੁਤ ਹੀ ਸੰਘਰਸ਼ਪੂਰਨ ਸਨ ਪਰ ਟੀਮ ਦੇ ਮਜ਼ਬੂਤ ਇਰਾਦੇ ਤੇ ਸਖ਼ਤ ਮਿਹਨਤ ਸਦਕਾ ਅਸੀਂ ਬਰਾਊਂਜ਼ ਮੈਡਲ ਜਿੱਤਣ ’ਚ ਸਫਲ ਰਹੇ।’ ਉਸਨੇ ਆਪਣੀ ਇਸ ਇਤਿਹਾਸਕ ਜਿੱਤ ਦਾ ਪੂਰਾ ਸਿਹਰਾ ਆਪਣੇ ਪਰਿਵਾਰ ਦੇ ਅਣਥੱਕ ਸਹਿਯੋਗ, ਆਪਣੇ ਕੋਚਾਂ ਦੇ ਮਾਰਗਦਰਸ਼ਨ ਤੇ ਪੰਜਾਬ ਖੇਡ ਵਿਭਾਗ ਵੱਲੋਂ ਮਿਲੀ ਹੌਸਲਾ ਅਫਜ਼ਾਈ ਨੂੰ ਦਿੱਤਾ।