ਉਧਾਰ ਦੀ ਬੰਦੂਕ ਨਾਲ ਸ਼ੁਰੂ ਹੋਇਆ ਨੀਰੂ ਦਾ ਸਫ਼ਰ, ਏਸ਼ਿਆਈ ਖੇਡਾਂ 'ਚ ਗੋਲਡ ਮੈਡਲ ਜਿੱਤ ਕੇ ਰਚਿਆ ਇਤਿਹਾਸ

ਨੀਰੂ ਨੇ ਇਤਿਹਾਸਕ ਜਿੱਤ ਤੋਂ ਬਾਅਦ ਕਿਹਾ ਕਿ ਉਸ ਤੋਂ ਪਹਿਲਾਂ ਮੈਨੂੰ ਨਿਸ਼ਾਨੇਬਾਜ਼ੀ ਦੇ ਸਬੰਧ ’ਚ ਕੁਝ ਵੀ ਨਹੀਂ ਪਤਾ ਸੀ। ਮੇਰੇ ਰਿਸ਼ਤੇ ’ਚ ਭਰਾ ਲੱਗਦੇ ਲਕਸ਼ੈ ਨੇ ਜ਼ਕਾਰਤਾ ’ਚ ਸਿਲਵਰ ਮੈਡਲ ਜਿੱਤਿਆ ਸੀ। ਮੈਂ ਉਸ ਮੈਡਲ ਤੋਂ ਪ੍ਰੇਰਿਤ ਹੋਈ। ਭਰਾ ਦੇ ਪਿਤਾ ਦੀ ਬੰਦੂਕ ਲੈ ਕੇ ਉਸਨੇ ਭੋਪਾਲ ਦੇ ਇਕ ਤਲਾਬ ਕੋਲ ਅਭਿਆਸ ਕੀਤਾ। ਉਥੇ ਟੀਨ ਦੇ ਡੱਬੇ ਨੂੰ ਅਸਥਾਈ ਨਿਸ਼ਾਨਾ ਬਣਾ ਕੇ ਉਸਨੇ ਖ਼ੁਦ ਹੀ ਕੋਸ਼ਿਸ਼ ਤੇ ਗ਼ਲਤੀਆਂ ਰਾਹੀਂ ਨਿਸ਼ਾਨਾ ਵਿੰਨ੍ਹਣਾ ਸਿੱਖਿਆ। ਲਕਸ਼ੈ ਦੇ ਮਾਪੇ ਹੀ ਉਸ ਨੂੰ ਮੱਧ ਪ੍ਰਦੇਸ਼ ਸੂਬਾਈ ਨਿਸ਼ਾਨੇਬਾਜ਼ੀ ਅਕੈਡਮੀ ਲੈ ਕੇ ਆਏ, ਜਿਥੇ ਮੁਫ਼ਤ ਬੰਦੂਕ, ਕਾਰਤੂਸ ਤੇ ਸੰਸਥਾਗਤ ਸਹਿਯੋਗ ਨੇ ਉਸਦੀ ਸ਼ੁਰੂਆਤੀ ਕੋਸ਼ਿਸ਼ ਨੂੰ ਅੰਤਰਰਾਸ਼ਟਰੀ ਕਰੀਅਰ ’ਚ ਬਦਲਣ ’ਚ ਅਹਿਮ ਭੂਮਿਕਾ ਨਿਭਾਈ। ਨੀਰੂ ਲਈ ਇਹ ਸਹਿਯੋਗ ਬੇਹੱਦ ਅਹਿਮ ਸੀ। ਉਸਦੇ ਪਿਤਾ ਕਿਸਾਨ ਤੇ ਮਾਂ ਸੁਆਣੀ ਹੈ। ਪਰਿਵਾਰ ਦੀ ਵਿੱਤੀ ਹਾਲਤ ਬਹੁਤੀ ਚੰਗੀ ਨਾ ਹੋਣ ਕਾਰਨ ਨਿਸ਼ਾਨੇਬਾਜ਼ੀ ਵਰਗੀ ਮਹਿੰਗੀ ਖੇਡ ਦਾ ਖ਼ਰਚਾ ਚੁੱਕਣਾ ਆਸਾਨ ਨਹੀਂਸੀ। ਹੁਣ ਇਹ ਸਹਿਯੋਗ ਇਕ ਇਤਿਹਾਸਕ ਉਪਲੱਬਧੀ ’ਚ ਬਦਲ ਚੁੱਕਾ ਹੈ। ਇਸ ਸਾਲ ਇਟਲੀ ਦੇ ਲੋਨਾਟੋ ’ਚ ਵਿਸ਼ਵ ਕੱਪ ਮੈਡਲ ਜਿੱਤਣ ਤੋਂ ਬਾਅਦ ਨੀਰ ਦਾ ਏਸ਼ਿਆਈ ਖੇਡਾਂ ਦਾ ਗੋਲਡ ਭਾਰਤ ਲਈ ਮਹਿਲਾ ਸ਼ਾਟਗਨ ’ਚ ਨਿੱਜੀ ਖ਼ਿਤਾਬ ਦੀ ਲੰਬੀ ਉਡੀਕ ਨੂੰ ਖ਼ਤਮ ਕਰਦਾ ਹੈ।