ਨੀਰਜ ਚੋਪੜਾ ਦਾ ਵੱਡਾ ਬਿਆਨ : 'ਪਹਿਲਾਂ ਵੀ ਲੱਗੀਆਂ ਨੇ ਸੱਟਾਂ, ਮੁਸ਼ਕਲ ਸਮੇਂ 'ਚੋਂ ਉੱਭਰ ਕੇ ਜਲਦ ਕਰਾਂਗਾ ਵਾਪਸੀ'

ਨੀਰਜ ਨੂੰ ਇਹ ਸੱਟ ਲੁਸਾਨੇ ਡਾਇਮੰਡ ਲੀਗ ’ਚ 88.05 ਮੀਟਰ ਦੀ ਸੈਸ਼ਨ ਦੀ ਸਰਬੋਤਮ ਥ੍ਰੋ ਕਰਨ ਦੇ ਕੁਝ ਸਮੇਂ ਬਾਅਦ ਲੱਗੀ। ਇਸਦੇ ਨਾਲ ਹੀ ਉਸਦਾ 2026 ਸੈਸ਼ਨ ਸਮੇਂ ਤੋਂ ਪਹਿਲਾਂ ਹੀ ਖ਼ਤਮ ਹੋ ਗਿਆ ਤੇ ਉਹ ਏਸ਼ਿਆਈ ਖੇਡਾਂ ਨਾਲ ਡਾਇਮੰਡ ਲੀਗ ਫਾਈਨਲ ਤੋਂ ਬਾਹਰ ਹੋ ਗਿਆ। ਭਾਰਤੀ ਖੇਡ ਅਥਾਰਟੀ (ਸਾਈ) ਦੇ ਖੇਲੋ ਭਾਰਤ ਪੋਡਕਾਸਟ ’ਚ ਉਸਨੇ ਕਿਹਾ ਕਿ ਇਹ ਯਕੀਨੀ ਤੌਰ ’ਤੇ ਮੁਸ਼ਕਲ ਹੈ। ਹਾਲਾਂਕਿ, ਮੇਰੇ ਲਈ ਇਹਗ ਥੋੜ੍ਹਾ ਆਮ ਹੋ ਗਿਆ ਹੈ ਕਿਉਂਕਿ ਮੇਰੇ ਕਰੀਅਰ ’ਚ ਅਜਿਹਾ ਕਈ ਵਾਰ ਹੋਇਆ ਹੈ। ਕਈ ਵਾਰ ਅਜਿਹਾ ਹੋਇਆ ਜਦੋਂ ਮੈਂ ਪੂਰੀ ਤਰ੍ਹਾਂ ਤਿਆਰ ਸੀ ਤੇ ਅਚਾਨਕ ਸੱਟ ਲੱਗ ਗਈ। ਨੀਰਜ ਨੇ ਕਿਹਾ ਕਿ ਇਸ ਵਾਰ ਦੀ ਸੱਟ ਇਸ ਲਈ ਜ਼ਿਆਦਾ ਨਿਰਾਸ਼ਾਜਨਕ ਸੀ ਕਿਉਂਕਿ ਉਸ ਨੂੰ ਲੱਗਾ ਸੀ ਕਿ ਉਹ ਪਹਿਲਾਂ ਦੀ ਪਰੇਸ਼ਾਨੀ ਤੋਂ ਉੱਭਰ ਕੇ ਆਖਿਰਕਾਰ ਆਪਣੇ ਸਰਬੋਤਮ ਫਾਰਮ ’ਚ ਪਰਤ ਆਇਆ ਹੈ। ਮੈਂ 88 ਮੀਟਰ ਦੀ ਥ੍ਰੋ ਸੁੱਟੀ। ਫਿਰ ਉਸਦੇ ਠੀਕ ਬਾਅਦ ਟ੍ਰੇਨਿੰਗ ਦੌਰਾਨ ਦੁਬਾਰਾ ਸੱਟ ਲੱਗ ਗਈ। ਏਸ਼ਿਆਈ ਖੇਡਾਂ ’ਚ ਹਿੱਸਾ ਲੈਣ ਵਾਲੇ ਭਾਰਤੀ ਖਿਡਾਰੀਆਂ ਲਈ ਚੋਪੜਾ ਨੇ ਕਿਹਾ ਕਿ ਉਹ ਇਸ ਮੌਕੇ ਦਾ ਭਰਪੂਰ ਲਾਹਾ ਲੈਣ।