- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Commonwealth Games 2026: 'ਪੰਚ' ਤੋਂ ਪਹਿਲਾਂ ਹੀ ਮੈਡਲ ਪੱਕਾ, ਲਵਲੀਨਾ ਬੋਰਗੋਹੇਨ ਨੇ ਓਪਨਿੰਗ ਸੈਰੇਮਨੀ ਤੋਂ ਪਹਿਲਾਂ ਰਚਿਆ ਇਤਿਹਾਸ
ਭਾਰਤ ਨੇ ਕਾਮਨਵੈਲਥ ਗੇਮਜ਼ 2026 'ਚ ਓਪਨਿੰਗ ਸੈਰੇਮਨੀ ਤੋਂ ਪਹਿਲਾਂ ਹੀ ਆਪਣੇ ਮੈਡਲ ਦਾ ਖਾਤਾ ਖੋਲ੍ਹ ਲਿਆ ਹੈ। ਸਟਾਰ ਬਾੱਕਸਰ ਲਵਲੀਨਾ ਬੋਰਗੋਹੇਨ ਨੂੰ ਪਹਿਲੇ ਰਾਊਂਡ 'ਚ 'ਬਾਈ' ਮਿਲਿਆ। ਉਹ ਸਿੱਧੀ 75 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ 'ਚ ਪਹੁੰਚ ਗਈ ਹੈ। ਅਜਿਹੇ 'ਚ ਭਾਰਤ ਲਈ ਇੱਕ ਮੈਡਲ ਪੱਕਾ ਹੋ ਗਿਆ ਹੈ।
Posted By Sunita
Publish Date: Thu, 23 Jul 2026 03:43 PM (IST)
Updated Date: Thu, 23 Jul 2026 03:53 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤ ਨੇ ਕਾਮਨਵੈਲਥ ਗੇਮਜ਼ 2026 'ਚ ਓਪਨਿੰਗ ਸੈਰੇਮਨੀ ਤੋਂ ਪਹਿਲਾਂ ਹੀ ਆਪਣੇ ਮੈਡਲ ਦਾ ਖਾਤਾ ਖੋਲ੍ਹ ਲਿਆ ਹੈ। ਸਟਾਰ ਬਾੱਕਸਰ ਲਵਲੀਨਾ ਬੋਰਗੋਹੇਨ ਨੂੰ ਪਹਿਲੇ ਰਾਊਂਡ 'ਚ 'ਬਾਈ' ਮਿਲਿਆ। ਉਹ ਸਿੱਧੀ 75 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ 'ਚ ਪਹੁੰਚ ਗਈ ਹੈ। ਅਜਿਹੇ 'ਚ ਭਾਰਤ ਲਈ ਇੱਕ ਮੈਡਲ ਪੱਕਾ ਹੋ ਗਿਆ ਹੈ।
ਅਸਾਮ ਦੀ ਓਲੰਪਿਕ ਮੈਡਲਿਸਟ ਦਾ ਘੱਟੋ-ਘੱਟ ਬ੍ਰੋਂਜ਼ ਮੈਡਲ ਪੱਕਾ ਹੋ ਗਿਆ। ਕਾਮਨਵੈਲਥ ਗੇਮਜ਼ ਦੇ ਬਾੱਕਸਿੰਗ ਨਿਯਮਾਂ ਅਨੁਸਾਰ, ਸੈਮੀਫਾਈਨਲ 'ਚ ਹਾਰਨ ਵਾਲੇ ਸਾਰੇ ਖਿਡਾਰੀਆਂ ਨੂੰ ਬ੍ਰੋਂਜ਼ ਮੈਡਲ ਮਿਲਦਾ ਹੈ। ਇਸ ਤਰ੍ਹਾਂ ਸਕਾਟਲੈਂਡ ਦੇ ਗਲਾਸਗੋ 'ਚ ਆਪਣਾ ਪਹਿਲਾ ਮੁਕਾਬਲਾ ਖੇਡਣ ਤੋਂ ਪਹਿਲਾਂ ਹੀ ਲਵਲੀਨਾ ਦਾ ਪੋਡੀਅਮ 'ਤੇ ਜਗ੍ਹਾ ਬਣਾਉਣਾ ਤੈਅ ਹੋ ਗਿਆ।
ਟਾਫਾਕੀ ਨਾਲ ਹੋਵੇਗਾ ਮੁਕਾਬਲਾ
ਲਵਲੀਨਾ 31 ਜੁਲਾਈ ਨੂੰ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ। ਗੋਲਡ ਮੈਡਲ ਮੈਚ 'ਚ ਜਗ੍ਹਾ ਬਣਾਉਣ ਲਈ ਉਸ ਦਾ ਮੁਕਾਬਲਾ T.K.B.P. ਟਾਫਾਕੀ ਨਾਲ ਹੋਵੇਗਾ। ਜਿੱਤ ਉਸ ਨੂੰ ਫਾਈਨਲ 'ਚ ਪਹੁੰਚਾਏਗੀ, ਜਦੋਂ ਕਿ ਹਾਰਨ 'ਤੇ ਵੀ ਉਸ ਨੂੰ ਪਹਿਲਾਂ ਤੋਂ ਪੱਕਾ ਹੋ ਚੁੱਕਾ ਬ੍ਰੋਂਜ਼ ਮੈਡਲ ਤਾਂ ਮਿਲੇਗਾ ਹੀ।
ਮਹਿਲਾਵਾਂ ਦੇ 75kg ਮਿਡਲਵੇਟ ਬਾੱਕਸਿੰਗ ਈਵੈਂਟ 'ਚ ਟਾੱਪ-ਸੀਡਿਡ ਬਾੱਕਸਰ ਨੂੰ ਸਿਰਫ਼ 5 ਖਿਡਾਰੀਆਂ ਦੇ ਡ੍ਰਾਅ ਦੇ ਕਾਰਨ ਸਿੱਧੀ ਸੈਮੀਫਾਈਨਲ 'ਚ ਜਗ੍ਹਾ ਮਿਲੀ। ਮਹਿਲਾਵਾਂ ਦੀ 75kg ਕੈਟੇਗਰੀ 'ਚ 5 ਖਿਡਾਰੀ ਹੋਣ ਦੇ ਕਾਰਨ, ਟਾੱਪ-ਸੀਡਿਡ ਬੋਰਗੋਹੇਨ ਸਮੇਤ ਤਿੰਨ ਬਾੱਕਸਰਾਂ ਨੂੰ ਸਿੱਧੀ ਸੈਮੀਫਾਈਨਲ 'ਚ ਐਂਟਰੀ ਮਿਲੀ, ਜਦੋਂ ਕਿ ਬਾਕੀ ਦੋ ਬਾੱਕਸਰਾਂ ਵਿਚਕਾਰ ਇੱਕ ਕੁਆਰਟਰਫਾਈਨਲ ਮੁਕਾਬਲਾ ਹੋਇਆ।
Olympic medallist boxer Lovlina Borgohain moved straight into the Commonwealth Games 2026 women's 75kg semifinals after a bye. That put India on the medals table before the opening ceremony, with at least bronze already assured. pic.twitter.com/2lbdIUVGkW
— IANS (@ians_india) July 23, 2026
ਅੱਜ ਹੋਵੇਗੀ ਓਪਨਿੰਗ ਸੈਰੇਮਨੀ
ਸ਼ੁਰੂਆਤ 'ਚ ਹੀ ਮੈਡਲ ਮਿਲਣ ਨਾਲ 126 ਅਥਲੀਟਾਂ ਦੇ ਭਾਰਤੀ ਦਲ ਦਾ ਹੌਂਸਲਾ ਵਧਿਆ ਹੈ। ਪਿਛਲੀਆਂ ਖੇਡਾਂ ਦੇ ਮੁਕਾਬਲੇ ਇਸ ਵਾਰ ਇਹਨਾਂ ਦਾ ਘੇਰਾ ਛੋਟਾ ਕਰ ਦਿੱਤਾ ਗਿਆ ਹੈ, ਫਿਰ ਵੀ ਭਾਰਤ ਕਈ ਖੇਡਾਂ 'ਚ ਮੁਕਾਬਲੇ ਲਈ ਤਿਆਰ ਹੈ ਅਤੇ ਕਾਮਨਵੈਲਥ ਗੇਮਜ਼ 'ਚ ਆਪਣੀ ਸਫਲਤਾ ਦਾ ਸਿਲਸਿਲਾ ਜਾਰੀ ਰੱਖਣਾ ਚਾਹੁੰਦਾ ਹੈ। ਭਾਰਤ ਦੇ ਮੁਕਾਬਲਿਆਂ ਦੀ ਸ਼ੁਰੂਆਤ ਵੀਰਵਾਰ ਨੂੰ ਦੋ ਲਾੱਨ ਬਾੱਲਸ ਮੈਚਾਂ ਨਾਲ ਹੋਵੇਗੀ, ਜਿਸ ਤੋਂ ਬਾਅਦ ਅੱਜ ਹੀ ਓਪਨਿੰਗ ਸੈਰੇਮਨੀ ਹੋਵੇਗੀ।
ਭਾਰਤੀ ਦਲ ਅੱਠ ਖੇਡਾਂ 'ਚ ਹਿੱਸਾ ਲਵੇਗਾ:
ਅਥਲੈਟਿਕਸ, ਬਾੱਕਸਿੰਗ, ਵੇਟਲਿਫਟਿੰਗ, ਜੂਡੋ, ਆਰਟਿਸਟਿਕ ਜਿਮਨਾਸਟਿਕਸ, ਟ੍ਰੈਕ ਸਾਈਕਲਿੰਗ, ਬਾੱਲਸ ਅਤੇ ਸਵੀਮਿੰਗ।
ਭਾਰਤੀ ਅਥਲੀਟ 5 ਪੈਰਾ-ਸਪੋਰਟਸ 'ਚ ਵੀ ਹਿੱਸਾ ਲੈਣਗੇ:
ਪੈਰਾ-ਅਥਲੈਟਿਕਸ, ਪੈਰਾ-ਪਾਵਰਲਿਫਟਿੰਗ, ਪੈਰਾ-ਸਵੀਮਿੰਗ, ਪੈਰਾ-ਟ੍ਰੈਕ ਸਾਈਕਲਿੰਗ ਅਤੇ 3x3 ਵਹੀਲਚੇਅਰ ਬਾਸਕਟਬਾਲ।