ਭਾਰਤੀ ਘੋੜਸਵਾਰ ਮਹਾਸੰਘ ਨੂੰ ਲੱਗਾ ਵੱਡਾ ਝਟਕਾ, ਅੰਤਰਰਾਸ਼ਟਰੀ ਮਹਾਸੰਘ ਨੇ 1 ਦਸੰਬਰ ਤੋਂ ਕੀਤਾ ਮੁਅੱਤਲ

ਈਐੱਫਆਈ ਐਡ-ਹਾਕ ਕਮੇਟੀ ਦੇ ਮੈਂਬਰਾਂ ਲੈਫਟੀਨੈਂਟ ਕਰਨਲ (ਸੇਵਾਮੁਕਤ) ਸੰਦੀਪ ਦੀਵਾਨ ਤੇ ਐਡਵੋਕੇਟ ਵਿਦੁਸ਼ਪਤ ਸਿੰਘਾਨੀਆ ਨੂੰ 15 ਅਕਤੂਬਰ ਨੂੰ ਲਿਖੇ ਪੱਤਰ ’ਚ ਐੱਫਈਆਈ ਨੇ ਕਿਹਾ ਕਿ ਉਸ ਦੇ ਬੋਰਡ ਨੇ 13 ਅਕਤੂਬਰ, 2026 ਨੂੰ ਇੱਕ ਆਨਲਾਈਨ ਮੀਟਿੰਗ ’ਚ ਇਹ ਫੈਸਲਾ ਲਿਆ ਸੀ। ਐੱਫਈਆਈ ਅਨੁਸਾਰ ਫਰਵਰੀ 2026 ’ਚ ਦਿੱਲੀ ਹਾਈ ਕੋਰਟ ਨੇ ਈਐੱਫਆਈਆਈਕਿਊਟ ਨੂੰ ਭੰਗ ਕਰ ਦਿੱਤਾ ਸੀ। ਕਮੇਟੀ ਦਾ ਚੁਣਿਆ ਹੋਇਆ ਕਾਰਜਕਾਲ ਸਤੰਬਰ 2023 ’ਚ ਖ਼ਤਮ ਹੋ ਗਿਆ ਸੀ। ਇਸ ਤੋਂ ਬਾਅਦ ਕੋਈ ਨਵੀਂ ਚੋਣ ਨਾ ਹੋਣ ਕਾਰਨ ਪ੍ਰਸ਼ਾਸਨ ਤੇ ਲੀਡਰਸ਼ਿਪ ਸਬੰਧੀ ਬੇਨਿਯਮੀਆਂ ਹੁੰਦੀਆਂ ਰਹੀਆਂ। ਐੱਫਈਆਈ ਨੇ ਕਿਹਾ ਕਿ ਇਹ ਸਥਿਤੀ ਹੁਣ ਜਾਰੀ ਨਹੀਂ ਰਹਿ ਸਕਦੀ ਹੈ। ਹਾਲਾਂਕਿ, ਐੱਫਈਆਈ ਨੇ 27 ਸਤੰਬਰ ਨੂੰ ਈਐੱਫਆਈ ਐਡਹਾਕ ਕਮੇਟੀ ਵੱਲੋਂ ਦਿੱਤੇ ਗਏ ਸਪੱਸ਼ਟੀਕਰਨ ਨੂੰ ਸਵੀਕਾਰ ਕਰ ਲਿਆ। ਭਾਰਤੀ ਓਲੰਪਿਕ ਸੰਘ (IOA) ਵੱਲੋਂ 27 ਮਾਰਚ ਨੂੰ ਗਠਿਤ ਕੀਤੇ ਜਾਣ ਤੋਂ ਬਾਅਦ ਕਮੇਟੀ ਦੇ ਕੰਮ ਦੀ ਵੀ ਸ਼ਲਾਘਾ ਕੀਤੀ ਗਈ।