- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦਿਵਿਆ ਦੇਸ਼ਮੁਖ ਸਮੇਤ 17 ਖਿਡਾਰੀਆਂ ਦੀ ਸੂਚੀ ਜਾਰੀ, ਜਾਣੋ ਇਸ ਵਾਰ ਖੇਲ ਰਤਨ ਬਾਰੇ ਕੀ ਰਿਹਾ ਖ਼ਾਸ
ਖੇਡ ਮੰਤਰਾਲੇ ਨੇ ਅਰਜੁਨ ਪੁਰਸਕਾਰਾਂ ਦੀ ਸੂਚੀ ਜਾਰੀ ਕਰਦੇ ਹੋਏ ਦੱਸਿਆ ਕਿ ਸਾਲ 2014 ਤੋਂ ਬਾਅਦ ਪਹਿਲੀ ਵਾਰ ਭਾਰਤੀ ਖੇਡਾਂ ਦਾ ਸਰਬੋਤਮ ਪੁਰਸਕਾਰ, ਖੇਲ ਰਤਨ ਕਿਸੇ ਖਿਡਾਰੀ ਨੂੰ ਨਹੀਂ ਦਿੱਤਾ ਜਾਵੇਗਾ। ਸਾਲ 2025 ਲਈ ਜਾਰੀ ਹੋਈ ਅਰਜੁਨ ਪੁਰਸਕਾਰਾਂ ਦੀ ਸੂਚੀ ਵਿਚ ਕੁੱਲ 17 ਨਾਮ ਹਨ।
Posted By alisha
Publish Date: Wed, 19 Aug 2026 10:34 AM (IST)
Updated Date: Wed, 19 Aug 2026 10:40 AM (IST)
ਨਵੀਂ ਦਿੱਲੀ (ਪੀਟੀਆਈ) : ਖੇਡ ਮੰਤਰਾਲੇ ਨੇ ਅਰਜੁਨ ਪੁਰਸਕਾਰਾਂ ਦੀ ਸੂਚੀ ਜਾਰੀ ਕਰਦੇ ਹੋਏ ਦੱਸਿਆ ਕਿ ਸਾਲ 2014 ਤੋਂ ਬਾਅਦ ਪਹਿਲੀ ਵਾਰ ਭਾਰਤੀ ਖੇਡਾਂ ਦਾ ਸਰਬੋਤਮ ਪੁਰਸਕਾਰ, ਖੇਲ ਰਤਨ ਕਿਸੇ ਖਿਡਾਰੀ ਨੂੰ ਨਹੀਂ ਦਿੱਤਾ ਜਾਵੇਗਾ। ਸਾਲ 2025 ਲਈ ਜਾਰੀ ਹੋਈ ਅਰਜੁਨ ਪੁਰਸਕਾਰਾਂ ਦੀ ਸੂਚੀ ਵਿਚ ਕੁੱਲ 17 ਨਾਮ ਹਨ। ਵਿਸ਼ਵ ਚੈਂਪੀਅਨ ਸ਼ਤਰੰਜ ਖਿਡਾਰੀ ਦਿਵਿਆ ਦੇਸ਼ਮੁਖ ਅਤੇ ਡਿਕਾਥਲਾਨ ਵਿਚ ਰਾਸ਼ਟਰਮੰਡਲ ਖੇਡਾਂ ਵਿਚ ਮੈਡਲ ਜਿੱਤਣ ਵਾਲੇ ਪਹਿਲੇ ਭਾਰਤੀ ਤੇਜ਼ਸਵਿਨ ਸ਼ੰਕਰ ਇਸ ਸੂਚੀ ਦੇ ਵੱਡੇ ਨਾਮ ਹਨ। ਇਸ ਵਾਰੀ ਦੀ ਸੂਚੀ ਵਿਚ ਵੀ ਕਿਸੇ ਕ੍ਰਿਕਟਰ ਦਾ ਨਾਮ ਸ਼ਾਮਲ ਨਹੀਂ ਹੈ। ਸਾਲ 2023 ਵਿਚ ਮੁਹੰਮਦ ਸ਼ਮੀ ਆਖਰੀ ਕ੍ਰਿਕਟਰ ਸਨ ਜਿਨ੍ਹਾਂ ਨੂੰ ਇਹ ਐਵਾਰਡ ਮਿਲਿਆ ਸੀ।
ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਅਰੁਣ ਕੁਮਾਰ ਮਿਸ਼ਰਾ ਦੀ ਅਗਵਾਈ ਵਾਲੀ ਚੋਣ ਕਮੇਟੀ ਨੇ ਇਨ੍ਹਾਂ ਪੁਰਸਕਾਰਾਂ ਲਈ 24 ਨਾਮ ਸੁਝਾਏ ਸਨ, ਜਿਨ੍ਹਾਂ ਵਿਚੋਂ 17 ਨੂੰ ਸਰਕਾਰ ਦੀ ਹਾਂ ਮਿਲੀ। ਨਾਲ ਹੀ ਉਨ੍ਹਾਂ ਨੇ ਹਾਕੀ ਦੇ ਸਟਾਰ ਹਾਰਦਿਕ ਸਿੰਘ ਨੂੰ ਖੇਡ ਰਤਨ ਲਈ ਮਨਜ਼ੂਰੀ ਦਿੱਤੀ ਸੀ ਪਰ ਸਰਕਾਰ ਨੇ ਇਸ ਮਨਜ਼ੂਰੀ ਨੂੰ ਸਵੀਕਾਰ ਨਹੀਂ ਕੀਤਾ।
ਅਰਜੁਨ ਪੁਰਸਕਾਰਾਂ ਦੀ ਸੂਚੀ ਵਿਚ ਦਿੱਗਜ ਬੈਡਮਿੰਟਨ ਖਿਡਾਰੀ ਅਤੇ ਮੌਜੂਦਾ ਸਮੇਂ ਵਿਚ ਸਫਲ ਕੋਚ ਪੁਲੇਲਾ ਗੋਪੀਚੰਦ ਦੀ ਪੁੱਤਰ ਗਾਇਤ੍ਰੀ ਗੋਪੀਚੰਦ ਅਤੇ ਉਸ ਦੀ ਡਬਲਜ਼ ਸਾਥੀ ਤ੍ਰੀਸਾ ਜਾਲੀ ਦਾ ਨਾਮ ਵੀ ਸ਼ਾਮਲ ਹੈ। ਇਨ੍ਹਾਂ ਦੇ ਨਾਲ ਗ੍ਰੈਂਡਮਾਸਟਰ ਵਿਦਿਤ ਗੁਜਰਾਤੀ, ਰਾਸ਼ਟਰਮੰਡਲ ਖੇਡਾਂ ਦੇ ਚਾਂਦੀ ਮੈਡਲ ਜੇਤੂ ਨਰੇਂਦਰ ਬਰਵਾਲ ਤੇ ਯੁਵਾ ਡੈੱਫ ਰਾਈਫਲ ਸ਼ੂਟਰ ਧਨੁਸ਼ ਸ਼੍ਰੀਕਾਂਤ ਵੀ ਇਨ੍ਹਾਂ ਪੁਰਸਕਾਰਾਂ ਦੀ ਸੂਚੀ ਵਿਚ ਹਨ।
ਸਾਲ 2025 ਦੇ ਖੇਡ ਪੁਰਸਕਾਰਾਂ ਦੇ ਐਲਾਨ ਵਿਚ ਬਹੁਤ ਦੇਰੀ ਹੋਈ ਤੇ ਇਸ ਦੇਰੀ ਨਾਲ ਕਈ ਖਿਡਾਰੀ ਨਾਰਾਜ਼ ਵੀ ਸਨ। ਤੇਜ਼ਸਵਿਨ ਨੇ ਤਾਂ ਇਸਨੂੰ ਖਿਡਾਰੀਆਂ ਦੇ ਪ੍ਰਤੀ ਅਪਮਾਨਜਨਕ ਤੱਕ ਕਹਿ ਦਿੱਤਾ ਸੀ। ਸਾਲ 2024 ਵਿਚ ਸਰਕਾਰ ਨੇ ਇਤਿਹਾਸਕ ਤੌਰ 'ਤੇ 32 ਖਿਡਾਰੀਆਂ ਨੂੰ ਅਰਜੁਨ ਐਵਾਰਡ ਦਿੱਤੇ ਸਨ, ਜਿਨ੍ਹਾਂ ਵਿੱਚੋਂ 17 ਪੈਰਾ ਖੇਡਾਂ ਤੋਂ ਸਨ, ਜਦਕਿ ਇਸ ਵਾਰੀ ਪੈਰਾ ਖੇਡਾਂ ਤੋਂ ਸਿਰਫ ਦੋ ਖਿਡਾਰੀਆਂ ਨੂੰ ਇਹ ਐਵਾਰਡ ਮਿਲੇਗਾ। ਪੈਰਾ ਕਲੱਬ ਥ੍ਰੋਅਰ ਏਕਤਾ ਭਿਆਨ (2024 ਪੈਰਾ ਵਿਸ਼ਵ ਚੈਂਪੀਅਨਸ਼ਿਪ ਦੀ ਸੋਨੇ ਦੀ ਮੈਡਲ ਜੇਤੂ) ਅਤੇ ਸ਼ੂਟਰ ਰੂਦ੍ਰਾਂਸ਼ ਖੰਡੇਲਵਾਲ (2024 ਪੈਰਾ ਵਿਸ਼ਵ ਕੱਪ ਸੋਨੇ ਦੇ ਜੇਤੂ) ਇਹ ਐਵਾਰਡ ਆਪਣੇ ਘਰ ਲੈ ਜਾਣਗੇ।
ਸਾਬਕਾ ਫੁੱਟਬਾਲਰ ਇਸੈਯਾਹ ਅਰੁਮਾਈਨਾਇਨਮ ਨੂੰ ਅਰਜੁਨ ਐਵਾਰਡ ਫਾਰ ਲਾਈਫਟਾਈਮ ਅਚੀਵਮੈਂਟ ਦਿੱਤਾ ਗਿਆ, ਜਦਕਿ ਕੋਚਿੰਗ ਵਿਚ ਇਹ ਐਵਾਰਡ ਧਰਮਿੰਦਰ ਯਾਦਵ ਅਤੇ ਵੀਰੇਂਦਰ ਕੁਮਾਰ ਨੂੰ ਮਿਲਿਆ। ਨਾਲ ਹੀ ਮੇਰੀ ਕਾਮ ਤੇ ਭਾਰਤੀ ਮਹਿਲਾ ਟੀਮ ਦੇ ਕੋਚ ਰਹਿ ਚੁੱਕੇ ਮੁੱਕੇਬਾਜ਼ੀ ਕੋਚ ਛੋਟੇ ਲਾਲ ਯਾਦਵ, ਪਰਵੀਰ ਸਿੰਘ ਅਤੇ ਨੇਹਾ ਚਵਨ ਨੂੰ ਦ੍ਰੋਣਾਚਾਰਿਆ ਐਵਾਰਡ ਦਿੱਤਾ ਜਾਣਾ ਤੈਅ ਹੋਇਆ।
ਅਰਜੁਨ ਪੁਰਸਕਾਰਾਂ ਦੀ ਸੂਚੀ
ਤੇਜ਼ਸਵਿਨ ਸ਼ੰਕਰ - ਐਥਲੈਟਿਕਸ
- ਪ੍ਰਿਯੰਕਾ ਗੋਸਵਾਮੀ - ਐਥਲੈਟਿਕਸ
- ਮੁਹੰਮਦ ਅਜਮਲ - ਐਥਲੈਟਿਕਸ
- ਨਰੇਂਦਰ - ਮੁੱਕੇਬਾਜ਼ੀ
- ਵਿਦਿਤ ਗੁਜਰਾਤੀ - ਸ਼ਤਰੰਜ
- ਦਿਵਿਆ ਦੇਸ਼ਮੁਖ - ਸ਼ਤਰੰਜ
- ਰਾਜਕੁਮਾਰ ਪਾਲ - ਹਾਕੀ
- ਲਲਰੇਮਸਿਆਮੀ - ਹਾਕੀ
- ਸੁਰਜੀਤ - ਕਬੱਡੀ
- ਪੂਜਾ - ਕਬੱਡੀ
- ਅਰਵਿੰਦ ਸਿੰਘ - ਰੋਵਿੰਗ
- ਅਖਿਲ ਸ਼ਿਓਰਾਨ - ਨਿਸ਼ਾਨੇਬਾਜ਼ੀ
- ਤ੍ਰੀਸਾ ਜਾਲੀ - ਬੈਡਮਿੰਟਨ
- ਗਾਇਤ੍ਰੀ ਗੋਪੀਚੰਦ - ਬੈਡਮਿੰਟਨ
- ਧਨੁਸ਼ ਸ਼੍ਰੀਕਾਂਤ - ਡੈੱਫ ਨਿਸ਼ਾਨੇਬਾਜ਼ੀ
- ਰੂਦ੍ਰਾਂਸ਼ ਖੰਡੇਲਵਾਲ - ਪੈਰਾ ਸ਼ੂਟਿੰਗ
- ਏਕਤਾ ਭਿਆਨ - ਪੈਰਾ ਐਥਲੈਟਿਕਸ
ਦ੍ਰੋਣਾਚਾਰਿਆ ਪੁਰਸਕਾਰ
ਪਰਵੀਰ ਸਿੰਘ - ਥ੍ਰੋਇੰਗ
- ਛੋਟੇਲਾਲ ਯਾਦਵ - ਮੁੱਕੇਬਾਜ਼ੀ
- ਨੇਹਾ ਚਵਨ - ਨਿਸ਼ਾਨੇਬਾਜ਼ੀ