ਜੂਨੀਅਰ ਪੁਰਸ਼ ਏਸ਼ੀਆ ਕੱਪ ਹਾਕੀ : ਭਾਰਤ ਦਾ ਧਮਾਕੇਦਾਰ ਆਗਾਜ਼, ਇੰਡੋਨੇਸ਼ੀਆ ਨੂੰ 14-0 ਨਾਲ ਚਟਾਈ ਧੂੜ; ਪ੍ਰਭਦੀਪ ਦੇ 5 ਗੋਲ

ਦੂਜੇ ਕੁਆਰਟਰ ’ਚ ਵੀ ਭਾਰਤੀ ਫਾਰਵਰਡ ਲਾਈਨ ਨੂੰ ਮੌਕੇ ਮਿਲਦੇ ਰਹੇ। ਅਨਮੋਲ ਨੇ ਮੈਚ ਦਾ ਪਹਿਲਾ ਗੋਲ 16ਵੇਂ ਮਿੰਟ ’ਚ ਪੈਨਲਟੀ ਸਟਰੋਕ ਨਾਲ ਕੀਤਾ। ਚਾਰ ਮਿੰਟ ਬਾਅਦ ਯਾਦਵ ਨੇ ਇਕ ਹੋਰ ਗੋਲ ਕਰ ਕੇ ਸਕੋਰ 4-0 ਕਰ ਦਿੱਤਾ। ਪ੍ਰਭਦੀਪ ਨੇ 26ਵੇਂ ਤੇ 30ਵੇਂ ਮਿੰਟ ’ਚ ਗੋਲ ਕਰ ਕੇ ਆਪਣੀ ਹੈਟ੍ਰਿਕ ਪੂਰੀ ਕੀਤੀ ਤੇ ਅੱਧੇ ਸਮੇਂ ਤੱਕ ਭਾਰਤ ਨੂੰ 6-0 ਦੀ ਬੜ੍ਹਤ ਦਿਵਾਈ। ਭਾਰਤ ਨੇ ਦੂਜੇ ਹਾਫ ’ਚ ਵੀ ਆਪਣਾ ਦਬਦਬਾ ਕਾਇਮ ਰੱਖਿਆ। ਅਨਮੋਲ ਨੇ 35ਵੇਂ ਅਤੇ 42ਵੇਂ ਮਿੰਟ ’ਚ ਪੈਨਲਟੀ ਕਾਰਨਰ ਨੂੰ ਗੋਲ ’ਚ ਬਦਲ ਕੇ ਆਪਣੇ ਖਾਤੇ ’ਚ ਦੋ ਹੋਰ ਗੋਲ ਕੀਤੇ। ਤੀਜੇ ਕੁਆਰਟਰ ਦੇ ਅੰਤ ’ਚ ਪ੍ਰਭਦੀਪ ਨੇ ਇੱਕ ਹੋਰ ਗੋਲ ਕਰ ਕੇ ਸਕੋਰ 9-0 ਕਰ ਦਿੱਤਾ। ਭਾਰਤ ਨੇ ਮੈਚ ਦੇ ਆਖਰੀ ਕੁਆਰਟਰ ’ਚ ਪੰਜ ਹੋਰ ਗੋਲ ਕੀਤੇ। ਅਨਮੋਲ ਨੇ 51ਵੇਂ ਮਿੰਟ ’ਚ ਚੌਥਾ ਗੋਲ ਕੀਤਾ। ਇਸ ਤੋਂ ਇਕ ਮਿੰਟ ਬਾਅਦ ਹੀ ਪ੍ਰਭਦੀਪ ਨੇ ਆਪਣਾ ਪੰਜਵਾਂ ਗੋਲ ਕੀਤਾ। ਯਾਦਵ ਨੇ 53ਵੇਂ ਮਿੰਟ ’ਚ ਦੋ ਗੋਲ ਕਰ ਕੇ ਆਪਣੀ ਹੈਟ੍ਰਿਕ ਪੂਰੀ ਕੀਤੀ ਤੇ ਭਾਰਤ ਨੇ 13-0 ਦੀ ਬੜ੍ਹਤ ਬਣਾ ਲਈ। ਮੌਰੀਆ ਨੇ 59ਵੇਂ ਮਿੰਟ ’ਚ ਪੈਨਲਟੀ ਕਾਰਨਰ ਨੂੰ ਗੋਲ ’ਚ ਬਦਲ ਕੇ ਭਾਰਤ ਦੀ ਵੱਡੀ ਜਿੱਤ ਯਕੀਨੀ ਬਣਾਈ।