Junior Asia Cup: ਸੁਪ੍ਰਿਆ ਦੀ ਹੈਟ੍ਰਿਕ ਨਾਲ ਭਾਰਤੀ ਮਹਿਲਾ ਹਾਕੀ ਟੀਮ ਫਾਈਨਲ 'ਚ, ਕੋਰੀਆ ਨੂੰ 5-1 ਨਾਲ ਰੌਂਦਿਆ

ਭਾਰਤ ਨੇ 13ਵੇਂ ਮਿੰਟ ’ਚ ਖਾਤਾ ਖੋਲ੍ਹਿਆ ,ਜਦੋਂ ਮਧੂ ਸਿਦਾਰ ਨੇ ਸ਼ਾਨਦਾਰ ਮੈਦਾਨੀ ਗੋਲ ਕਰ ਕੇ ਟੀਮ ਨੂੰ 1-0 ਦੀ ਬੜ੍ਹਤ ਦਿਵਾਈ। ਦੂਜੇ ਕੁਆਰਟਰ ’ਚ ਭਾਰਤੀ ਖਿਡਾਰੀਆਂ ਨੇ ਕੋਰੀਆਈ ਗੋਲ ’ਤੇ ਲਗਾਤਾਰ ਹਮਲੇ ਕੀਤੇ। ਸੁਪ੍ਰਿਆ ਨੇ 17ਵੇਂ ਮਿੰਟ ’ਚ ਪੈਨਲਟੀ ਕਾਰਨਰ ’ਤੇ ਗੋਲ ਕਰ ਕੇ ਭਾਰਤ ਦੀ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ। ਭਾਰਤ ਨੇ ਬਾਲ ਕੰਟਰੋਲ ਦੇ ਮਾਮਲੇ ’ਚ ਦਬਦਬਾ ਕਾਇਮ ਰੱਖਿਆ ਤੇ 21ਵੇਂ ਮਿੰਟ ’ਚ ਭਾਰਤੀ ਵਿੰਗਰ ਨੇ ਕੋਰੀਆਈ ਗੋਲ ਦੇ 23 ਮੀਟਰ ਦੇ ਅੰਦਰ ਗੇਂਦ ਨੂੰ ਫੜ ਲਿਆ ਤੇ ਸਰਕਲ ਦੇ ਅੰਦਰ ਇੱਕ ਸ਼ਾਨਦਾਰ ਕਰਾਸ ਪਹੁੰਚਾਇਆ। ਸੁਖਵੀਰ ਨੇ ਇਸ ਨੂੰ ਗੋਲ ’ਚ ਬਦਲ ਕੇ ਸਕੋਰ 3-0 ਕਰ ਦਿੱਤਾ। ਭਾਰਤ ਨੂੰ 33ਵੇਂ ਮਿੰਟ ’ਚ ਮਿਲੇ ਪੈਨਲਟੀ ਕਾਰਨਰ ਨੂੰ ਸੁਪ੍ਰਿਆ ਨੇ ਗੋਲ ’ਚ ਬਦਲ ਦਿੱਤਾ। ਦੱਖਣੀ ਕੋਰੀਆ ਲਈ ਯੂਰੀ ਜੇਓਂਗ ਨੇ 41ਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ’ਤੇ ਗੋਲ ਕਰਕੇ ਸਕੋਰ 4-1 ਕਰ ਦਿੱਤਾ। ਭਾਰਤ ਨੇ ਕੋਰੀਆ ਦੇ ਹਮਲਿਆਂ ਨੂੰ ਨਾਕਾਮ ਕਰਨ ਲਈ ਆਖਰੀ ਕੁਆਰਟਰ ’ਚ ਸ਼ਾਨਦਾਰ ਡਿਫੈਂਸ ਦਾ ਪ੍ਰਦਰਸ਼ਨ ਕੀਤਾ। ਭਾਰਤ ਲਈ 5ਵਾਂ ਗੋਲ ਸੁਪ੍ਰਿਆ ਨੇ 56ਵੇਂ ਮਿੰਟ ’ਚ ਪੈਨਲਟੀ ਕਾਰਨਰ ’ਤੇ ਕੀਤਾ।