- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਚੀਨ ’ਚ ਭਾਰਤ ਦਾ ਜਲਵਾ, ਸਾਤਵਿਕ-ਚਿਰਾਗ ਨੇ ਰੋਮਾਂਚਕ ਮੁਕਾਬਲੇ ’ਚ ਜਿੱਤਿਆ ਚਾਈਨਾ ਮਾਸਟਰਜ਼ ਖਿਤਾਬ
ਭਾਰਤ ਦੀ ਸਟਾਰ ਪੁਰਸ਼ ਡਬਲਜ਼ ਜੋੜੀ ਸਾਤਵਿਕ ਸਾਈਰਾਜ ਰੈਂਕੀਰੈੱਡੀ ਤੇ ਚਿਰਾਗ ਸ਼ੈਟੀ ਨੇ ਐਤਵਾਰ ਨੂੰ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਚੀਨ ਦੇ ਹੀ ਜੀ ਟਿੰਗ ਤੇ ਰੇਨ ਜ਼ਿਆਂਗ ਯੂ ਨੂੰ ਤਿੰਨ ਗੇਮਾਂ ਦੇ ਰੋਮਾਂਚਕ ਮੈਚ ’ਚ ਹਰਾ ਕੇ ਚਾਈਨਾ ਮਾਸਟਰਜ਼ ਸੁਪਰ 750 ਖਿਤਾਬ ਜਿੱਤ ਲਿਆ
Posted By alisha
Publish Date: Mon, 07 Sep 2026 11:32 AM (IST)
Updated Date: Mon, 07 Sep 2026 11:37 AM (IST)
ਸ਼ੇਨਜ਼ੇਨ, ਪੀਟੀਆਈ : ਭਾਰਤ ਦੀ ਸਟਾਰ ਪੁਰਸ਼ ਡਬਲਜ਼ ਜੋੜੀ ਸਾਤਵਿਕ ਸਾਈਰਾਜ ਰੈਂਕੀਰੈੱਡੀ ਤੇ ਚਿਰਾਗ ਸ਼ੈਟੀ ਨੇ ਐਤਵਾਰ ਨੂੰ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਚੀਨ ਦੇ ਹੀ ਜੀ ਟਿੰਗ ਤੇ ਰੇਨ ਜ਼ਿਆਂਗ ਯੂ ਨੂੰ ਤਿੰਨ ਗੇਮਾਂ ਦੇ ਰੋਮਾਂਚਕ ਮੈਚ ’ਚ ਹਰਾ ਕੇ ਚਾਈਨਾ ਮਾਸਟਰਜ਼ ਸੁਪਰ 750 ਖਿਤਾਬ ਜਿੱਤ ਲਿਆ। ਸਾਤਵਿਕ ਤੇ ਚਿਰਾਗ ਦੀ ਜੋੜੀ, ਜੋ 2023 ਤੇ 2025 ਐਡੀਸ਼ਨ ’ਚ ਉਪ ਜੇਤੂ ਰਹੀ ਸੀ, ਇੱਥੇ ਆਪਣਾ ਤੀਜਾ ਫਾਈਨਲ ਖੇਡ ਰਹੀ ਸੀ। ਇਸ ਭਾਰਤੀ ਜੋੜੀ ਨੇ ਇੱਕ ਘੰਟਾ 10 ਮਿੰਟ ਤੱਕ ਚੱਲੇ ਮੈਚ ’ਚ ਹੀ ਤੇ ਰੇਨ ਦੀ ਸਾਬਕਾ ਵਿਸ਼ਵ ਨੰਬਰ ਚਾਰ ਦੀ ਜੋੜੀ ਨੂੰ 11-21, 21-13, 21-17 ਨਾਲ ਹਰਾਇਆ। ਇਸ ਸੀਜ਼ਨ ’ਚ ਭਾਰਤੀ ਜੋੜੀ ਦਾ ਇਹ ਦੂਜਾ ਖ਼ਿਤਾਬ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਸਿੰਗਾਪੁਰ ਓਪਨ ਸੁਪਰ 750 ਦਾ ਖਿਤਾਬ ਜਿੱਤਿਆ ਸੀ ਤੇ ਥਾਈਲੈਂਡ ਓਪਨ ਸੁਪਰ 500 ਦੇ ਫਾਈਨਲ ’ਚ ਵੀ ਥਾਂ ਬਣਾਈ ਸੀ।
ਵਿਸ਼ਵ ਦੀ ਪੰਜਵੇਂ ਨੰਬਰ ਦੀ ਭਾਰਤੀ ਜੋੜੀ ਲਈ ਇਹ ਖਿਤਾਬ 19 ਸਤੰਬਰ ਤੋਂ ਜਾਪਾਨ ’ਚ ਹੋਣ ਵਾਲੀਆਂ ਏਸ਼ਿਆਈ ਖੇਡਾਂ ਤੋਂ ਪਹਿਲਾਂ ਆਤਮ-ਵਿਸ਼ਵਾਸ ਵਧਾਉਣ ਵਾਲਾ ਹੈ, ਜਿਸ ਵਿੱਚ ਉਹ ਆਪਣੇ ਸੋਨ ਤਮਗੇ ਦਾ ਬਚਾਅ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਭਾਰਤੀ ਜੋੜੀ ਦਾ ਸਾਹਮਣਾ ਚੀਨੀ ਜੋੜੀ ਨਾਲ ਸੀ, ਜੋ ਲੰਬੇ ਸਮੇਂ ਤੋਂ ਅੰਤਰਰਾਸ਼ਟਰੀ ਸਰਕਟ ਤੋਂ ਦੂਰ ਰਹਿਣ ਕਾਰਨ ਰੈਂਕਿੰਗ ’ਚ 70ਵੇਂ ਨੰਬਰ 'ਤੇ ਆ ਗਿਆ ਸੀ। ਹੀ ਜੀ ਟਿੰਗ ਲਈ, ਉਸ ਦੀ ਵਾਪਸੀ ਤੋਂ ਬਾਅਦ ਇਹ ਸਿਰਫ ਤੀਜਾ ਟੂਰਨਾਮੈਂਟ ਹੈ। ਉਹ ਚੀਨੀ ਬੈਡਮਿੰਟਨ ਐਸੋਸੀਏਸ਼ਨ ਵੱਲੋਂ ਲਗਾਈ ਗਈ ਅਨੁਸ਼ਾਸਨੀ ਮੁਅੱਤਲੀ ਦੀ ਸੇਵਾ ਕਰਨ ਤੋਂ ਬਾਅਦ ਪ੍ਰਤੀਯੋਗੀ ਬੈਡਮਿੰਟਨ ’ਚ ਵਾਪਸ ਪਰਤਿਆ। ਹਾਲਾਂਕਿ ਸਾਤਵਿਕ ਤੇ ਚਿਰਾਗ ਨੇ ਇਸ ਤੋਂ ਪਹਿਲਾਂ ਚੀਨੀ ਜੋੜੀ ਖਿਲਾਫ ਆਪਣੇ ਦੋਵੇਂ ਮੈਚ ਜਿੱਤੇ ਸਨ। ਭਾਰਤੀ ਜੋੜੀ ਨੇ ਫਾਈਨਲ ’ਚ ਪਹੁੰਚਣ ਦੇ ਆਪਣੇ ਸਫ਼ਰ ’ਚ ਤਿੰਨ-ਤਿੰਨ ਮੈਚਾਂ ਦੇ ਤਿੰਨ ਮੈਚ ਖੇਡੇ ਸਨ। ਇਨ੍ਹਾਂ ਸਾਰੇ ਮੈਚਾਂ ’ਚ ਉਹ ਪਹਿਲੀ ਗੇਮ ਜਿੱਤਣ ਤੋਂ ਬਾਅਦ ਦੂਜੀ ਗੇਮ ਹਾਰ ਗਿਆ।
ਸਾਤਵਿਕ ਤੇ ਚਿਰਾਗ ਨੇ ਇਸ ਸਾਲ ਆਪਣੇ 10ਵੇਂ ਟੂਰਨਾਮੈਂਟ ’ਚ ਤੀਜੇ ਫਾਈਨਲ ’ਚ ਥਾਂ ਬਣਾਈ। ਹੀ ਜੀ ਟਿੰਗ ਤੇ ਰੇਨ ਨੇ ਤੇਜ਼ ਤੇ ਹਮਲਾਵਰ ਸ਼ਾਟ ਨਾਲ 5-0 ਦੀ ਬੜ੍ਹਤ ਬਣਾ ਲਈ। ਉਨ੍ਹਾਂ ਨੇ ਹਮਲਾ ਜਾਰੀ ਰੱਖਿਆ, ਲੀਡ 8-3 ਤੱਕ ਵਧਾ ਦਿੱਤੀ। ਭਾਰਤੀ ਖਿਡਾਰੀਆਂ ਨੇ ਵਿਰੋਧੀ ਜੋੜੀ ਦੇ ਡਿਫੈਂਸ ਨੂੰ ਘੇਰਨ ਦੀ ਕੋਸ਼ਿਸ਼ ਕੀਤੀ ਪਰ ਚੀਨੀ ਜੋੜੀ ਨੇ ਬ੍ਰੇਕ ਤੱਕ ਆਪਣੀ ਬੜ੍ਹਤ ਨੂੰ 6 ਅੰਕਾਂ ਤੱਕ ਵਧਾ ਦਿੱਤਾ। ਭਾਰਤੀ ਖਿਡਾਰੀ ਵਿਰੋਧੀ ਜੋੜੀ ਦੀ ਰਫ਼ਤਾਰ ਨੂੰ ਬਰਕਰਾਰ ਨਹੀਂ ਰੱਖ ਸਕੇ ਤੇ ਅੰਤਰ ਵਧ ਕੇ 7-14 ਹੋ ਗਿਆ। ਉਹ ਜੀ ਟਿੰਗ ਸ਼ਾਨਦਾਰ ਫਾਰਮ ’ਚ ਦਿਖਾਈ ਦੇ ਰਿਹਾ ਸੀ ਤੇ ਲਗਾਤਾਰ ਸਮੈਸ਼ ਮਾਰ ਰਿਹਾ ਸੀ। ਫਿਰ ਚਿਰਾਗ ਦੀ ਸਰਵਿਸ ਗਲਤੀ ਨੇ ਮੁਸ਼ਕਲਾਂ ਨੂੰ ਹੋਰ ਵਧਾ ਦਿੱਤਾ, ਜਿਸ ਕਾਰਨ ਚੀਨੀ ਜੋੜੀ ਨੇ 17-9 ਦੀ ਬੜ੍ਹਤ ਵਧਾ ਦਿੱਤੀ। ਇਸ ਤੋਂ ਬਾਅਦ ਚਿਰਾਗ ਦਾ ਇਕ ਹੋਰ ਸ਼ਾਟ ਬਾਹਰ ਜਾਣ ਨਾਲ ਚੀਨੀ ਜੋੜੀ ਨੇ ਪਹਿਲੀ ਗੇਮ ਆਸਾਨੀ ਨਾਲ ਜਿੱਤ ਲਈ ਪਰ ਭਾਰਤੀ ਜੋੜੀ ਨੇ ਦੂਜੀ ਗੇਮ ’ਚ ਕਾਫੀ ਬਿਹਤਰ ਪ੍ਰਦਰਸ਼ਨ ਕੀਤਾ। ਸਾਤਵਿਕ ਤੇ ਚਿਰਾਗ ਨੇ ਸਖ਼ਤ ਮੁਕਾਬਲੇ ਤੋਂ ਬਾਅਦ 7-6 ਦੀ ਲੀਡ ਲੈ ਲਈ। ਚਿਰਾਗ ਦੇ ਬਾਡੀ ਸਮੈਸ਼ ਨਾਲ ਭਾਰਤੀ ਜੋੜੀ ਨੇ ਲਗਾਤਾਰ ਪੰਜਵਾਂ ਅੰਕ ਹਾਸਲ ਕੀਤਾ ਤੇ ਸਕੋਰ 9-6 ਤੱਕ ਲੈ ਗਿਆ ਪਰ ਸਾਤਵਿਕ ਦੀ ਸਰਵਿਸ ਗਲਤੀ ਕਾਰਨ ਉਨ੍ਹਾਂ ਦੀ ਬੜ੍ਹਤ ਟੁੱਟ ਗਈ। ਚਿਰਾਗ ਦੇ ਸਮੈਸ਼ ਦੀ ਮਦਦ ਨਾਲ ਭਾਰਤ ਨੇ ਬ੍ਰੇਕ 'ਤੇ ਚਾਰ ਅੰਕਾਂ ਦੀ ਬੜ੍ਹਤ ਬਣਾ ਲਈ।
ਭਾਰਤੀ ਜੋੜੀ ਨੇ ਜਿੱਤੇ 45 ਸ਼ਾਟ ਦੀ ਲੰਬੀ ਰੈਲੀ ਨੇ ਆਪਣੀ ਬੜ੍ਹਤ 12-8 ਕਰ ਲਈ। ਇਸ ਤੋਂ ਬਾਅਦ ਉਹ 17-11 ਨਾਲ ਅੱਗੇ ਹੋ ਗਏ। ਇਸ ਤੋਂ ਬਾਅਦ ਭਾਰਤੀ ਜੋੜੀ ਨੂੰ ਸੱਤ ਗੇਮ-ਪੁਆਇੰਟ ਮੌਕੇ ਮਿਲੇ ਤੇ ਸਾਤਵਿਕ ਨੇ ਹਮਲਾਵਰ ਵਾਪਸੀ ਕਰ ਕੇ ਗੇਮ ਜਿੱਤ ਲਈ। ਚੀਨੀ ਖਿਡਾਰੀਆਂ ਨੇ ਫੈਸਲਾਕੁੰਨ ਗੇਮ ’ਚ ਆਪਣੀ ਗਤੀ ਮੁੜ ਹਾਸਲ ਕੀਤੀ ਤੇ 4-0 ਦੀ ਬੜ੍ਹਤ ਬਣਾ ਲਈ। ਫਿਰ ਉਨ੍ਹਾਂ ਨੇ ਇਸ ਨੂੰ ਵਧਾ ਕੇ 7-3 ਕਰ ਦਿੱਤਾ। ਚਿਰਾਗ ਦੇ ਸਮੈਸ਼ ਤੇ ਹੀ ਜੀ ਟਿੰਗ ਦੇ ਗਲਤ ਸ਼ਾਟ ਦੀ ਮਦਦ ਨਾਲ ਭਾਰਤੀ ਜੋੜੀ ਨੇ ਅੰਤਰ ਨੂੰ 5-7 ਕਰ ਦਿੱਤਾ। ਸਾਤਵਿਕ ਤੇ ਚਿਰਾਗ ਨੇ ਲਗਾਤਾਰ ਚੌਥਾ ਅੰਕ ਹਾਸਲ ਕਰ ਕੇ ਸਕੋਰ 7-7 ਨਾਲ ਬਰਾਬਰ ਕਰ ਦਿੱਤਾ। ਕੁਝ ਤੇਜ਼ ਰੈਲੀਆਂ ਤੋਂ ਬਾਅਦ ਚੀਨੀ ਜੋੜੀ ਨੇ ਬ੍ਰੇਕ 'ਤੇ ਦੋ ਅੰਕਾਂ ਦੀ ਬੜ੍ਹਤ ਬਣਾ ਲਈ। ਸਾਤਵਿਕ ਤੇ ਚਿਰਾਗ ਨੇ 11-13 ਦੇ ਸਕੋਰ ਨਾਲ ਮੈਚ ’ਚ ਆਪਣੀ ਸੰਜਮ ਬਣਾਈ ਰੱਖੀ। ਚੀਨੀ ਖਿਡਾਰੀਆਂ ਨੂੰ ਰੈਲੀਆਂ ਦੌਰਾਨ ਬਿਹਤਰ ਪ੍ਰਦਰਸ਼ਨ ਦਾ ਫਾਇਦਾ ਮਿਲ ਰਿਹਾ ਸੀ ਪਰ ਆਪਣੀ ਸਰਵਿਸ ਗਲਤੀ ਤੋਂ ਬਾਅਦ ਭਾਰਤੀ ਖਿਡਾਰੀ 13-15 ਨਾਲ ਪਿੱਛੇ ਰਹਿ ਗਏ। ਸਾਤਵਿਕ ਦੀ ਸਰਵਿਸ ਨੇ ਸਕੋਰ ਨੂੰ 14-16 ਤੱਕ ਪਹੁੰਚਾਇਆ ਤੇ ਫਿਰ ਭਾਰਤੀ ਜੋੜੀ ਨੇ ਜਲਦੀ ਹੀ ਸਕੋਰ 16-16 ਨਾਲ ਬਰਾਬਰ ਕਰ ਦਿੱਤਾ। ਇਸ ਤੋਂ ਬਾਅਦ ਹੀ ਜੀ ਟਿੰਗ ਨੇ ਸ਼ਟਲ ਨੂੰ ਨੈੱਟ 'ਚ ਜਾ ਕੇ ਮਾਰਿਆ, ਜਿਸ ਕਾਰਨ ਭਾਰਤ 18-17 ਨਾਲ ਅੱਗੇ ਹੋ ਗਿਆ। ਨੈੱਟ ਕੋਰਡ ਦੀ ਮਦਦ ਨਾਲ ਭਾਰਤੀ ਜੋੜੀ ਨੇ 3 ਮੈਚ ਪੁਆਇੰਟ ਹਾਸਲ ਕੀਤੇ ਤੇ ਚਿਰਾਗ ਨੇ ਜ਼ਬਰਦਸਤ ਸਮੈਸ਼ ਨਾਲ ਭਾਰਤ ਨੂੰ ਖਿਤਾਬ ਦਿਵਾਇਆ।