ਏਸ਼ਿਆਈ ਖੇਡਾਂ 'ਚ ਭਾਰਤ ਦਾ ਦਬਦਬਾ : ਮੁੱਕੇਬਾਜ਼ ਪਰਵੀਨ, ਅੰਕੁਸ਼ ਤੇ ਨਰਿੰਦਰ ਨੇ ਸੈਮੀਫਾਈਨਲ 'ਚ ਪਹੁੰਚ ਕੇ ਪੱਕੇ ਕੀਤੇ ਮੈਡਲ; ਤੀਰਅੰਦਾਜ਼ੀ ਟੀਮਾਂ ਵੀ ਅੰਤਿਮ-4 'ਚ

ਨਾਗੋਯਾ (ਪੀਟੀਆਈ) : ਭਾਰਤ ਨੇ ਏਸ਼ਿਆਈ ਖੇਡਾਂ ’ਚ ਆਪਣੀ ਤੀਰਅੰਦਾਜ਼ੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਐਤਵਾਰ ਨੂੰ ਮਰਦ ਤੇ ਮਹਿਲਾ ਕੰਪਾਊਂਡ ਟੀਮਾਂ ਦੇ ਨਾਲ-ਨਾਲ ਰਿਕਰਵ ਤੇ ਮਿਕਸਡ ਟੀਮਾਂ ਨੇ ਵੀ ਕਈ ਸ਼ਾਨਦਾਰ ਜਿੱਤ ਹਾਸਲ ਕਰਦੇ ਹੋਏ ਸੈਮੀਫਾਈਨਲ ’ਚ ਥਾਂ ਬਣਾਈ। ਕੁਸ਼ਲ ਦਲਾਲ, ਸਾਹਿਲ ਜਾਧਵ ਤੇ ਗਣੇਸ਼ ਮਨੀ ਰਤਨਮ ਦੀ ਮਰਦ ਕੰਪਾਊਂਡ ਟੀਮ ਨੇ ਮੁਕਾਬਲੇਬਾਜ਼ੀ ਦੀ ਸ਼ੁਰੂਆਤ ਆਖਰੀ-16 ’ਚ ਯੂਏਈ ’ਤੇ 235-215 ਦੀ ਜਿੱਤ ਨਾਲ ਕੀਤੀ ਤੇ ਫਿਰ ਕੁਆਰਟਰ ਫਾਈਨਲ ’ਚ ਭੂਟਾਨ ਨੂੰ 235-232 ਨਾਲ ਹਰਾਇਆ। ਜੋਤੀ ਸੁਰੇਖਾ ਵੈੱਨਮ, ਚਿਕਿਤਾ ਤਨਿਪਾਰਥੀ ਤੇ ਪ੍ਰਥੀਕਾ ਪ੍ਰਦੀਪ ਦੀ ਮਹਿਲਾ ਕੰਪਾਊਂਡ ਤਿਕੜੀ ਨੇ ਆਖਰੀ-16 ’ਚ ਮੰਗੋਲੀਆ ਨੂੰ 238-223 ਨਾਲ ਤੇ ਕੁਆਰਟਰ ਫਾਈਨਲ ’ਚ ਕਜ਼ਾਕਿਸਤਾਨ ਨੂੰ 233-230 ਨਾਲ ਹਰਾਇਆ। ਦੋਵਾਂ ਭਾਰਤੀ ਕੰਪਾਊਂਡ ਟੀਮਾਂ ਹੁਣ 30 ਸਤੰਬਰ ਨੂੰ ਸੈਮੀਫਾਈਨਲ ’ਚ ਦੱਖਣੀ ਕੋਰੀਆ ਦਾ ਸਾਹਮਣਾ ਕਰਨਗੀਆਂ। ਮਰਦ ਰਿਕਰਵ ਵਰਗ ’ਚ ਧੀਰਜ ਬੋਮਾਦੇਵਰਾ ਤੇ ਸੰਜੇ ਭੋਗੇ ਤੇ ਮਹਿਲਾ ਰਿਕਰਵ ਵਰਗ ’ਚ ਜੋਤੀ ਤੇ ਕੁਮਕੁਮ ਨੇ ਵੀ ਆਪਣੇ-ਆਪਣੇ ਲਗਾਤਾਰ ਦੋ ਮੁਕਾਬਲੇ ਜਿੱਤ ਕੇ ਆਖਰੀ-4 ’ਚ ਥਾਂ ਬਣਾਈ। ਇਸੇ ਤਰ੍ਹਾਂ ਰਿਕਰਵ ਮਿਕਸਡ ਟੀਮ ਇਵੈਂਟ ’ਚ ਧੀਰਜ ਬੋਮਾਦੇਵਰਾ ਤੇ ਕੁਮਕੁਮ ਤੇ ਕੰਪਾਊਂਡ ਮਿਕਸਡ ਟੀਮ ’ਚ ਚਿਕਿਤਾ ਤਨਿਪਾਰਥੀ ਤੇ ਸਾਹਿਲ ਜਾਧਵ ਵੀ ਸੈਮੀਫਾਈਨਲ ’ਚ ਪਹੁੰਚ ਗਏ