ਭਾਰਤੀ ਫੁੱਟਬਾਲ ਟੀਮ ਬ੍ਰਾਜ਼ੀਲ ਹੱਥੋਂ 4-0 ਨਾਲ ਹਾਰੀ, ਸਾਲਟਲੇਕ ਸਟੇਡੀਅਮ 'ਚ ਇਤਿਹਾਸਕ ਮੁਕਾਬਲਾ ਦੇਖਣ ਪੁੱਜੇ 85,000 ਦਰਸ਼ਕ

ਬ੍ਰਾਜ਼ੀਲ ਨੇ ਸ਼ੁਰੂ ’ਚ ਤੇਜ਼ ਹਮਲੇ ਕੀਤੇ ਪਰ ਭਾਰਤੀ ਡਿਫੈਂਸ ਨੇ ਉਨ੍ਹਾਂ ਨੂੰ ਕੰਟਰੋਲ ਕਰਨ ’ਚ ਸਫਲਤਾ ਪ੍ਰਾਪਤ ਕੀਤੀ ਅਤੇ ਫਿਰ ਪਹਿਲੇ 25 ਮਿੰਟ ਦੇ ਖੇਡ ਦੌਰਾਨ ਆਕਰਸ਼ਕ ਸ਼ੈਲੀ ਨਾਲ ਸਫਲਤਾ ਨਾ ਮਿਲਣ ਕਾਰਨ ਬ੍ਰਾਜ਼ੀਲ ਨੇ ਆਪਣੀ ਰਣਨੀਤੀ ਬਦਲੀ। ਖੇਡ ’ਚ ਸੰਜਮ ਤੇ ਧੀਰਜ ਲਿਆਉਂਦੇ ਹੋਏ, ਸਟੀਕ ਤੇ ਨੇੜੇ ਪਾਸ ਦੇ ਕੇ ਖੇਡਣਾ ਸ਼ੁਰੂ ਕੀਤਾ। 28ਵੇਂ ਮਿੰਟ ’ਚ ਐਸਟੇਵਾਓ ਨੂੰ ਭਾਰਤੀ ਬਾਕਸ ਦੇ ਬਾਹਰ ਗੇਂਦ ਮਿਲੀ। ਉਨ੍ਹਾਂ ਦੋ ਖਿਡਾਰੀਆਂ ਨੂੰ ਭੁਲੇਖਾ ਪਾਉਂਦੇ ਹੋਏ ਜ਼ਬਰਦਸਤ ਸ਼ਾਟ ਮਾਰਿਆ। ਗੇਂਦ ਗੁਰਪ੍ਰੀਤ ਦੇ ਹੱਥਾਂ ਨਾਲ ਲੱਗ ਕੇ ਗੋਲਪੋਸਟ ਅੰਦਰ ਚਲੀ ਗਈ। 42ਵੇਂ ਮਿੰਟ ’ਚ ਪੇਡਰੋ ਨੇ ਵੀ ਇਸੇ ਅੰਦਾਜ਼ ’ਚ ਦੂਜਾ ਗੋਲ ਕੀਤਾ। 2-0 ਨਾਲ ਪਿੱਛੇ ਰਹਿਣ ਦੇ ਬਾਵਜੂਦ ਭਾਰਤ ਨੇ ਦੂਜੇ ਹਾਫ ’ਚ ਫਿਰ ਤੇਜ਼ੀ ਦਿਖਾ ਕੇ ਹਾਵੀ ਹੋਣ ਦੀ ਕੋਸ਼ਿਸ਼ ਕੀਤੀ ਪਰ ਬ੍ਰਾਜ਼ੀਲ ਦੀ ਮਜ਼ਬੂਤ ਰੱਖਿਆ ਪੰਕਤੀ ਨੂੰ ਭੇਦ ਨਹੀਂ ਪਾਇਆ। 58ਵੇਂ ਮਿੰਟ ’ਚ ਸੈਮੂਅਲ ਲਿਨੋ ਨੇ ਬ੍ਰਾਜ਼ੀਲ ਲਈ ਤੀਜਾ ਤੇ ਵਾਧੂ ਸਮੇਂ ’ਚ ਚੌਥਾ ਗੋਲ ਕਰ ਕੇ ਮੈਚ ਖ਼ਤਮ ਕੀਤਾ। ਫੁੱਟਬਾਲ ਪ੍ਰੇਮੀਆਂ ਦੇ ਸ਼ਹਿਰ ਕੋਲਕਾਤਾ ’ਚ ਮੈਚ ਨੂੰ ਲੈ ਕੇ ਉਤਸ਼ਾਹ ਸਿਖਰ 'ਤੇ ਸੀ। 85 ਹਜ਼ਾਰ ਦਰਸ਼ਕਾਂ ਦੀ ਸਮਰੱਥਾ ਵਾਲਾ ਸਾਲਟਲੇਕ ਸਟੇਡੀਅਮ ਪੂਰੀ ਤਰ੍ਹਾਂ ਭਰਿਆ ਹੋਇਆ ਸੀ। ਮੈਚ ਦੇਖਣ ਲਈ ਮੁੱਖ ਮੰਤਰੀ ਸ਼ੁਭੇਂਦੁ ਅਧਿਕਾਰੀ, ਕੇਂਦਰੀ ਮੰਤਰੀ ਸੁਕਾਂਤ ਮਜੂਮਦਾਰ, ਫਿਲਮ ਅਭਿਨੇਤਾ ਮਿਥੁਨ ਚੱਕਰਵਰਤੀ ਸਮੇਤ ਕਈ ਸ਼ਖ਼ਸੀਅਤਾਂ ਪੁੱਜੀਆਂ ਸਨ।