ਏਸ਼ਿਆਈ ਖੇਡਾਂ ਲਈ ਭਾਰਤ ਤਿਆਰ, ਖਿਡਾਰੀਆਂ ਦੀ ਤਿਆਰੀ 'ਤੇ ਖੇਡ ਮੰਤਰਾਲੇ ਨੇ ਖ਼ਰਚੇ 700 ਕਰੋੜ ਤੋਂ ਵੱਧ ਰੁਪਏ

ਇਸ ਖ਼ਰਚ ’ਚ ਸਭ ਤੋਂ ਵੱਡਾ ਹਿੱਸਾ 251.4 ਕਰੋੜ ਰੁਪਏ ਅੰਤਰਰਾਸ਼ਟਰੀ ਮੁਕਾਬਲੇਬਾਜ਼ੀਆਂ ’ਚ ਖਿਡਾਰੀਆਂ ਨੂੰ ਤਜਰਬਾ ਦਿਵਾਉਣ ’ਤੇ ਖ਼ਰਚ ਕੀਤੇ ਗਏ। ਉਥੇ ਹੀ, ਘਰੇਲੂ ਟ੍ਰੇਨਿੰਗ ’ਤੇ 118.3 ਕਰੋੜ ਰੁਪਏ ਖ਼ਰਚ ਕੀਤੇ ਗਏ। ਏਸ਼ਿਆਈ ਖੇਡਾਂ ’ਚ ਭਾਰਤ 36 ਖੇਡਾਂ ’ਚ 501 ਖਿਡਾਰੀਆਂ ਦੀ ਟੀਮ ਉਤਾਰੇਗਾ, ਜਿਸ ਵਿਚ 267 ਮਰਦ ਤੇ 234 ਮਹਿਲਾ ਖਿਡਾਰੀ ਹਨ। ਇਨ੍ਹਾਂ ਦੇ ਨਾਲ 265 ਸਹਿਯੋਗੀ ਸਟਾਫ ਮੈਂਬਰ ਵੀ ਹੋਣਗੇ। ਹਾਂਗਝੋਊ ਖੇਡਾਂ ’ਚ ਭਾਰਤ ਨੇ 28 ਗੋਲਡ, 38 ਸਿਲਵਰ ਤੇ 40 ਬਰਾਊਂਜ਼ ਮੈਡਲਾਂ ਸਮੇਤ ਕੁੱਲ 106 ਮੈਡਲ ਜਿੱਤੇ ਸਨ। ਏਸ਼ਿਆਈ ਖੇਡਾਂ ਦਾ ਪ੍ਰਸਾਰਣ ਸੋਨੀ ਸਪੋਰਟਸ ਨੈੱਟਵਰਕ ਤੇ ਸੋਨੀ ਲਿਵ ’ਤੇ ਕੀਤਾ ਜਾਵੇਗਾ।