ਜੂਨੀਅਰ ਹਾਕੀ ਏਸ਼ੀਆ ਕੱਪ 'ਚ ਭਾਰਤ ਦਾ ਦਬਦਬਾ, ਮਰਦ ਤੇ ਮਹਿਲਾ ਟੀਮਾਂ ਰਹੀਆਂ ਅਜੇਤੂ; ਪਾਕਿਸਤਾਨ ਨੂੰ 19-0 ਨਾਲ ਧੂੜ ਚਟਾ ਕੇ ਬਣੀਆਂ ਚੈਂਪੀਅਨ

ਜਾਗਰਣ ਨਿਊਜ਼ ਨੈੱਟਵਰਕ, ਨਵੀਂ ਦਿੱਲੀ : ਚੀਨ ਦੇ ਮੋਕੀ ’ਚ ਖੇਡੇ ਗਏ ਜੂਨੀਅਰ ਹਾਕੀ ਏਸ਼ੀਆ ਕੱਪ ’ਚ ਭਾਰਤੀ ਮਰਦ ਤੇ ਮਹਿਲਾ ਟੀਮ ਨੇ ਪੂਰੀ ਤਰ੍ਹਾਂ ਦਬਦਬਾ ਬਣਾਈ ਰੱਖਿਆ ਤੇ ਅਜੇਤੂ ਰਹਿੰਦੇ ਹੋਏ ਚੈਂਪੀਅਨ ਬਣ ਕੇ ਆਪਣੀ ਮੁਹਿੰਮ ਖ਼ਤਮ ਕੀਤੀ। ਅਨਮੋਲ ਐਕਾ ਦੀ ਅਗਵਾਈ ਵਾਲੀ ਭਾਰਤੀ ਮਰਦ ਟੀਮ ਨੇ ਫਾਈਨਲ ’ਚ ਦੱਖਣੀ ਕੋਰੀਆ ਨੂੰ 4-1 ਨਾਲ ਹਰਾਉਂਦੇ ਹੋਏ ਛੇਵੀਂ ਵਾਰ ਖ਼ਿਤਾਬ ਜਿੱਤਿਆ ਤਾਂ ਇਸ ਵਿਚ ਉਸਦੇ ਹਮਲਾਵਰ ਖੇਡ ਦਾ ਬਹੁਤ ਵੱਡਾ ਯੋਗਦਾਨ ਰਿਹਾ। ਪਹਿਲੇ ਮੈਚ ’ਚ ਭਾਰਤ ਨੇ ਇੰਡੋਨੇਸ਼ੀਆ ਨੂੰ 14-0 ਨਾਲ ਦਰੜ ਕੇ ਆਪਣੀ ਮੁਹਿੰਮ ਦੀ ਧਮਾਕੇਦਾਰ ਸ਼ੁਰੂਆਤ ਕੀਤੀ। ਹਾਲਾਂਕਿ, ਅਗਲੇ ਮੁਕਾਬਲੇ ’ਚ ਉਸ ਨੂੰ ਜਾਪਾਨ ਤੋਂ 3-3 ਨਾਲ ਡਰਾਅ ਖੇਡਣਾ ਪਿਆ ਪਰ ਇਸ ਤੋਂ ਬਾਅਦ ਭਾਰਤ ਨੇ ਦੱਖਣੀ ਕੋਰੀਆ ਨੂੰ 7-3 ਨਾਲ ਦਰੜਦੇ ਹੋਏ ਸੈਮੀਫਾਈਨਲ ’ਚ ਥਾਂ ਯਕੀਨੀ ਕੀਤੀ। ਆਖਰੀ ਗਰੁੱਪ ’ਚ ਸਿਰਫ ਰਸਮ ਹੀ ਸੀ ਪਰ ਭਾਰਤੀ ਟੀਮ ਨੇ ਹਮਲਾਵਰ ਖੇਡ ਨਹੀਂ ਛੱਡੀ ਤੇ ਚੀਨੀ ਤਾਈਪੇ ਨੂੰ 15-0 ਨਾਲ ਦਰੜਦੇ ਹੋਏ ਗਰੁੱਪ ਪੜਾਅ ਦੀ ਸਮਾਪਤੀ ਕੀਤੀ।