- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਮੈਂ ਡਰਿਆ ਹੋਇਆ ਸੀ', ਨੀਰਜ ਚੋਪੜਾ ਨੇ ਕਾਮਨਵੈਲਥ ਗੇਮਜ਼-2026 ’ਚ ਸੋਨ ਤਮਗੇ ਤੋਂ ਖੁੰਝਣ ਤੋਂ ਬਾਅਦ ਦਿੱਤਾ ਹੈਰਾਨ ਕਰਨ ਵਾਲਾ ਬਿਆਨ
ਨੀਰਜ ਚੋਪੜਾ ਤੋਂ ਉਮੀਦ ਸੀ ਕਿ ਜਦੋਂ ਉਹ ਕਾਮਨਵੈਲਥ ਗੇਮਜ਼-2026 ਵਿੱਚ ਉਤਰਣਗੇ ਤਾਂ ਸੋਨ ਤਮਗਾ (ਗੋਲਡ ਮੈਡਲ) ਹੀ ਲੈ ਕੇ ਆਉਣਗੇ। ਬੀਤੀ ਰਾਤ ਜਦੋਂ ਨੀਰਜ ਗਲਾਸਗੋ ਵਿੱਚ ਭਾਲਾ ਫੜੀ ਖੜ੍ਹੇ ਸਨ ਤਾਂ ਗੋਲਡ ਮੈਡਲ ਦੀ ਉਮੀਦ ਜਾਪ ਰਹੀ ਸੀ ਪਰ ਉਸ ਸਮੇਂ ਨੀਰਜ ਡਰੇ-ਸਹਿਮੇ ਹੋਏ ਸਨ। ਨੀਰਜ ਸੋਨ ਤਮਗਾ ਨਹੀਂ ਜਿੱਤ ਸਕੇ ਅਤੇ ਸਿਲਵਰ ਮੈਡਲ ਨਾਲ ਹੀ ਸੰਤੁਸ਼ਟ ਕਰਨਾ ਪਿਆ।
Posted By Anuradha Bains
Publish Date: Sat, 01 Aug 2026 12:39 PM (IST)
Updated Date: Sat, 01 Aug 2026 12:43 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਨੀਰਜ ਚੋਪੜਾ ਤੋਂ ਉਮੀਦ ਸੀ ਕਿ ਜਦੋਂ ਉਹ ਕਾਮਨਵੈਲਥ ਗੇਮਜ਼-2026 ਵਿੱਚ ਉਤਰਣਗੇ ਤਾਂ ਸੋਨ ਤਮਗਾ (ਗੋਲਡ ਮੈਡਲ) ਹੀ ਲੈ ਕੇ ਆਉਣਗੇ। ਬੀਤੀ ਰਾਤ ਜਦੋਂ ਨੀਰਜ ਗਲਾਸਗੋ ਵਿੱਚ ਭਾਲਾ ਫੜੀ ਖੜ੍ਹੇ ਸਨ ਤਾਂ ਗੋਲਡ ਮੈਡਲ ਦੀ ਉਮੀਦ ਜਾਪ ਰਹੀ ਸੀ ਪਰ ਉਸ ਸਮੇਂ ਨੀਰਜ ਡਰੇ-ਸਹਿਮੇ ਹੋਏ ਸਨ। ਨੀਰਜ ਸੋਨ ਤਮਗਾ ਨਹੀਂ ਜਿੱਤ ਸਕੇ ਅਤੇ ਸਿਲਵਰ ਮੈਡਲ ਨਾਲ ਹੀ ਸੰਤੁਸ਼ਟ ਕਰਨਾ ਪਿਆ।
ਨੀਰਜ ਨੇ ਖ਼ੁਦ ਦੱਸਿਆ ਹੈ ਕਿ ਉਹ ਡਰੇ ਹੋਏ ਸਨ। ਇਸ ਦਾ ਕਾਰਨ ਉਨ੍ਹਾਂ ਦੀ ਫਿਟਨੈੱਸ ਹੈ, ਜਿਸ ਨਾਲ ਉਹ ਲਗਾਤਾਰ ਜੂਝ ਰਹੇ ਹਨ। ਸੱਟ ਕਾਰਨ ਹੀ ਨੀਰਜ ਲੰਬੇ ਸਮੇਂ ਤੋਂ ਮੈਦਾਨ ਤੋਂ ਦੂਰ ਰਹੇ ਅਤੇ ਲਗਾਤਾਰ ਪਰੇਸ਼ਾਨ ਰਹੇ। ਇੱਕ ਸਾਲ ਵਿੱਚ ਪਹਿਲੀ ਵਾਰ ਨੀਰਜ ਕਿਸੇ ਵੱਡੇ ਟੂਰਨਾਮੈਂਟ ਵਿੱਚ ਹਿੱਸਾ ਲੈ ਰਹੇ ਸਨ ਅਤੇ ਤਮਗਾ ਜਿੱਤ ਕੇ ਪਰਤੇ ਪਰ ਨੀਰਜ ਜਿਸ ਦਬਦਬੇ ਲਈ ਜਾਣੇ ਜਾਂਦੇ ਹਨ, ਉਹ ਦਿਖਾਈ ਨਹੀਂ ਦਿੱਤਾ।
ਮਿਹਨਤ ਦਾ ਮਿਲ ਰਿਹਾ ਹੈ ਫਲ
ਗਲਾਸਗੋ ਵਿੱਚ ਤਾਪਮਾਨ 14 ਡਿਗਰੀ ਸੀ, ਯਾਨੀ ਠੰਢਾ ਮੌਸਮ। ਅਜਿਹੇ ਮੌਸਮ ਵਿੱਚ ਖਿਡਾਰੀਆਂ ਨੂੰ ਪ੍ਰੇਸ਼ਾਨੀ ਹੁੰਦੀ ਹੈ ਪਰ ਨੀਰਜ ਲਈ ਪ੍ਰੇਸ਼ਾਨੀ ਮੌਸਮ ਨਾਲੋਂ ਜ਼ਿਆਦਾ ਉਨ੍ਹਾਂ ਦੀ ਫਿਟਨੈੱਸ ਹੈ। ਪਿਛਲੇ ਸਤੰਬਰ ਤੋਂ ਨੀਰਜ ਪਿੱਠ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹਨ। ਇਸੇ ਕਾਰਨ ਉਹ ਉਸ ਆਤਮ-ਵਿਸ਼ਵਾਸ ਵਿੱਚ ਨਜ਼ਰ ਨਹੀਂ ਆ ਰਹੇ ਸਨ ਜਿਹੜਾ ਉਨ੍ਹਾਂ ਦੇ ਚਿਹਰੇ ਦੀ ਪਛਾਣ ਸੀ। ਜੂਨ ਵਿੱਚ ਦੋਹਾ ਡਾਇਮੰਡ ਲੀਗ ਤੋਂ ਦੂਰ ਰਹਿਣ ਦਾ ਅਸਰ ਉਨ੍ਹਾਂ ਦੇ ਪ੍ਰਦਰਸ਼ਨ 'ਤੇ ਦਿਖਾਈ ਦਿੱਤਾ ਸੀ।
ਸਿਲਵਰ ਜਿੱਤਣ ਤੋਂ ਬਾਅਦ ਨੀਰਜ ਨੇ ਕਿਹਾ, "ਮੇਰੀ ਵਾਪਸੀ ਚੰਗੀ ਚੱਲ ਰਹੀ ਹੈ। ਮੈਂ ਠੰਢੇ ਮੌਸਮ ਵਿੱਚ ਚੰਗਾ ਪ੍ਰਦਰਸ਼ਨ ਨਹੀਂ ਕਰਦਾ ਕਿਉਂਕਿ ਆਖਿਰਕਾਰ ਮੈਂ ਇੱਕ ਭਾਰਤੀ ਹਾਂ। ਪੋਡੀਅਮ 'ਤੇ ਵਾਪਸੀ ਕਰਨਾ ਚੰਗਾ ਹੈ। ਮੈਂ ਜੋ ਮਿਹਨਤ ਕੀਤੀ ਹੈ, ਉਸ ਦਾ ਨਤੀਜਾ ਮਿਲ ਰਿਹਾ ਹੈ।"
'ਮੈਂ ਡਰਿਆ ਹੋਇਆ ਸੀ'
ਨੀਰਜ ਨੇ ਮੰਨਿਆ ਕਿ ਉਨ੍ਹਾਂ ਦੀ ਸੱਟ ਨੇ ਉਨ੍ਹਾਂ ਦੇ ਅੰਦਰ ਡਰ ਪੈਦਾ ਕੀਤਾ। ਨੀਰਜ ਨੇ ਕਿਹਾ, "ਯਕੀਨੀ ਤੌਰ 'ਤੇ ਬਦਲਾਅ ਹੋਵੇਗਾ। ਅਗਲੇ ਕੁਝ ਟੂਰਨਾਮੈਂਟਾਂ ਵਿੱਚ ਮੈਂ ਕੁਝ ਚੰਗੀਆਂ ਥਰੋਅ ਕਰਨ ਦੀ ਕੋਸ਼ਿਸ਼ ਕਰਾਂਗਾ। ਮੈਨੂੰ ਲੱਗਦਾ ਹੈ ਕਿ ਮੁੱਖ ਅੰਤਰ ਇਹ ਹੈ ਕਿ ਤੁਸੀਂ 100 ਫੀਸਦੀ ਫਿੱਟ ਹੋ ਜਾਂ ਨਹੀਂ। ਤੁਹਾਡੇ ਅੰਦਰ ਉਹ ਲੜਨ ਦੀ ਸਮਰੱਥਾ ਹੋਣੀ ਚਾਹੀਦੀ ਹੈ ਕਿ ਤੁਸੀਂ ਕਿਸੇ ਵੀ ਚੀਜ਼ ਤੋਂ ਵਾਪਸੀ ਕਰ ਸਕਦੇ ਹੋ।"
ਉਨ੍ਹਾਂ ਕਿਹਾ, "ਪਰ ਸੱਟ ਤੁਹਾਨੂੰ ਸੋਚਣ ਲਈ ਮਜਬੂਰ ਕਰਦੀ ਹੈ। ਤੁਸੀਂ ਡਰੇ ਹੋਏ ਹੁੰਦੇ ਹੋ। ਮੈਂ ਵੀ ਅੱਜ ਡਰਿਆ ਹੋਇਆ ਸੀ। ਮੈਂ ਜ਼ਿਆਦਾ ਤੇਜ਼ ਭੱਜਣਾ ਨਹੀਂ ਚਾਹੁੰਦਾ ਸੀ। ਮੈਂ ਆਪਣੇ ਸਰੀਰ ਨੂੰ ਕੰਟਰੋਲ ਵਿੱਚ ਰੱਖਣਾ ਚਾਹੁੰਦਾ ਸੀ ਪਰ ਹਾਂ ਮੇਰੀ ਥਰੋਅ ਠੀਕ ਸੀ।"