ਗੁਰਿੰਦਰਵੀਰ ਦੇ ਕੁਆਲੀਫਾਈ ਨਾ ਕਰਨ 'ਤੇ ਵੀ ਪਿਤਾ ਦਾ ਹੌਂਸਲਾ ਬੁਲੰਦ: ਏਸ਼ੀਆਈ ਖੇਡਾਂ ਦੀ ਤਿਆਰੀ ਲਈ ਕੀਤਾ ਪ੍ਰੇਰਿਤ

ਹੁਣ ਉਸ ਨੂੰ ਏਸ਼ੀਆਈ ਖੇਡਾਂ ਦੀ ਤਿਆਰੀ ’ਤੇ ਧਿਆਨ ਦੇਣਾ ਹੋਵੇਗਾ ਤੇ ਬਿਹਤਰ ਸਮਾਂ ਕੱਢ ਕੇ ਤਮਗਾ ਜਿੱਤਣ ਦੀ ਕੋਸ਼ਿਸ਼ ਕਰਨੀ ਹੋਵੇਗੀ। ਸੋਮਵਾਰ ਦੁਪਹਿਰ ਦੇ ਢਾਈ ਵਜੇ ਸਨ। ਕਾਮਨਵੈਲਥ ਗੇਮਜ਼ ’ਚ ਐਥਲੈਟਿਕਸ ਮੁਕਾਬਲੇ ਹੋਣੇ ਸਨ। ਮੁਕਾਬਲੇ ’ਚ ਜਲੰਧਰ ਦੇ ਗੁਰਿੰਦਰਵੀਰ ਸਿੰਘ ਨੇ 100 ਮੀਟਰ ਦੌੜ ’ਚ ਹਿੱਸਾ ਲੈਣਾ ਸੀ। ਕੋਚ ਦੇ ਨਾਲ-ਨਾਲ ਪਰਿਵਾਰਕ ਮੈਂਬਰ ਵੀ ਗੁਰਿੰਦਰਵੀਰ ਦੀ ਦੌੜ ਦੇਖਣ ਲਈ ਟੀਵੀ ਅੱਗੇ ਬੈਠ ਗਏ ਸਨ। ਮਾਪਿਆਂ ਤੇ ਕੋਚ ਨੂੰ ਉਮੀਦ ਸੀ ਕਿ ਗੁਰਿੰਦਰਵੀਰ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਵੇਗਾ ਪਰ ਉਹ 10.39 ਸਕਿੰਟ ਦਾ ਸਮਾਂ ਹੀ ਕੱਢ ਸਕਿਆ। ਇਸ ਨਾਲ ਤਮਗਾ ਜਿੱਤਣ ਦਾ ਸੁਪਨਾ ਟੁੱਟ ਗਿਆ।