- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਫ਼ਰਾਰੀ ਤੋਂ ਲੈ ਕੇ ਲੈਕਸਸ ਤੱਕ... ਲਿਓਨੇਲ ਮੈਸੀ ਦੇ ਕਾਰ ਕਲੈਕਸ਼ਨ ਦਾ ਕੋਈ ਮੁਕਾਬਲਾ ਨਹੀਂ, ਜਾਣੋ ਕਿਹੜੀ ਹੈ ਸਭ ਤੋਂ ਮਹਿੰਗੀ
ਫੁੱਟਬਾਲ ਦੀ ਦੁਨੀਆ ਦੇ ਮਹਾਨ ਖਿਡਾਰੀਆਂ 'ਚ ਸ਼ੁਮਾਰ ਅਰਜਨਟੀਨਾ ਦੇ ਲਿਓਨੇਲ ਮੈਸੀ ਨੇ ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਲੈ ਲਿਆ ਹੈ। ਸਰਵਕਾਲੀ ਮਹਾਨ ਫੁੱਟਬਾਲਰਾਂ 'ਚ ਗਿਣੇ ਜਾਣ ਵਾਲਾ ਇਹ ਦਿਗਜ਼ ਹੁਣ ਕਦੇ ਅਰਜਨਟੀਨਾ ਦੀ ਜਰਸੀ 'ਚ ਨਹੀਂ ਦਿਖਾਈ ਦੇਵੇਗਾ। ਮੈਸੀ ਨੇ ਆਪਣੇ ਖੇਡ ਨਾਲ ਮੈਦਾਨ 'ਚ ਨਾਮ ਕਮਾਇਆ ਅਤੇ ਤੰਗਹਾਲੀ ਦੇ ਜੀਵਨ ਨੂੰ ਛੱਡ ਕੇ ਅੱਜ ਇੱਕ ਲਗਜ਼ਰੀ ਜ਼ਿੰਦਗੀ ਜਿਉਂਦੇ ਹਨ। ਇਸ ਦੀ ਇੱਕ ਝਲਕ ਉਨ੍ਹਾਂ ਦੇ ਕਾਰ ਕਲੈਕਸ਼ਨ ਤੋਂ ਮਿਲਦੀ ਹੈ।
Posted By Sunita
Publish Date: Tue, 01 Sep 2026 01:47 PM (IST)
Updated Date: Tue, 01 Sep 2026 01:49 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਫੁੱਟਬਾਲ ਦੀ ਦੁਨੀਆ ਦੇ ਮਹਾਨ ਖਿਡਾਰੀਆਂ 'ਚ ਸ਼ੁਮਾਰ ਅਰਜਨਟੀਨਾ ਦੇ ਲਿਓਨੇਲ ਮੈਸੀ ਨੇ ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਲੈ ਲਿਆ ਹੈ। ਸਰਵਕਾਲੀ ਮਹਾਨ ਫੁੱਟਬਾਲਰਾਂ 'ਚ ਗਿਣੇ ਜਾਣ ਵਾਲਾ ਇਹ ਦਿਗਜ਼ ਹੁਣ ਕਦੇ ਅਰਜਨਟੀਨਾ ਦੀ ਜਰਸੀ 'ਚ ਨਹੀਂ ਦਿਖਾਈ ਦੇਵੇਗਾ। ਮੈਸੀ ਨੇ ਆਪਣੇ ਖੇਡ ਨਾਲ ਮੈਦਾਨ 'ਚ ਨਾਮ ਕਮਾਇਆ ਅਤੇ ਤੰਗਹਾਲੀ ਦੇ ਜੀਵਨ ਨੂੰ ਛੱਡ ਕੇ ਅੱਜ ਇੱਕ ਲਗਜ਼ਰੀ ਜ਼ਿੰਦਗੀ ਜਿਉਂਦੇ ਹਨ। ਇਸ ਦੀ ਇੱਕ ਝਲਕ ਉਨ੍ਹਾਂ ਦੇ ਕਾਰ ਕਲੈਕਸ਼ਨ ਤੋਂ ਮਿਲਦੀ ਹੈ।
ਮੈਸੀ ਦੁਨੀਆ ਦੇ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਖਿਡਾਰੀਆਂ 'ਚੋਂ ਇੱਕ ਹਨ। ਉਨ੍ਹਾਂ ਦੀ ਲਾਈਫਸਟਾਈਲ ਕਈ ਲੋਕਾਂ ਲਈ ਸੁਪਨਾ ਹੈ ਜੋ ਪੂਰਾ ਨਹੀਂ ਹੋ ਪਾਉਂਦਾ, ਪਰ ਮੈਸੀ ਨੇ ਇਹ ਪੂਰਾ ਕੀਤਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਉਨ੍ਹਾਂ ਦੇ ਕਾਰ ਕਲੈਕਸ਼ਨ ਬਾਰੇ।
ਮੈਸੀ ਕੋਲ ਹਨ ਸ਼ਾਨਦਾਰ ਕਾਰਾਂ
ਮੀਡੀਆ ਰਿਪੋਰਟਾਂ ਮੁਤਾਬਕ, ਮੈਸੀ ਕੋਲ ਦੁਨੀਆ ਭਰ ਦੀਆਂ ਤਮਾਮ ਲਗਜ਼ਰੀ ਕਾਰਾਂ 'ਚੋਂ ਚੁਨਿੰਦਾ ਕਾਰਾਂ ਹਨ। ਉਨ੍ਹਾਂ ਕੋਲ ਫ਼ਰਾਰੀ 335 ਐੱਸ ਸਪਾਈਡਰ ਸਕਾਲੇਟੀ, ਫ਼ਰਾਰੀ ਐੱਫ਼430 ਸਪਾਈਡਰ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਕੋਲ ਔਡੀ trio, ਪਗਾਨੀ ਜ਼ੋਂਡਾ ਟ੍ਰਾਈਕਲਰ, ਮਰਸਡੀਜ਼ ਐੱਸ.ਐੱਲ.ਐੱਸ. ਏ.ਐੱਮ.ਜੀ., ਮਾਸੇਰਾਤੀ ਗ੍ਰਾਨ ਤੁਰਿਸਮੋ ਐੱਮ.ਸੀ. ਸਟਾਰਡੇਲ, ਰੇਂਜ ਰੋਵਰ, ਕੈਡਿਲੈਕ ਐਸਕਾਲੇਡ, ਲੈਕਸਸ ਆਰ.ਐਕਸ. 450ਐੱਚ ਅਤੇ ਮਿਨੀ ਕੂਪਰ ਵਰਗੀਆਂ ਕਾਰਾਂ ਹਨ।
ਇਨ੍ਹਾਂ 'ਚੋਂ ਸਭ ਤੋਂ ਸਸਤੀ ਕਾਰ ਦੀ ਗੱਲ ਕਰੀਏ ਤਾਂ ਉਹ ਮਿਨੀ ਕੂਪਰ ਹੈ ਜਿਸ ਦੀ ਕੀਮਤ ਲਗਭਗ 19 ਲੱਖ ਰੁਪਏ ਹੈ। ਉੱਥੇ ਹੀ ਮੈਸੀ ਦੇ ਕਲੈਕਸ਼ਨ ਦੀ ਸਭ ਤੋਂ ਮਹਿੰਗੀ ਕਾਰ ਫ਼ਰਾਰੀ 335ਐੱਸ ਸਪਾਈਡਰ ਸਕਾਲੇਟੀ ਹੈ ਜਿਸ ਦੀ ਕੀਮਤ ਲਗਭਗ 339.7 ਕਰੋੜ ਰੁਪਏ ਹੈ।
ਨਹੀਂ ਜਿੱਤ ਸਕੇ ਵਰਲਡ ਕੱਪ
ਲਿਓਨੇਲ ਮੈਸੀ ਦੀ ਕਪਤਾਨੀ 'ਚ ਅਰਜਨਟੀਨਾ ਨੇ ਫੀਫਾ ਵਰਲਡ ਕੱਪ-2022 ਦਾ ਖਿਤਾਬ ਜਿੱਤਿਆ ਸੀ। ਇਸ ਵਾਰ ਵੀ ਮੈਸੀ ਆਪਣੀ ਕਪਤਾਨੀ 'ਚ ਟੀਮ ਨੂੰ ਵਰਲਡ ਕੱਪ ਦੇ ਫਾਈਨਲ 'ਚ ਲੈ ਕੇ ਗਏ, ਪਰ ਸਪੇਨ ਨੇ ਉਨ੍ਹਾਂ ਦੇ ਲਗਾਤਾਰ ਦੋ ਵਰਲਡ ਕੱਪ ਜਿੱਤਣ ਦੇ ਸੁਪਨੇ ਨੂੰ ਤੋੜ ਦਿੱਤਾ। ਮੈਸੀ ਨੂੰ ਇਸ ਦਾ ਬਹੁਤ ਗ਼ਮ ਹੋਇਆ ਅਤੇ ਇਸੇ ਕਾਰਨ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਫੁੱਟਬਾਲ ਨੂੰ ਅਲਵਿਦਾ ਕਹਿ ਦਿੱਤਾ।