- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
FIFA World Cup ’ਚ ਪਹਿਲੀ ਵਾਰ ਹੋਵੇਗਾ ਹਾਫ਼ਟਾਈਮ ਸ਼ੋਅ, ਜਸਟਿਨ ਬੀਬਰ ਦਿਖਾਉਣਗੇ ਜਲਵਾ; ਸ਼ਕੀਰਾ ਵੀ ਲਗਾਏਗੀ ਠੁਮਕੇ
ਫੀਫਾ ਵਿਸ਼ਵ ਕੱਪ ਦੇ ਇਤਿਹਾਸ ’ਚ ਪਹਿਲੀ ਵਾਰ ਫਾਈਨਲ ਵਿੱਚ ਹਾਫ਼ਟਾਈਮ ਸ਼ੋਅ ਦਾ ਆਯੋਜਨ ਕੀਤਾ ਜਾਵੇਗਾ। ਨਿਊਜਰਸੀ ਸਟੇਡੀਅਮ ਵਿੱਚ ਹੋਣ ਵਾਲੇ ਫੀਫਾ ਵਿਸ਼ਵ ਕੱਪ 2026 ਫਾਈਨਲ ਦੇ ਹਾਫ਼ਟਾਈਮ ਸ਼ੋਅ ਵਿੱਚ ਜਸਟਿਨ ਬੀਬਰ, ਮੈਡੋਨਾ, ਸ਼ਕੀਰਾ, ਬੀਟੀਐਸ, ਬਰਨਾ ਬੌਏ, ਕੰਡਕਟਰ ਗੁਸਤਾਵੋ ਦੁਦਾਮੇਲ ਅਤੇ ਨਿਊਯਾਰਕ ਸਿਟੀ ਦਾ PS22 ਕੋਰਸ ਵਰਗੇ ਦਿੱਗਜ ਸ਼ਾਮਲ ਰਹਿਣਗੇ।
Posted By Anuradha Bains
Publish Date: Sun, 19 Jul 2026 11:02 AM (IST)
Updated Date: Sun, 19 Jul 2026 11:04 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਫੀਫਾ ਵਿਸ਼ਵ ਕੱਪ ਦੇ ਇਤਿਹਾਸ ’ਚ ਪਹਿਲੀ ਵਾਰ ਫਾਈਨਲ ਵਿੱਚ ਹਾਫ਼ਟਾਈਮ ਸ਼ੋਅ ਦਾ ਆਯੋਜਨ ਕੀਤਾ ਜਾਵੇਗਾ। ਨਿਊਜਰਸੀ ਸਟੇਡੀਅਮ ਵਿੱਚ ਹੋਣ ਵਾਲੇ ਫੀਫਾ ਵਿਸ਼ਵ ਕੱਪ 2026 ਫਾਈਨਲ ਦੇ ਹਾਫ਼ਟਾਈਮ ਸ਼ੋਅ ਵਿੱਚ ਜਸਟਿਨ ਬੀਬਰ, ਮੈਡੋਨਾ, ਸ਼ਕੀਰਾ, ਬੀਟੀਐਸ, ਬਰਨਾ ਬੌਏ, ਕੰਡਕਟਰ ਗੁਸਤਾਵੋ ਦੁਦਾਮੇਲ ਅਤੇ ਨਿਊਯਾਰਕ ਸਿਟੀ ਦਾ PS22 ਕੋਰਸ ਵਰਗੇ ਦਿੱਗਜ ਸ਼ਾਮਲ ਰਹਿਣਗੇ।
ਇਸ ਦਾ ਪ੍ਰੋਡਕਸ਼ਨ ਕੋਲਡਪਲੇਅ ਨਾਲ ਜੁੜੇ ਕ੍ਰਿਸ ਮਾਰਟਿਨ ਦੇਖ ਰਹੇ ਹਨ। ਇਸ ਆਯੋਜਨ ਦਾ ਹਿੱਸਾ ਬਣਨ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਜਸਟਿਨ ਬੀਬਰ ਨੇ ਕਿਹਾ ਕਿ ਕੋਈ ਵੀ ਹੋਰ ਆਯੋਜਨ ਫੀਫਾ ਵਿਸ਼ਵ ਕੱਪ ਵਾਂਗ ਦੁਨੀਆ ਨੂੰ ਇੱਕਜੁੱਟ ਨਹੀਂ ਕਰ ਸਕਦਾ। ਮੈਂ ਇਸ ਹਾਫ਼ਟਾਈਮ ਸ਼ੋਅ ਦਾ ਹਿੱਸਾ ਬਣ ਕੇ ਬਹੁਤ ਸ਼ੁਕਰਗੁਜ਼ਾਰ ਹਾਂ।
ਵਧ ਸਕਦਾ ਹੈ ਸਮਾਂ
ਖ਼ਬਰਾਂ ਮੁਤਾਬਕ, ਇਹ ਸ਼ੋਅ ਗਿਆਰਾਂ ਮਿੰਟ ਚੱਲੇਗਾ ਅਤੇ ਇਸ ਦੇ ਚੱਲਦਿਆਂ ਫੀਫਾ ਵਿਸ਼ਵ ਕੱਪ ਫਾਈਨਲ ਦੇ ਹਾਫ਼ਟਾਈਮ ਦਾ ਸਮਾਂ ਵਧਾਇਆ ਜਾ ਸਕਦਾ ਹੈ। ਅਜੇ ਮੈਚ ਦੇ ਵਿਚਕਾਰ 15 ਮਿੰਟ ਦਾ ਅੰਤਰਾਲ ਹੁੰਦਾ ਹੈ ਅਤੇ ਜੇਕਰ ਇਸ ਹਾਫ਼ਟਾਈਮ ਸ਼ੋਅ ਦੀ ਮਿਆਦ ਜੋੜ ਦਿੱਤੀ ਜਾਵੇ ਤਾਂ ਇਹ ਲਗਪਗ 26 ਮਿੰਟ ਬਣਦੀ ਹੈ। ਹਾਲਾਂਕਿ, ਫੀਫਾ ਨੇ ਅਜੇ ਤੱਕ ਹਾਫ਼ਟਾਈਮ ਦਾ ਸਮਾਂ ਵਧਾਉਣ ਦੇ ਸਬੰਧ ਵਿੱਚ ਕੋਈ ਰਸਮੀ ਜਾਣਕਾਰੀ ਨਹੀਂ ਦਿੱਤੀ ਹੈ।
ਸਪੇਨ ਅਤੇ ਅਰਜਨਟੀਨਾ ਵਿਚਾਲੇ ਟੱਕਰ
ਫੀਫਾ ਵਰਲਡ ਕੱਪ-2026 ਦੇ ਖ਼ਿਤਾਬੀ ਮੁਕਾਬਲੇ ’ਚ ਮੌਜੂਦਾ ਜੇਤੂ ਅਰਜਨਟੀਨਾ ਦਾ ਸਾਹਮਣਾ ਸਪੇਨ ਨਾਲ ਹੈ। ਜੇਕਰ ਅਰਜਨਟੀਨਾ ਇਹ ਮੈਚ ਜਿੱਤ ਜਾਂਦੀ ਹੈ ਤਾਂ ਉਹ ਫੀਫਾ ਵਰਲਡ ਕੱਪ ਦੇ ਇਤਿਹਾਸ ’ਚ ਖ਼ਿਤਾਬ ਬਚਾਉਣ ਵਾਲੀ ਸਿਰਫ਼ ਤੀਜੀ ਟੀਮ ਬਣੇਗੀ।
ਉਸ ਤੋਂ ਪਹਿਲਾਂ ਇਟਲੀ ਅਤੇ ਬ੍ਰਾਜ਼ੀਲ ਨੇ ਇਹ ਕਾਰਨਾਮਾ ਕੀਤਾ ਹੈ। ਦੂਜੇ ਪਾਸੇ, ਸਪੇਨ ਦੂਜੀ ਵਾਰ ਫਾਈਨਲ ਵਿੱਚ ਪਹੁੰਚਿਆ ਹੈ ਅਤੇ ਆਪਣਾ ਦੂਜਾ ਖ਼ਿਤਾਬ ਜਿੱਤਣ ਦੀ ਕੋਸ਼ਿਸ਼ ਕਰੇਗਾ। ਸਪੇਨ ਨੇ ਹੁਣ ਤੱਕ ਇੱਕੋ ਇੱਕ ਫਾਈਨਲ ਖੇਡਿਆ ਹੈ, ਜਿਸ ਵਿੱਚ ਉਹ ਜਿੱਤ ਹਾਸਲ ਕਰਨ ਵਿੱਚ ਸਫ਼ਲ ਰਿਹਾ ਸੀ। ਉਸ ਨੇ ਇਹ ਮੁਕਾਬਲਾ 2010 ਵਿੱਚ ਖੇਡਿਆ ਸੀ ਜਿਸ ਵਿੱਚ ਉਸ ਨੂੰ ਜਿੱਤ ਮਿਲੀ ਸੀ।