- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬ੍ਰਾਜ਼ੀਲ ’ਚ ਫੁੱਟਬਾਲ ਦਾ ਮੈਦਾਨ ਬਣਿਆ ਅਖਾੜਾ, ਜਮ ਕੇ ਹੋਈ ਕੁੱਟਮਾਰ; ਖਿਡਾਰੀਆਂ ਨੂੰ ਮਿਲੇ ਰਿਕਾਰਡ 51 ਰੈੱਡ ਕਾਰਡ
ਇਸ ਦੌਰਾਨ ਅਤੇ ਮੈਚ ਖ਼ਤਮ ਹੋਣ ਤੋਂ ਬਾਅਦ ਕੁੱਲ 43 ਖਿਡਾਰੀਆਂ ਅਤੇ ਅੱਠ ਟੀਮ ਅਧਿਕਾਰੀਆਂ ਨੂੰ ਮੈਦਾਨ ਤੋਂ ਬਾਹਰ ਭੇਜ ਦਿੱਤਾ ਗਿਆ। ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਜ਼ ਅਨੁਸਾਰ, ਪੇਸ਼ੇਵਰ ਫੁੱਟਬਾਲ ਮੁਕਾਬਲੇ ਵਿੱਚ ਸਭ ਤੋਂ ਵੱਧ 36 ਰੈੱਡ ਕਾਰਡ ਦਿਖਾਏ ਜਾਣ ਦਾ ਰਿਕਾਰਡ ਹੈ।
Posted By Anuradha Bains
Publish Date: Fri, 06 Nov 2026 11:23 AM (IST)
Updated Date: Fri, 06 Nov 2026 11:25 AM (IST)
ਸਾਓ ਪਾਉਲੋ, ਏ.ਪੀ.। ਬ੍ਰਾਜ਼ੀਲ ਵਿੱਚ ਅੰਡਰ-20 ਪੱਧਰ ਦੇ ਇੱਕ ਰਾਜ ਪੱਧਰੀ ਫੁੱਟਬਾਲ ਮੁਕਾਬਲੇ ਵਿੱਚ ਕੁੱਟਮਾਰ ਤੋਂ ਬਾਅਦ 51 ਰੈੱਡ ਕਾਰਡ ਦਿਖਾਏ ਗਏ, ਜੋ ਇਸ ਖੇਡ ਵਿੱਚ ਸਭ ਤੋਂ ਵੱਧ ਰੈੱਡ ਕਾਰਡ ਦਿਖਾਏ ਜਾਣ ਦਾ ਨਵਾਂ ਰਿਕਾਰਡ ਹੋ ਸਕਦਾ ਹੈ। ਮਿਨਾਸ ਗੇਰੈਸ ਰਾਜ ਦੀ ਅੰਡਰ-20 ਚੈਂਪੀਅਨਸ਼ਿਪ ਦੇ ਦੂਜੇ ਡਿਵੀਜ਼ਨ ਦੇ ਸੈਮੀਫਾਈਨਲ ਵਿੱਚ ਐਤਵਾਰ ਨੂੰ ਮਮੋਰੇ ਨੇ ਉਬਰਲਾਂਡੀਆ ਨੂੰ 3-1 ਨਾਲ ਹਰਾਇਆ।
43 ਖਿਡਾਰੀਆਂ ਅਤੇ ਅੱਠ ਟੀਮ ਅਧਿਕਾਰੀਆਂ ਨੂੰ ਮਿਲਿਆ ਰੈੱਡ ਕਾਰਡ
ਇਸ ਦੌਰਾਨ ਅਤੇ ਮੈਚ ਖ਼ਤਮ ਹੋਣ ਤੋਂ ਬਾਅਦ ਕੁੱਲ 43 ਖਿਡਾਰੀਆਂ ਅਤੇ ਅੱਠ ਟੀਮ ਅਧਿਕਾਰੀਆਂ ਨੂੰ ਮੈਦਾਨ ਤੋਂ ਬਾਹਰ ਭੇਜ ਦਿੱਤਾ ਗਿਆ। ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਜ਼ ਅਨੁਸਾਰ, ਪੇਸ਼ੇਵਰ ਫੁੱਟਬਾਲ ਮੁਕਾਬਲੇ ਵਿੱਚ ਸਭ ਤੋਂ ਵੱਧ 36 ਰੈੱਡ ਕਾਰਡ ਦਿਖਾਏ ਜਾਣ ਦਾ ਰਿਕਾਰਡ ਹੈ।
ਇਹ ਘਟਨਾ 2011 ਵਿੱਚ ਅਰਜਨਟੀਨਾ ਦੇ ਪੰਜਵੇਂ ਡਿਵੀਜ਼ਨ ਵਿੱਚ ਐਟਲੇਟਿਕੋ ਕਲੇਪੂਲ ਅਤੇ ਵਿਕਟੋਰੀਆਨੋ ਏਰੇਨਾਸ ਵਿਚਕਾਰ ਮੈਚ ਦੌਰਾਨ ਵਾਪਰੀ ਸੀ। ਰੈਫਰੀ ਫਰਨਾਂਡੋ ਪੈਟ੍ਰਿਕ ਮੋਡੇਸਟੋ ਦੀ ਮੈਚ ਰਿਪੋਰਟ ਦੇ ਅਨੁਸਾਰ, ਖਿਡਾਰੀਆਂ ਅਤੇ ਕੋਚਿੰਗ ਸਟਾਫ ਸਮੇਤ 48 ਲੋਕਾਂ ਨੂੰ ਲਾਲ ਕਾਰਡ ਦਿਖਾਏ ਗਏ ਅਤੇ ਅੰਤਿਮ ਗੋਲ ਤੋਂ ਬਾਅਦ ਮੈਦਾਨ ਤੋਂ ਬਾਹਰ ਭੇਜ ਦਿੱਤਾ ਗਿਆ।