ਡੈਬਿਊ ’ਚ ਹੀ ਫੈਰਾਨ ਟੋਰੈਸ ਦਾ ਧਮਾਕਾ, PSG ਨੇ ਰਚਿਆ ਇਤਿਹਾਸ; ਬਾਰਸੀਲੋਨਾ ਦੀ ਵੀ ਵੱਡੀ ਜਿੱਤ

ਜਾਗਰਣ ਨਿਊਜ਼ ਨੈੱਟਵਰਕ, ਨਵੀਂ ਦਿੱਲੀ : ਫੀਫਾ ਵਿਸ਼ਵ ਕੱਪ ਫਾਈਨਲ 2026 ਦੇ ਹੀਰੋ ਫੈਰਾਨ ਟੋਰੈਸ ਨੇ ਪੈਰਿਸ ਜਰਮੇਨ (ਪੀਐੱਸਜੀ) ਲਈ ਆਪਣੇ ਪਹਿਲੇ ਹੀ ਚੈਂਪੀਅਨਜ਼ ਲੀਗ ਮੈਚ ’ਚ ਹੈਟ੍ਰਿਕ ਲਾਉਂਦੇ ਹੋਏ ਇਤਿਹਾਸ ਰਚ ਦਿੱਤਾ, ਉਹ ਅਜਿਹਾ ਕਰਨ ਵਾਲਾ ਪਹਿਲਾ ਪੀਐੱਸਜੀ ਖਿਡਾਰੀ ਹੈ। ਇਸੇ ਸਾਲ ਪੰਜ ਸਾਲ ਦੇ ਕਰਾਰ ’ਤੇ ਪੈਰਿਸ ਆਏ ਟੇਰੈਸ ਨੇ ਤਿੰਨ ਗੋਲਾਂ ਦੀ ਮਦਦ ਨਾਲ ਪੀਐੱਸਜੀ ਨੇ ਸਲੋਵਾਕੀਆ ਦੇ ਕਲੱਬ ਸਲੋਵਾਨ ਬ੍ਰਾਤੀਸਲਾਵਾ ਨੂੰ 6-1 ਨਾਲ ਹਰਾਇਆ। ਹੋਰਨਾਂ ਮੈਚਾਂ ’ਚ ਬਾਰਸੀਲੋਨਾ ਨੇ ਨੀਦਰਲੈਂਡ ਦੇ ਫੇਯੇਨੂਰਡ ਨੂੰ 5-1 ਨਾਲ, ਆਰਸੇਨਲ ਨੇ ਇਟਲੀ ਦੇ ਨਾਪੋਲੀ ਨੂੰ 1-0 ਨਾਲ, ਲਿਵਰਪੂਲ ਨੇ ਸਪੇਨ ਦੇ ਐਟਲੈਟਿਕੋ ਮੈਡ੍ਰਿਡ ਨੂੰ 2-1 ਨਾਲ, ਜਰਮਨੀ ਦੇ ਸਟੁਟਗਾਰਟ ਨੇ ਨਾਰਵੇ ਦੇ ਵਾਈਕਿੰਗ ਨੂੰ 3-1 ਨਾਲ ਤੇ ਪੁਰਤਗਾਲ ਦੇ ਸਪੋਰਟਿੰਗ ਕਲੱਬ ਨੇ ਤੁਰਕੀਏ ਦੇ ਗਲਾਟਸਰਾਏ ਨੂੰ 3-1 ਨਾਲ ਹਰਾਇਆ।

ਸਾਬਕਾ ਜੇਤੂ ਪੀਐੱਸਜੀ ਦੀ ਵੱਡੀ ਜਿੱਤ ’ਚ ਓਸਮਾਨ ਡੇਂਬੇਲੇ ਨੇ ਵੀ ਦੋ ਗੋਲ ਕੀਤੇ, ਜਦਕਿ ਇਕ ਗੋਲ ਫੈਬੀਅਨ ਰੂਈਜ਼ ਦੇ ਖਾਤੇ ’ਚ ਗਿਆ। ਡੇਂਬੇਲੇ ਨੇ ਮੈਚ ’ਚ ਦੋ ਗੋਲ ਕਰਨ ਨਾਲ ਟੋਰੈਸ ਨੂੰ ਦੋ ਗੋਲ ਕਰਨ ’ਚ ਮਦਦ ਵੀ ਕੀਤੀ। ਦੂਜੇ ਪਾਸੇ, ਬਾਰਸੀਲੋਨਾ ਦੇ ਮੈਚ ’ਚ ਰਫਿਨਹਾ ਇਕ ਵਾਰ ਫਿਰ ਹੀਰੋ ਬਣਿਆ, ਜਦੋਂ ਉਸਨੇ ਫੇਯੇਨੂਰਡ ਵਿਰੁੱਧ ਦੋ ਗੋਲ ਕੀਤੇ। ਲਾਮਿਨੇ ਯਮਾਲ ਨੇ ਮੈਚ ’ਚ ਇਕ ਗੋਲ ਕਰਨ ਦੇ ਨਾਲ ਹੀ ਦੋ ਗੋਲ ਕਰਨ ’ਚ ਮਦਦ ਕੀਤੀ, ਜਦਕਿ ਕਰੀਮ ਅਦਯੇਮੀ ਤੇ ਗੈਬ੍ਰੀਏਲ ਜੇਸੁਸ ਵੀ ਗੋਲ ਕਰਨ ’ਚ ਸਫਲ ਰਿਹਾ।