ਐਲਾਵੇਨਿਲ ਵਲਾਰੀਵਨ ਨੇ ਜਿੱਤੇ ਦੋ ਸਿਲਵਰ ਮੈਡਲ, ਕਿਹਾ- "ਸ਼ਾਂਤ ਰਹਿਣਾ, ਸਬਰ ਤੇ ਸੰਤੁਸ਼ਟੀ ਹੀ ਮੇਰੀ ਸਫਲਤਾ ਦਾ ਮੰਤਰ"

ਮੈਡਲ ਪੱਕਾ ਹੋਇਆ ਤਾਂ ਦਬਾਅ ਘੱਟ ਹੋਇਆ : ਐਲਾਵੇਨਿਲ ਨੇ ਕਿਹਾ ਕਿ ਮੈਂ ਥੋੜ੍ਹੀ ਰਿਲੈਕਸ ਹੋ ਗਈ ਸੀ। ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਫਾਈਨਲ ’ਚ ਥੋੜ੍ਹਾ ਹੋਰ ਕੰਮ ਕਰਨ ਦੀ ਲੋੜ ਹੈ। ਉਸਨੇ ਕਿਹਾ ਕਿ ਮੈਨੂੰ ਪਤਾ ਸੀ ਕਿ ਮੈਂ ਟਾਪ ਤਿੰਨ ’ਚ ਹਾਂ। ਹਾਲਾਂਕਿ, ਮੈਂ ਆਪਣਾ ਧਿਆਨ ਮੁੜ ਤੋਂ ਪ੍ਰਕਿਰਿਆ ਤੇ ਆਪਣੀ ਤਕੀਨਕ ’ਤੇ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਪਰ ਮੈਂ ਥੋੜ੍ਹੀ ਰਿਲੈਕਸ ਹੋ ਗਈ। ਉਸਨੇ ਕਿਹਾ ਕਿ ਜਿਵੇਂ ਹੀ ਮੈਡਲ ਪੱਕਾ ਹੋਇਆ ਤਾਂ ਦਬਾਅ ਘੱਟ ਹੋ ਗਿਆ। ਇਸ ਤੋਂ ਬਾਅਦ ਮੈਂ ਆਪਣੀ ਪ੍ਰਕਿਰਿਆ ਨੂੰ ਲੈ ਕੇ ਥੋੜ੍ਹੀ ਢਿੱਲੀ ਪੈ ਗਈ। ਸ਼ਾਇਦ ਇਹੀ ਸਵੀਕਾਰਤਾ ਦੱਸਦੀ ਹੈ ਕਿ ਉਹ ਅਜਿਹੇ ਨਤੀਜੇ ਨਾਲ ਵੀ ਸਹਿਜ ਕਿਉਂ ਸੀ, ਜਿਸ ਨੂੰ ਕਈ ਖਿਡਾਰੀਆਂ ਲਈ ਸਵੀਕਾਰ ਕਰਨਾ ਥੋੜ੍ਹਾ ਮੁਸ਼ਕਲ ਹੁੰਦਾ। ਉਸਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਮੈਂ ਆਪਣਾ ਸਰਬੋਤਮ ਦਿੱਤਾ। ਮੈਨੂੰ ਲੱਗਦਾ ਹੈ ਕਿ ਇਹ ਪੂਰੀ ਪ੍ਰਕਿਰਿਆ ਸਿੱਖਣ ਦੀ ਹੈ। ਐਤਵਾਰ ਦਾ ਸਿਲਵਰ ਮੈਡਲ ਮੁੱਖ ਏਸ਼ਿਆਈ ਮੁਕਾਬਲੇਬਾਜ਼ੀਆਂ ’ਚ ਉਸਦਾ ਲਗਾਤਾਰ ਤੀਜਾ ਨਿੱਜੀ ਸਿਲਵਰ ਸੀ। ਇਸ ਤੋਂ ਪਹਿਲਾਂ ਉਹ ਸ਼ਿਮਕੈਂਟ ਤੇ ਦਿੱਲੀ ’ਚ ਏਸ਼ਿਆਈ ਚੈਂਪੀਅਨਸ਼ਿਪ ’ਚ ਵੀ ਪੋਡੀਅਮ ’ਤੇ ਪੁੱਜੀ ਸੀ। ਹਾਲਾਂਕਿ, ਇਕ ਵਾਰ ਫਿਰ ਮਾਮੂਲੀ ਫਰਕ ਨਾਲ ਗੋਲਡ ਤੋਂ ਖੁੰਝਣ ’ਤੇ ਧਿਆਨ ਦੇਣ ਦੀ ਬਜਾਏ ਐਲਾਵੇਨਿਲ ਪਹਿਲਾਂ ਹੀ ਇਕ ਬੇਹੱਦ ਸਾਧਾਰਣ ਚੀਜ਼ ਦੇ ਸਬੰਧ ’ਚ ਸੋਚ ਰਹੀ ਹੈ।