ਸਮਾਪਨ ਸਮਾਰੋਹ 'ਚ ਤਿਰੰਗਾ ਲਹਿਰਾਏਗੀ ਨੀਰੂ ਢਾਂਡਾ: 3 ਤਮਗ਼ੇ ਜਿੱਤਣ ਤੋਂ ਬਾਅਦ ਮਿਲਿਆ ਭਾਰਤੀ ਦਲ ਦੀ ਅਗਵਾਈ ਦਾ ਮਾਣ

ਪੀ.ਟੀ.ਆਈ., ਨਾਗੋਆ : ਟ੍ਰੈਪ ਨਿਸ਼ਾਨੇਬਾਜ਼ ਨੀਰੂ ਢਾਂਡਾ ਐਤਵਾਰ ਨੂੰ ਏਸ਼ੀਆਈ ਖੇਡਾਂ ਦੇ ਸਮਾਪਨ ਸਮਾਰੋਹ ਵਿੱਚ ਭਾਰਤ ਦੀ ਝੰਡਾਬਰਦਾਰ ਹੋਵੇਗੀ। ਨੀਰੂ ਨੇ ਏਸ਼ੀਆਈ ਖੇਡਾਂ ਵਿੱਚ ਦੋ ਸੋਨ ਤਮਗ਼ੇ ਤੇ ਇਕ ਚਾਂਦੀ ਦਾ ਤਮਗ਼ਾ ਜਿੱਤ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। 27 ਸਾਲਾ ਨੀਰੂ ਏਸ਼ੀਆਈ ਖੇਡਾਂ ਵਿੱਚ ਆਪਣਾ ਤੀਜਾ ਤਮਗ਼ਾ ਜਿੱਤਣ ਤੋਂ ਇੱਕ ਦਿਨ ਬਾਅਦ ਭਾਰਤ ਵਾਪਸ ਪਰਤ ਆਈ ਸੀ।

ਹੁਣ ਉਹ ਸਮਾਪਨ ਸਮਾਰੋਹ ਵਿੱਚ ਭਾਰਤੀ ਦਲ ਦੀ ਅਗਵਾਈ ਕਰਨ ਲਈ ਸ਼ਨੀਵਾਰ ਸਵੇਰੇ ਨਾਗੋਆ ਵਾਪਸ ਜਾਵੇਗੀ। ਖੇਡਾਂ ਵਿੱਚ ਭਾਰਤੀ ਅਭਿਆਨ ਦੀ ਉਪ ਪ੍ਰਮੁੱਖ ਅੰਜਲੀ ਭਾਗਵਤ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਨੀਰੂ ਸਮਾਪਨ ਸਮਾਰੋਹ ਵਿੱਚ ਮਹਿਲਾ ਝੰਡਾਦਰਬਾਰ ਹੋਵੇਗੀ। ਉਹ ਸ਼ਨੀਵਾਰ ਸਵੇਰੇ ਨਾਗੋਆ ਪਰਤ ਰਹੀ ਹੈ।

ਪੁਰਸ਼ ਝੰਡਾਦਰਬਾਰ ਬਾਰੇ ਫ਼ੈਸਲਾ ਸ਼ਨੀਵਾਰ ਕੀਤਾ ਜਾਵੇਗਾ। ਨੀਰੂ ਨੇ ਮਹਿਲਾਵਾਂ ਦੀ ਵਿਅਕਤੀਗਤ ਟ੍ਰੈਪ ਖੇਡ ਵਿੱਚ ਸੋਨ ਤਮਗ਼ਾ ਜਿੱਤਣ ਤੋਂ ਬਾਅਦ ਮਨੀਸ਼ਾ ਕੀਰ ਅਤੇ ਆਸ਼ਿਮਾ ਅਹਲਾਵਤ ਨਾਲ ਮਿਲ ਕੇ ਮਹਿਲਾਵਾਂ ਦੀ ਟੀਮ ਖੇਡ ਵਿੱਚ ਚਾਂਦੀ ਦਾ ਤਮਗ਼ਾ ਹਾਸਲ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਾਇਨਨ ਚੇਨਾਹੀ ਨਾਲ ਜੋੜੀ ਬਣਾ ਕੇ ਟ੍ਰੈਪ ਮਿਕਸਡ ਟੀਮ ਵਿੱਚ ਸੋਨ ਤਮਗ਼ਾ ਜਿੱਤਿਆ।