ਏਸ਼ੀਆਈ ਖੇਡਾਂ 'ਚ ਸਹੂਲਤਾਂ ਦੀ ਘਾਟ 'ਤੇ ACC ਮੀਟਿੰਗ 'ਚ ਨਾਰਾਜ਼ਗੀ, BCCI ਨਹੀਂ ਭੇਜੇਗਾ 'B' ਟੀਮ

ਏਸੀਸੀ ਦੀ ਮੀਟਿੰਗ ’ਚ ਸ਼ਾਮਲ ਹੋਏ ਇੱਕ ਮੈਂਬਰ ਨੇ ਕਿਹਾ ਕਿ ਕੋਈ ਵੀ ਬੋਰਡ ਆਪਣੀ ਟੀਮ ’ਚ ਬਦਲਾਅ ਨਹੀਂ ਕਰੇਗਾ। ਬੀਸੀਸੀਆਈ ਨੇ ਵੀ ਬੀ ਟੀਮ ਭੇਜਣ ਨੂੰ ਲੈ ਕੇ ਮੀਟਿੰਗ ’ਚ ਕੁਝ ਨਹੀਂ ਕਿਹਾ, ਜੇਕਰ ਟੀਮ ’ਚ ਸ਼ਾਮਲ ਕਿਸੇ ਖਿਡਾਰੀ ਦੇ ਫਿਟਨੈੱਸ ਨਾਲ ਜੁੜੇ ਕਾਰਨਾਂ ਕਰ ਕੇ ਬਾਹਰ ਹੋਣ ਦੀ ਸਥਿਤੀ ਹੁੰਦੀ ਹੈ ਤਾਂ ਪਹਿਲਾਂ ਤੋਂ ਐਲਾਨੇ ਗਏ ਰਿਜ਼ਰਵ ਖਿਡਾਰੀਆਂ ’ਚੋਂ ਕਿਸੇ ਇਕ ਨੂੰ ਟੀਮ ’ਚ ਉਸ ਦੀ ਥਾਂ ’ਤੇ ਸ਼ਾਮਲ ਕੀਤਾ ਜਾਵੇਗਾ। ਦਰਅਸਲ, ਏਸ਼ੀਅਨ ਖੇਡਾਂ ਲਈ ਟੀਮਾਂ ਨੂੰ ਪਹਿਲਾਂ ਹੀ ਰਿਜ਼ਰਵ ਖਿਡਾਰੀਆਂ ਦੇ ਨਾਂ ਦੇਣੇ ਪੈਂਦੇ ਹਨ। ਇਸ ਲਈ ਜੇਕਰ ਕੋਈ ਖਿਡਾਰੀ ਉਪਲਬਧ ਨਹੀਂ ਹੁੰਦਾ ਤਾਂ ਨਵਾਂ ਨਾਂ ਜੋੜਨ ਦੀ ਬਜਾਏ ਉਸੇ ਰਿਜ਼ਰਵ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਜਾਂਦਾ ਹੈ। ਅਜਿਹੀ ਸਥਿਤੀ ’ਚ ਬੀਸੀਸੀਆਈ ਜਾਂ ਕਿਸੇ ਹੋਰ ਏਸ਼ਿਆਈ ਬੋਰਡ ਕੋਲ ‘ਬੀ ਟੀਮ’ ਭੇਜਣ ਦੀ ਕੋਈ ਗੁੰਜਾਇਸ਼ ਨਹੀਂ ਹੈ। ਏਸੀਸੀ ਦੀ ਮੀਟਿੰਗ ’ਚ ਮੁੱਖ ਚਰਚਾ ਜਾਪਾਨ ’ਚ ਕ੍ਰਿਕਟ ਮੈਚਾਂ ਲਈ ਪ੍ਰਬੰਧਾਂ ਤੇ ਸਹੂਲਤਾਂ ਬਾਰੇ ਸੀ। ਏਸੀਸੀ ਦੇ ਚੇਅਰਮੈਨ ਤੇ ਪਾਕਿਸਤਾਨ ਕ੍ਰਿਕਟ ਬੋਰਡ ਦੇ ਚੇਅਰਮੈਨ ਮੋਹਸਿਨ ਨਕਵੀ ਨੇ ਸਾਰੇ ਟੈਸਟ ਖੇਡਣ ਵਾਲੇ ਦੇਸ਼ਾਂ ਨੂੰ ਕਿਹਾ ਹੈ ਕਿ ਉਹ ਆਪਣੇ ਨੁਮਾਇੰਦਿਆਂ ਨੂੰ ਜਾਪਾਨ ਭੇਜਣ ਲਈ ਉੱਥੇ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲੈਣ। ਏਸੀਸੀ ਨੇ ਆਪਣਾ ਇੱਕ ਪ੍ਰਤੀਨਿਧੀ ਜਾਪਾਨ ਵੀ ਭੇਜਿਆ ਹੈ।