- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
CWG 2026: ਪਿਤਾ ਤੋਂ ਅੱਗੇ ਨਿਕਲਿਆ ਪੁੱਤਰ, ਗਲਾਸਗੋ ’ਚ ਬਦਲਿਆ ਮੈਡਲ ਦਾ ਰੰਗ; 16 ਸਾਲ ਬਾਅਦ ਮਨਾਇਆ ਇਤਿਹਾਸਕ ਜਸ਼ਨ
ਪੁੱਤਰ ਜਦੋਂ ਆਪਣੇ ਪਿਤਾ ਤੋਂ ਅੱਗੇ ਨਿਕਲ ਜਾਵੇ ਤਾਂ ਪਿਤਾ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਹੁੰਦਾ। ਅਜਿਹਾ ਹੀ ਹਾਲ ਇਸ ਸਮੇਂ ਵਲੂਰੀ ਸ਼੍ਰੀਨਿਵਾਸਾ ਦਾ ਹੈ ਕਿਉਂਕਿ ਉਨ੍ਹਾਂ ਦਾ ਪੁੱਤਰ ਉਨ੍ਹਾਂ ਤੋਂ ਅੱਗੇ ਨਿਕਲ ਗਿਆ ਹੈ। ਗਲਾਸਗੋ ਵਿੱਚ ਖੇਡੇ ਜਾ ਰਹੇ ਕਾਮਨਵੈਲਥ ਗੇਮਜ਼-2026 ਵਿੱਚ ਵਲੂਰੀ ਅਜਯਾ ਬਾਬੂ ਨੇ 79 ਕਿਲੋਗ੍ਰਾਮ ਵੇਟਲਿਫਟਿੰਗ ਵਿੱਚ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ ਹੈ।
Posted By Anuradha Bains
Publish Date: Tue, 28 Jul 2026 10:35 AM (IST)
Updated Date: Tue, 28 Jul 2026 10:37 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਪੁੱਤਰ ਜਦੋਂ ਆਪਣੇ ਪਿਤਾ ਤੋਂ ਅੱਗੇ ਨਿਕਲ ਜਾਵੇ ਤਾਂ ਪਿਤਾ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਹੁੰਦਾ। ਅਜਿਹਾ ਹੀ ਹਾਲ ਇਸ ਸਮੇਂ ਵਲੂਰੀ ਸ਼੍ਰੀਨਿਵਾਸਾ ਦਾ ਹੈ ਕਿਉਂਕਿ ਉਨ੍ਹਾਂ ਦਾ ਪੁੱਤਰ ਉਨ੍ਹਾਂ ਤੋਂ ਅੱਗੇ ਨਿਕਲ ਗਿਆ ਹੈ। ਗਲਾਸਗੋ ਵਿੱਚ ਖੇਡੇ ਜਾ ਰਹੇ ਕਾਮਨਵੈਲਥ ਗੇਮਜ਼-2026 ਵਿੱਚ ਵਲੂਰੀ ਅਜਯਾ ਬਾਬੂ ਨੇ 79 ਕਿਲੋਗ੍ਰਾਮ ਵੇਟਲਿਫਟਿੰਗ ਵਿੱਚ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ ਹੈ।
21 ਸਾਲ ਦੇ ਅਜਯਾ ਬਾਬੂ ਨੇ ਕੁੱਲ 330 ਕਿਲੋਗ੍ਰਾਮ ਭਾਰ ਚੁੱਕਦਿਆਂ ਇਹ ਤਗ਼ਮਾ ਆਪਣੇ ਨਾਮ ਕੀਤਾ। ਉਨ੍ਹਾਂ ਨੇ ਸਨੈਚ ’ਚ 149 ਕਿਲੋਗ੍ਰਾਮ ਅਤੇ ਕਲੀਨ ਐਂਡ ਜਰਕ ’ਚ 181 ਕਿਲੋਗ੍ਰਾਮ ਦਾ ਭਾਰ ਚੁੱਕਦਿਆਂ ਦੂਜਾ ਸਥਾਨ ਹਾਸਲ ਕੀਤਾ। ਉਹ ਮਲੇਸ਼ੀਆ ਦੇ ਏਲੀ ਹਿਦਾਇਤ ਤੋਂ ਸਿਰਫ਼ ਇੱਕ ਕਿਲੋਗ੍ਰਾਮ ਨਾਲ ਗੋਲਡ ਮੈਡਲ ਤੋਂ ਖੁੰਝ ਗਏ। ਇੰਗਲੈਂਡ ਦੇ ਕ੍ਰਿਸ ਮਰੇ ਨੇ 325 ਕਿਲੋਗ੍ਰਾਮ ਨਾਲ ਬ੍ਰਾਂਜ਼ ਮੈਡਲ ਜਿੱਤਿਆ।
ਪਿਤਾ ਨੇ ਜਿੱਤਿਆ ਸੀ ਬ੍ਰਾਂਜ਼
ਉਨ੍ਹਾਂ ਦੇ ਪਿਤਾ ਸ਼੍ਰੀਨਿਵਾਸਾ ਨੇ ਸਾਲ 2010 ਵਿੱਚ ਭਾਰਤ ਵਿੱਚ ਆਯੋਜਿਤ ਕਾਮਨਵੈਲਥ ਗੇਮਜ਼ ਵਿੱਚ 56 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਬ੍ਰਾਂਜ਼ ਮੈਡਲ ਆਪਣੇ ਨਾਮ ਕੀਤਾ ਸੀ। 16 ਸਾਲ ਬਾਅਦ ਉਨ੍ਹਾਂ ਦੇ ਪੁੱਤਰ ਨੇ ਇੱਕ ਕਦਮ ਅੱਗੇ ਵਧਾਉਂਦਿਆਂ ਮੈਡਲ ਦਾ ਰੰਗ ਬਦਲ ਕੇ ਚਾਂਦੀ ਕਰ ਦਿੱਤਾ। ਇਹ ਭਾਰਤ ਦਾ ਇਨ੍ਹਾਂ ਖੇਡਾਂ ਵਿੱਚ ਛੇਵਾਂ ਸਿਲਵਰ ਮੈਡਲ ਹੈ ਪਰ ਅਜਯਾ ਲਈ ਇਹ ਕਾਫੀ ਮਾਇਨੇ ਰੱਖਦਾ ਹੈ। ਉਹ ਆਂਧਰਾ ਪ੍ਰਦੇਸ਼ ਦੇ ਵਿਜੀਨਾਗਰਮ ਜ਼ਿਲ੍ਹੇ ਦੇ ਕੋਂਡਾਵਾਲੇਗਾਡਾ ਨਾਮ ਦੇ ਪਿੰਡ ਤੋਂ ਆਉਂਦੇ ਹਨ। ਇਸ ਪਿੰਡ ਨੂੰ ਵੇਟਲਿਫਟਿੰਗ ਲਈ ਜਾਣਿਆ ਜਾਂਦਾ ਹੈ।
ਇਸ ਪਿੰਡ ਨੇ ਦੇਸ਼ ਨੂੰ ਕਈ ਸਾਰੇ ਵੇਟਲਿਫਟਰ ਦਿੱਤੇ ਹਨ ਜੋ ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਪੱਧਰ 'ਤੇ ਜੰਮ ਕੇ ਨਾਮ ਕਮਾ ਰਹੇ ਹਨ। ਹੁਣ ਅਜਯਾ ਨੇ ਆਪਣੇ ਪਿੰਡ ਦਾ ਨਾਮ ਹੋਰ ਮਸ਼ਹੂਰ ਕਰ ਦਿੱਤਾ ਹੈ।
ਇਨ੍ਹਾਂ ਲੋਕਾਂ ਨੇ ਜਿੱਤਿਆ ਮੈਡਲ
ਗਲਾਸਗੋ ਵਿੱਚ ਭਾਰਤੀ ਵੇਟਲਿਫਟਰਾਂ ਨੇ ਅਜੇ ਤੱਕ ਕਮਾਲ ਦਾ ਪ੍ਰਦਰਸ਼ਨ ਕੀਤਾ ਹੈ। ਮੀਰਾਬਾਈ ਚਾਨੂ ਨੇ ਉਮੀਦ ਮੁਤਾਬਕ ਗੋਡਲ ਜਿੱਤਿਆ। ਉਨ੍ਹਾਂ ਤੋਂ ਇਲਾਵਾ ਚਾਰ ਨੇ ਭਾਰਤ ਨੂੰ ਸਿਲਵਰ ਮੈਡਲ ਦਿਵਾਏ ਹਨ ਤਾਂ ਉੱਥੇ ਹੀ ਇੱਕ ਨੇ ਬ੍ਰਾਂਜ਼ ਮੈਡਲ ਜਿੱਤਿਆ ਹੈ।
ਇਨ੍ਹਾਂ ਵੇਟਲਿਫਟਰਾਂ ਨੇ ਜਿੱਤੇ ਮੈਡਲ
ਮੀਰਾਬਾਈ ਚਾਨੂ — ਗੋਲਡ (ਮਹਿਲਾਵਾਂ ਦਾ 48kg)
ਵਲੂਰੀ ਅਜਯ ਅਜਯਾ ਬਾਬੂ — ਸਿਲਵਰ (ਪੁਰਸ਼ਾਂ ਦਾ 79kg)
ਗਿਆਨੇਸ਼ਵਰੀ ਯਾਦਵ — ਸਿਲਵਰ (ਮਹਿਲਾਵਾਂ ਦਾ 53kg)
ਚਾਨੰਬਮ ਰਿਸ਼ੀਕੰਤ ਸਿੰਘ — ਸਿਲਵਰ (ਪੁਰਸ਼ਾਂ ਦਾ 60kg)
ਮੁਥੁਪੰਡੀ ਰਾਜਾ — ਸਿਲਵਰ (ਪੁਰਸ਼ਾਂ ਦਾ 65kg)
ਬਿੰਦੀਆਰਾਣੀ ਦੇਵੀ — ਬ੍ਰਾਂਜ਼ (ਮਹਿਲਾਵਾਂ ਦਾ 58kg)