ਚਾਈਨਾ ਓਪਨ : ਦੁਨੀਆ ਦੀ 34ਵੇਂ ਨੰਬਰ ਦੀ ਖਿਡਾਰਨ ਤੋਂ ਹਾਰੀ ਨੰਬਰ 2 ਸਬਾਲੇਂਕਾ, ਟੂਰਨਾਮੈਂਟ ਤੋਂ ਬਾਹਰ

ਟੈਨਿਸ ਡਾਇਰੀ, ਬੀਜਿੰਗ, ਏਪੀ: ਵਿਸ਼ਵ ਦੀ ਦੂਜੇ ਨੰਬਰ ਦੀ ਖਿਡਾਰਨ ਅਰਿਨਾ ਸਬਾਲੇਂਕਾ ਨੂੰ ਚਾਈਨਾ ਓਪਨ ਦੇ ਤੀਜੇ ਦੌਰ ’ਚ ਐਤਵਾਰ ਨੂੰ ਚੈੱਕ ਗਣਰਾਜ ਦੀ ਨਿਕੋਲਾ ਬਾਰਤੁਨਕੋਵਾ ਨੇ ਸਿੱਧੇ ਸੈੱਟਾਂ ’ਚ ਹਰਾ ਕੇ ਟੂਰਨਾਮੈਂਟ ’ਚੋਂ ਬਾਹਰ ਕਰ ਦਿੱਤਾ। ਵਿਸ਼ਵ ਰੈਂਕਿੰਗ 'ਚ 34ਵੇਂ ਸਥਾਨ 'ਤੇ ਕਾਬਜ਼ ਬਾਰਤੁਨਕੋਵਾ ਨੇ ਚਾਰ ਵਾਰ ਦੀ ਗ੍ਰੈਂਡ ਸਲੈਮ ਚੈਂਪੀਅਨ ਸਬਲੇਨਕਾ ਨੂੰ ਕਰੀਬ ਡੇਢ ਘੰਟੇ 'ਚ 6-4, 6-3 ਨਾਲ ਹਰਾਇਆ। ਇਸ ਨਾਲ ਦੋਵੇਂ ਚੋਟੀ ਦਾ ਦਰਜਾ ਪ੍ਰਾਪਤ ਖਿਡਾਰੀ ਟੂਰਨਾਮੈਂਟ ਦੇ ਪਹਿਲੇ ਹੀ ਹਫਤੇ ਬਾਹਰ ਹੋ ਗਏ। ਹਾਲ ਹੀ ’ਚ ਦੁਨੀਆ ਦੀ ਨੰਬਰ ਇਕ ਖਿਡਾਰਨ ਬਣੀ ਏਲੇਨਾ ਰਿਬਾਕੀਨਾ ਸ਼ਨੀਵਾਰ ਨੂੰ ਹੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਸੀ ਤੇ ਹੁਣ ਸਬਾਲੇਂਕਾ ਦੇ ਬਾਹਰ ਹੋਣ ਨਾਲ ਦੋਵੇਂ ਚੋਟੀ ਦਰਜਾ ਪ੍ਰਾਪਤ ਖਿਡਾਰਨਾਂ ਬੀਜਿੰਗ 'ਚ ਚੱਲ ਰਹੇ ਡਬਲਯੂਟੀਏ-1000 ਮੁਕਾਬਲੇ ਤੋਂ ਹਟ ਗਈਆਂ ਹਨ। ਪਿਛਲੇ ਮਹੀਨੇ ਯੂਐੱਸ ਓਪਨ ’ਚ ਰਾਇਬਾਕਿਨਾ ਦੇ ਹੱਥੋਂ ਖ਼ਿਤਾਬ ਦੀ ਹੈਟ੍ਰਿਕ ਬਣਾਉਣ ਤੋਂ ਖੁੰਝਣ ਵਾਲੀ ਸਬਾਲੇਂਕਾ ਪਹਿਲੇ ਸੈੱਟ ’ਚ ਪੰਜ ਬਰੇਕ ਪੁਆਇੰਟਾਂ ਤੋਂ ਖੁੰਝ ਗਈ। ਬੀਜਿੰਗ ’ਚ ਉਸ ਦਾ ਸੰਘਰਸ਼ ਜਾਰੀ ਰਿਹਾ। ਬੇਲਾਰੂਸ ਦੀ 28 ਸਾਲਾ ਖਿਡਾਰਨ ਇਸ ਟੂਰਨਾਮੈਂਟ ’ਚ ਕਦੇ ਵੀ ਕੁਆਰਟਰ ਫਾਈਨਲ ਤੋਂ ਅੱਗੇ ਨਹੀਂ ਵਧ ਸਕੀ। ਹੁਣ ਬਾਰਤੁਨਕੋਵਾ ਦਾ ਸਾਹਮਣਾ ਆਸਟ੍ਰੀਆ ਦੀ 24 ਸਾਲਾ ਸਿੰਜਾ ਕਰਾਸ ਨਾਲ ਹੋਵੇਗਾ, ਜਿਸ ਨੇ ਇਸ ਤੋਂ ਪਹਿਲਾਂ ਦਯਾਨਾ ਯਾਸਟਰੇਮਸਕਾ ਨੂੰ 6-1, 6-4 ਨਾਲ ਹਰਾਇਆ ਸੀ।