ਚੈਂਪੀਅਨਜ਼ ਲੀਗ : ਰੀਅਲ ਮੈਡ੍ਰਿਡ ਤੇ ਮਾਨਚੈਸਟਰ ਸਿਟੀ ਦੀ ਜੇਤੂ ਸ਼ੁਰੂਆਤ, ਡਾਰਟਮੰਡ ਤੇ ਰੀਅਲ ਬੇਟੀਸ ਨੇ ਵੀ ਦਰਜ ਕੀਤੀ ਜਿੱਤ

ਇੰਟਰ ਦੀ ਟੀਮ ਨੇ ਮੈਡ੍ਰਿਡ ਦੇ ਖ਼ਿਲਾਫ਼ ਨਾ ਸਿਰਫ ਖੂਬਸੂਰਤ ਤੇ ਆਦਰਸ਼ ਫੁੱਟਬਾਲ ਖੇਡੀ, ਸਗੋਂ ਉਹ ਖੇਡ ਵਿਚ ਜ਼ਿਆਦਾ ਹਮਲਾਵਰ ਵੀ ਰਹੇ, ਪਰ ਉਨ੍ਹਾਂ ਦੀ ਟੀਮ ਤੋਂ ਦੋ ਵੱਡੀਆਂ ਗਲਤੀਆਂ ਹੋਈਆਂ ਅਤੇ ਰੀਅਲ ਦੇ ਚੁਸਤ ਖਿਡਾਰੀਆਂ ਨੇ ਇਨ੍ਹਾਂ ਦੋਵਾਂ ਗਲਤੀਆਂ ਦਾ ਪੂਰਾ ਫਾਇਦਾ ਚੁੱਕਿਆ। ਮੈਚ ਦੇ 14ਵੇਂ ਮਿੰਟ ਵਿਚ ਇੰਟਰ ਦੇ ਡਿਫੈਂਡਰ ਨੇ ਆਪਣੇ ਹੀ ਹਾਫ ਵਿਚ ਗੇਂਦ ਛੱਡ ਦਿੱਤੀ ਅਤੇ ਬ੍ਰਾਹਿਮ ਡਿਯਾਜ਼ ਨੇ ਇਸਨੂੰ ਐਮਬਾਪੇ ਦੇ ਰਸਤੇ ਵਿਚ ਪਾ ਦਿੱਤਾ, ਜਿਸਨੇ ਅੱਗੇ ਆ ਰਹੇ ਇੰਟਰ ਦੇ ਗੋਲਕੀਪਰ ਜੋਸੇਪ ਮਾਰਟਿਨੇਜ਼ ਨੂੰ ਚਕਮਾ ਦਿੰਦਿਆਂ ਗੇਂਦ ਨੂੰ ਗੋਲ ਵਿਚ ਪਾ ਦਿੱਤਾ। ਮੈਚ ਦੇ 23ਵੇਂ ਮਿੰਟ ਵਿਚ ਮਾਰਟਿਨੇਜ਼ ਤੋਂ ਇਕ ਵੱਡੀ ਭੁੱਲ ਹੋਈ ਜਦੋਂ ਉਨ੍ਹਾਂ ਨੇ ਆਪਣੇ ਕੋਲ ਆਈ ਗੇਂਦ 'ਤੇ ਜ਼ੋਰ ਨਾਲ ਵਲਵਰਦੇ ਨੂੰ ਚਕਮਾ ਦੇਣ ਦੀ ਕੋਸ਼ਿਸ਼ ਕੀਤੀ, ਪਰ ਵਲਵੇਰਦੇ ਨੇ ਗੇਂਦ ਉਨ੍ਹਾਂ ਦੇ ਪੈਰਾਂ ਤੋਂ ਖੋਹ ਕੇ ਗੋਲ ਵਿਚ ਪਾ ਦਿੱਤੀ। ਇੰਟਰ ਲਈ ਮੈਚ ਦਾ ਇਕੱਲਾ ਗੋਲ ਕਾਰਲੋਸ ਅਗੁਸਤੋ ਨੇ 77ਵੇਂ ਮਿੰਟ ਵਿਚ ਕੀਤਾ।