ਗੁਹਾਟੀ 'ਚ ਹੋਵੇਗੀ ਗੇਂਦਬਾਜ਼ਾਂ ਦੀ ਪ੍ਰੀਖਿਆ, ਵੈਸਟਇੰਡੀਜ਼ ਵਿਰੁੱਧ ਅਜੇਤੂ ਬੜ੍ਹਤ ਬਣਾਉਣ ਉਤਰੇਗੀ ਭਾਰਤੀ ਟੀਮ

ਜਸਪ੍ਰੀਤ ਬੁਮਰਾਹ ਏਸ਼ਿਆਈ ਖੇਡਾਂ ਦੀ ਡਿਊਟੀ ’ਤੇ ਹੈ ਤੇ ਹਾਰਦਿਕ ਪਾਂਡਿਆ ਨੂੰ ਹਾਲੇ ਫਿਟਨੈੱਸ ਮਨਜ਼ੂਰੀ ਨਹੀਂ ਮਿਲੀ। ਅਜਿਹੇ ’ਚ ਭਾਰਤ ਨੇ ਤਜਰਬੇਕਾਰ ਮੁਹੰਮਦ ਸਿਰਾਜ ਨੂੰ ਬਾਹਰ ਰੱਖ ਕੇ ਨਿਤੀਸ਼ ਕੁਮਾਰ ਰੈੱਡੀ ਨੂੰ ਨਵੀਂ ਗੇਂਦ ਸੌਂਪੀ। ਹਾਲਾਂਕਿ, ਇਹ ਐਕਸਪੈਰੀਮੈਂਟ ਪਹਿਲੇ ਮੈਚ ’ਚ ਸਫਲ ਨਹੀਂ ਰਿਹਾ। ਖੱਹਬੀ ਕੁਆਡ੍ਰੀਸੈਪਸ ਦੀ ਸੱਟ ਤੋਂ ਪਰਤਿਆ ਰੈੱਡੀ ਲੈਅ ਤੇ ਸਟੀਕਤਾ ਲਈ ਜੂਝਦਾ ਦਿਸਿਆ। ਉਸਨੇ ਨੋਬਾਲ ਕੀਤੀ, ਲੋੜ ਤੋਂ ਵੱਧ ਫੁੱਲ ਗੇਂਦਾਂ ਸੁੱਟੀਆਂ ਤੇ ਲੈੱਗ ਸਾਈਡ ’ਤੇ ਵੀ ਭਟਕਿਆ। ਉਸਦਾ ਇਕ ਓਵਰ ਸੱਤ ਗੇਂਦਾਂ ਦਾ ਹੋਇਆ, ਜਿਸ ਵਿਚ 18 ਦੌੜਾਂ ਖ਼ਰਚ ਹੋਈਆਂ। ਵੈਸਟਇੰਡੀਜ਼ ਦੇ ਜਸਟਿਸ ਗ੍ਰੀਵਸ ਨੇ ਇਸਦਾ ਫਾਇਦਾ ਲੈਂਦਿਆਂ 108 ਗੇਂਦਾਂ ’ਚ 101 ਦੌੜਾਂ ਦਾ ਪਹਿਲਾ ਵਨਡੇ ਸੈਂਕੜਾ ਲਗਾਇਆ। ਹੁਣ ਸਵਾਲ ਇਹ ਹੈ ਕਿ ਭਾਰਤ ਰੈੱਡੀ ਨੂੰ ਗੇਂਦਬਾਜ਼ੀ ’ਚ ਹੋਰ ਮੌਕੇ ਦੇਵੇਗਾ ਜਾਂ ਸਿਰਾਜ ਨੂੰ ਵਾਪਸ ਲਿਆਵੇਗਾ। ਗੇਂਦਬਾਜ਼ੀ ਕੋਚ ਮੋਰਨੇ ਮੋਰਕਲ ਰੈੱਡੀ ਨੂੰ ਭਵਿੱਖ ਦੇ ਆਲਰਾਊਂਡਰ ਦੇ ਤੌਰ ’ਤੇ ਵਿਕਸਿਤ ਕਰਨ ਦੇ ਪੱਖ ’ਚ ਹੈ। ਉਸਦਾ ਮੰਨਣਾ ਹੈ ਕਿ ਉਸ ਵਿਚ ਇਸ ਭੂਮਿਕਾ ਲਈ ਪੂਰੀ ਸਮਰੱਥਾ ਹੈ।