ਏਸ਼ੀਆਈ ਖੇਡਾਂ 'ਚ ਸੋਨ ਤਗ਼ਮਾ ਬਰਕਰਾਰ ਰੱਖਣ ਲਈ ਅਵਿਨਾਸ਼ ਸਾਬਲੇ ਪੂਰੇ ਉਤਸ਼ਾਹਿਤ, ਕਿਹਾ- 'ਫਿਟਨੈਸ ਲੈਵਲ ਪਹਿਲਾਂ ਵਾਂਗ ਹੀ ਬਹਿਤਰੀਨ'

ਸਾਬਲੇ ਨੇ ਪਿਛਲੇ ਕਈ ਮਹੀਨਿਆਂ ਤੋਂ ਊਟੀ ’ਚ ਉੱਚਾਈ 'ਤੇ ਸਿਖਲਾਈ ਲਈ ਫਿਰ ਕਰਨਾਟਕ ਦੇ ਬੇਲਾਰੀ ’ਚ ਇੰਸਪਾਇਰ ਇੰਸਟੀਚਿਊਟ ਆਫ਼ ਸਪੋਰਟਸ (ਆਈਆਈਐੱਸ) ਗਿਆ ਤੇ ਫਿਰ ਸਮਾਰਟ ਟ੍ਰੈਕ 'ਤੇ ਸੈਸ਼ਨ ਲਈ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ (ਐੱਸਏਆਈ) ਗਿਆ। ਹੁਣ ਉਸ ਨੇ ਕਿਹਾ ਕਿ ਏਸ਼ੀਅਨ ਖੇਡਾਂ 'ਚ ਮੇਰੇ ਈਵੈਂਟ 'ਚ 24 ਦਿਨ ਬਾਕੀ ਹਨ। ਮੇਰੀ ਤਿਆਰੀ ਬਹੁਤ ਵਧੀਆ ਹੈ। 2025 ’ਚ ਮੋਨਾਕੋ ਡਾਇਮੰਡ ਲੀਗ ਦੌਰਾਨ ਲੱਗੀ ਸੱਟ ਤੋਂ ਬਾਅਦ ਮੇਰੀ ਤਿਆਰੀ ’ਚ ਕਈ ਉਤਰਾਅ-ਚੜ੍ਹਾਅ ਆਏ ਪਰ ਹੁਣ ਮੈਂ ਪੂਰੀ ਤਰ੍ਹਾਂ ਤਿਆਰ ਹਾਂ। ਸੱਟ ਤੋਂ ਠੀਕ ਹੋਣ ਤੋਂ ਬਾਅਦ, ਸਾਬਲੇ ਨੇ ਬੈਲਜੀਅਮ ਦੇ ਓਰਡੇਗੇਮ ’ਚ ਆਈਐੱਫਏਐੱਮ ਆਊਟਡੋਰ ਵਰਲਡ ਐਥਲੈਟਿਕਸ ਕਾਂਟੀਨੈਂਟਲ ਟੂਰ ’ਚ ਸਿਰਫ 5000 ਮੀਟਰ ਦੀ ਦੌੜ ’ਚ ਹਿੱਸਾ ਲਿਆ ਹੈ, ਜਿਸ ਕਾਰਨ ਏਸ਼ਿਆਈ ਖੇਡਾਂ ਦੇ ਇਸ ਐਡੀਸ਼ਨ ’ਚ ਉਸ ਦੀ ਭਾਗੀਦਾਰੀ ਅਜੇ ਵੀ ਸ਼ੱਕੀ ਹੈ। ਹਾਲਾਂਕਿ ਸਾਬਲੇ ਨੇ ਇਸ ਨੂੰ ਕੋਈ ਰੁਕਾਵਟ ਨਹੀਂ ਮੰਨਿਆ।