Asian Games 2026 : ਲਵਲੀਨਾ ਫਾਈਨਲ 'ਚ ਪਹੁੰਚ ਕੇ ਰਚਿਆ ਇਤਿਹਾਸ, ਪ੍ਰਿਆ ਤੇ ਕਪਿਲ ਨੇ ਜਿੱਤੇ ਕਾਂਸੇ ਦੇ ਤਮਗੇ

ਪਿਛਲੀ ਵਾਰ ਸਿਲਵਰ ਮੈਡਲ ਜਿੱਤਣ ਵਾਲੀ ਲਵਲੀਨਾ ਨੇ 75 ਕਿੱਲੋਗ੍ਰਾਮ ਦੇ ਮੁਕਾਬਲੇ ’ਚ 70 ਕਿਲੋਗ੍ਰਾਮ ਭਾਰ ਵਰਗ ਦੀ ਮੌਜੂਦਾ ਵਿਸ਼ਵ ਚੈਂਪੀਅਨ ਕਜ਼ਾਕਿਸਤਾਨ ਦੀ ਨਤਾਲਿਆ ਬੋਗਦਾਨੋਵਾ ਨੂੰ 3-2 ਨਾਲ ਹਰਾਇਆ। ਇਸ ਜਿੱਤ ਨਾਲ ਉਸ ਨੇ ਇਸ ਵਾਰੀ ਵੀ ਘੱਟੋ-ਘੱਟ ਸਿਲਵਰ ਮੈਡਲ ਪੱਕਾ ਕਰ ਲਿਆ ਹੈ। ਹਾਲਾਂਕਿ 60 ਕਿੱਲੋਗ੍ਰਾਮ ਭਾਰ ਵਰਗ ’ਚ 20 ਸਾਲਾ ਪ੍ਰਿਆ ਨੂੰ ਆਪਣੇ ਪਹਿਲੇ ਏਸ਼ਿਆਈ ਖੇਡਾਂ ਦੇ ਸੈਮੀਫਾਈਨਲ ’ਚ ਚੀਨ ਦੀ ਸਾਬਕਾ ਵਿਸ਼ਵ ਚੈਂਪੀਅਨ ਯੈਂਗ ਚੇਂਗਿਊ ਤੋਂ 4-1 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮਰਦਾਂ ਦੇ 90 ਕਿੱਲੋਗ੍ਰਾਮ ਭਾਰ ਵਰਗ ’ਚ ਸ਼ੁਰੂਆਤ ਕਰ ਰਹੇ ਕਪਿਲ ਨੂੰ ਉਜ਼ਬੇਕਿਸਤਾਨ ਦੇ ਤੁਰਾਬੇਕ ਖਬੀਬੁੱਲਾਏਵ ਨੇ 4-1 ਨਾਲ ਹਰਾਇਆ। ਇਹ ਦੋਵੇਂ ਮੁੱਕੇਬਾਜ਼ ਕਾਂਸਾ ਮੈਡਲ ਨਾਲ ਘਰ ਵਾਪਸ ਆਉਣਗੇ। ਭਾਰਤੀ ਮੁੱਕੇਬਾਜ਼ ਇਸ ਵਾਰ ਦੇ ਐਡੀਸ਼ਨਾਂ ’ਚ ਪਹਿਲਾਂ ਹੀ ਪਿਛਲੇ ਐਡੀਸ਼ਨਾਂ ਦੇ ਆਪਣੇ ਮੈਡਲਾਂ ਦੀ ਗਿਣਤੀ ਨੂੰ ਬਿਹਤਰ ਕਰ ਚੁੱਕੇ ਹਨ। 2023 ’ਚ ਸਾਨੂੰ ਮੁੱਕੇਬਾਜ਼ੀ ’ਚ ਕੁੱਲ ਚਾਰ ਮੈਡਲ ਮਿਲੇ ਸਨ, ਜਦਕਿ ਇਸ ਵਾਰੀ ਛੇ ਮੈਡਲ ਪੱਕੇ ਹਨ।