ਏਸ਼ਿਆਈ ਖੇਡਾਂ : ਕਿਵਮਸੀ ਜੋਆਕਿਮ ਡਿਸੂਜ਼ਾ ਟੇਕਬਾਲ ਦੇ ਸੈਮੀਫਾਈਨਲ 'ਚ, ਇਤਿਹਾਸਕ ਤਮਗੇ ਦੇ ਬਿਲਕੁਲ ਨੇੜੇ

Posted By alisha

Publish Date: Sat, 19 Sep 2026 10:52 AM (IST)

Updated Date: Sat, 19 Sep 2026 10:56 AM (IST)

ਏਸ਼ਿਆਈ ਖੇਡਾਂ : ਕਿਵਮਸੀ ਜੋਆਕਿਮ ਡਿਸੂਜ਼ਾ ਟੇਕਬਾਲ ਦੇ ਸੈਮੀਫਾਈਨਲ 'ਚ, ਇਤਿਹਾਸਕ ਤਮਗੇ ਦੇ ਬਿਲਕੁਲ ਨੇੜੇ

ਨਾਗੋਆ (ਜਾਪਾਨ), ਪੀਟੀਆਈ : ਭਾਰਤ ਦੀ ਖਿਡਾਰਨ ਕਿਵਮਸੀ ਜੋਆਕਿਮ ਡਿਸੂਜ਼ਾ ਨੇ ਸ਼ੁੱਕਰਵਾਰ ਨੂੰ ਏਸ਼ੀਆਈ ਖੇਡਾਂ ਦੇ ਮਹਿਲਾ ਸਿੰਗਲਜ਼ ਟੈਨਿਸ ਮੁਕਾਬਲੇ ਦੇ ਸੈਮੀਫਾਈਨਲ ’ਚ ਥਾਂ ਬਣਾ ਲਈ ਹੈ। ਇਸ ਤਰ੍ਹਾਂ ਉਹ ਇਸ ਖੇਡ ’ਚ ਇਤਿਹਾਸਕ ਤਮਗਾ ਜਿੱਤਣ ਦੇ ਨੇੜੇ ਪਹੁੰਚ ਗਈ।

ਏਸ਼ੀਆਈ ਖੇਡਾਂ ’ਚ ਆਪਣੀ ਸ਼ੁਰੂਆਤ ਕਰਦੇ ਹੋਏ ਕਵਿਮਸੀ ਨੇ ਨਾਗੋਯਾ ਸਿਟੀ ਹਿਗਾਸ਼ੀ ਸਪੋਰਟਸ ਸੈਂਟਰ 'ਚ ਗਰੁੱਪ ਏ ਦੇ ਆਪਣੇ ਪਹਿਲੇ ਮੈਚ 'ਚ ਜਾਪਾਨ ਦੀ ਚੋਟੀ ਦਾ ਦਰਜਾ ਪ੍ਰਾਪਤ ਯੁਇਨਾ ਸਾਕਾਮੋਟੋ ਨੂੰ 2-1 (10-12, 12-11, 13-11) ਨਾਲ ਹਰਾ ਕੇ ਉਲਟਫੇਰ ਕੀਤਾ। ਇਹ ਮੈਚ 43 ਮਿੰਟ ਤੱਕ ਚੱਲਿਆ। ਇਸ ਨੌਜਵਾਨ ਭਾਰਤੀ ਖਿਡਾਰਨ ਨੇ ਆਪਣੇ ਦੂਜੇ ਗਰੁੱਪ ਮੈਚ ’ਚ ਵੀ ਇਹ ਗਤੀ ਬਰਕਰਾਰ ਰੱਖਦਿਆਂ ਕੰਬੋਡੀਆ ਦੀ ਕੋਮੇਯੇਨ ਡੀਵਾਈ ਨੂੰ ਸਿਰਫ਼ 24 ਮਿੰਟਾਂ ਵਿੱਚ 2-0 (12-9, 12-7) ਨਾਲ ਹਰਾ ਕੇ ਆਪਣੇ ਗਰੁੱਪ ’ਚ ਸਿਖਰ ’ਤੇ ਰਹਿ ਕੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕੀਤਾ।

ਆਪਣੇ ਗਰੁੱਪ ’ਚ ਸਿਖਰ 'ਤੇ ਰਹਿਣ ਕਾਰਨ ਉਨ੍ਹਾਂ ਨੂੰ ਬਾਈ ਮਿਲ ਗਿਆ ਤੇ ਉਨ੍ਹਾਂ ਨੂੰ ਕੁਆਰਟਰ ਫਾਈਨਲ ਨਹੀਂ ਖੇਡਣਾ ਪਿਆ। ਸ਼ਨੀਵਾਰ ਨੂੰ ਸੈਮੀਫਾਈਨਲ ’ਚ ਉਸ ਦਾ ਸਾਹਮਣਾ ਇੰਡੋਨੇਸ਼ੀਆ ਦੀ ਸੁਮਾਇਆ ਨਾਲ ਹੋਵੇਗਾ ਤੇ ਇਹ ਮੈਚ ਜਿੱਤ ਕੇ ਟੇਕਬਾਲ ’ਚ ਭਾਰਤ ਦਾ ਪਹਿਲਾ ਤਮਗਾ ਯਕੀਨੀ ਹੋ ਜਾਵੇਗਾ, ਜੇਕਰ ਇਹ 24 ਸਾਲਾ ਭਾਰਤੀ ਖਿਡਾਰਨ ਇਹ ਮੈਚ ਹਾਰ ਵੀ ਜਾਂਦੀ ਹੈ ਤਾਂ ਵੀ ਉਸ ਨੂੰ ਪਲੇਆਫ ਰਾਹੀਂ ਤਮਗਾ ਹਾਸਲ ਕਰਨ ਦਾ ਇਕ ਹੋਰ ਮੌਕਾ ਮਿਲੇਗਾ। ਟੇਕਬਾਲ ਨੂੰ ਪਹਿਲੀ ਵਾਰ ਏਸ਼ੀਆਈ ਖੇਡਾਂ ’ਚ ਸ਼ਾਮਲ ਕੀਤਾ ਗਿਆ ਹੈ। ਟੇਕਬਾਲ ਫੁੱਟਬਾਲ ਤੇ ਟੇਬਲ ਟੈਨਿਸ ਦਾ ਮਿਸ਼ਰਣ ਹੈ। ਇਸ ਖੇਡ ਦੀ ਖੋਜ 2014 ’ਚ ਹੰਗਰੀ ’ਚ ਫੁੱਟਬਾਲ ਪ੍ਰੇਮੀਆਂ ਗੈਬਰ ਬੋਰਸੈਨੀ, ਗਿਓਰਗੀ ਗੈਟੀਅਨ ਤੇ ਵਿਕਟਰ ਹੁਜ਼ਰ ਵੱਲੋਂ ਤਿਆਰ ਕੀਤੀ ਗਈ ਸੀ। ਪਹਿਲੀ ਅਧਿਕਾਰਤ ਟੇਕਬਾਲ ਵਿਸ਼ਵ ਚੈਂਪੀਅਨਸ਼ਿਪ 2017 ’ਚ ਬੁਡਾਪੇਸਟ ’ਚ ਆਯੋਜਿਤ ਕੀਤੀ ਗਈ ਸੀ।