- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਏਸ਼ੀਅਨ ਗੇਮਜ਼ ’ਚ ਮੀਰਾਬਾਈ ਚਾਨੂ ਦਾ ਕਮਾਲ, ਪਹਿਲੀ ਵਾਰ ਜਿੱਤਿਆ ਸਿਲਵਰ; ਭਾਰਤ ਦੀ ਪੁਰਸ਼ ਸਕੀਟ ਟੀਮ ਨੇ ਵੀ ਝਟਕਿਆ ਕਾਂਸੀ
ਚੌਥੇ ਦਿਨ ਦਿੱਗਜ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਮਹਿਲਾਵਾਂ ਦੇ 49 ਕਿਲੋਗ੍ਰਾਮ ਵਰਗ ’ਚ ਸਿਲਵਰ ਮੈਡਲ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਇਸ ਦੇ ਨਾਲ ਹੀ ਭਾਰਤ ਦੀ ਪੁਰਸ਼ ਸਕੀਟ ਟੀਮ ਨੇ ਵੀ ਕਾਂਸੀ ਦਾ ਤਮਗਾ ਆਪਣੇ ਨਾਮ ਕਰ ਲਿਆ।
Posted By Paramjit Kaur
Publish Date: Wed, 23 Sep 2026 12:07 PM (IST)
Updated Date: Wed, 23 Sep 2026 12:18 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਜਾਪਾਨ ਦੇ ਆਈਚੀ-ਨਾਗੋਯਾ ’ਚ ਚੱਲ ਰਹੀਆਂ ਏਸ਼ੀਅਨ ਗੇਮਜ਼ 2026 ’ਚ ਭਾਰਤੀ ਖਿਡਾਰੀਆਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਖੇਡਾਂ ਦੇ ਚੌਥੇ ਦਿਨ ਦਿੱਗਜ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਮਹਿਲਾਵਾਂ ਦੇ 49 ਕਿਲੋਗ੍ਰਾਮ ਵਰਗ ’ਚ ਸਿਲਵਰ ਮੈਡਲ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਇਸ ਦੇ ਨਾਲ ਹੀ ਭਾਰਤ ਦੀ ਪੁਰਸ਼ ਸਕੀਟ ਟੀਮ ਨੇ ਵੀ ਕਾਂਸੀ ਦਾ ਤਮਗਾ ਆਪਣੇ ਨਾਮ ਕਰ ਲਿਆ।
ਏਸ਼ੀਅਨ ਗੇਮਜ਼ ’ਚ ਮੀਰਾਬਾਈ ਦਾ ਪਹਿਲਾ ਮੈਡਲ
ਮੀਰਾਬਾਈ ਚਾਨੂ ਲਈ ਇਹ ਮੈਡਲ ਖਾਸ ਹੈ, ਕਿਉਂਕਿ ਏਸ਼ੀਅਨ ਗੇਮਜ਼ ’ਚ ਇਹ ਉਨ੍ਹਾਂ ਦਾ ਪਹਿਲਾ ਤਮਗਾ ਹੈ। ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਉਨ੍ਹਾਂ ਨੇ ਸਿਲਵਰ ਮੈਡਲ ਆਪਣੇ ਨਾਮ ਕੀਤਾ। ਇਸ ਨਾਲ ਏਸ਼ੀਅਨ ਗੇਮਜ਼ ’ਚ ਲੰਬੇ ਸਮੇਂ ਤੋਂ ਚੱਲ ਰਹੇ ਉਨ੍ਹਾਂ ਦੇ ਮੈਡਲ ਦੇ ਇੰਤਜ਼ਾਰ ਦਾ ਵੀ ਅੰਤ ਹੋ ਗਿਆ।
𝐓𝐇𝐄 𝐐𝐔𝐄𝐒𝐓 𝐅𝐎𝐑 𝐀𝐒𝐈𝐀𝐍 𝐆𝐋𝐎𝐑𝐘! 🏋️♀️
Olympic Silver. World Championship Gold. Commonwealth Games Gold. Now, Mirabai Chanu chases her first Asian Games medal! 🥇
Watch her in action LIVE TODAY from 10 AM on Sony Sports Network TV channels & Sony LIV.… pic.twitter.com/ttBpApuhWw
— Sony Sports Network (@SonySportsNetwk) September 23, 2026
ਉੱਤਰੀ ਕੋਰੀਆ ਦੀ ਖਿਡਾਰਨ ਨੇ ਜਿੱਤਿਆ ਗੋਲਡ
49 ਕਿਲੋਗ੍ਰਾਮ ਵਰਗ ’ਚ ਉੱਤਰੀ ਕੋਰੀਆ ਦੀ ਰੀ ਸੋਂਗ ਗਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਗੋਲਡ ਮੈਡਲ ਜਿੱਤਿਆ। ਉਨ੍ਹਾਂ ਨੇ ਕਲੀਨ ਐਂਡ ਜਰਕ ’ਚ 121 ਕਿਲੋਗ੍ਰਾਮ ਭਾਰ ਚੁੱਕ ਕੇ ਏਸ਼ੀਅਨ ਗੇਮਜ਼ ਦਾ ਰਿਕਾਰਡ ਵੀ ਤੋੜਿਆ।
ਭਾਰਤ ਦੀ ਪੁਰਸ਼ ਸਕੀਟ ਟੀਮ ਨੇ ਵੀ ਜਿੱਤਿਆ ਕਾਂਸੀ
ਵੇਟਲਿਫਟਿੰਗ ਤੋਂ ਬਾਅਦ ਸ਼ੂਟਿੰਗ ’ਚ ਵੀ ਭਾਰਤ ਲਈ ਚੰਗੀ ਖ਼ਬਰ ਆਈ। ਭਾਰਤ ਦੀ ਪੁਰਸ਼ ਸਕੀਟ ਟੀਮ ਨੇ ਕਾਂਸੀ ਦਾ ਤਮਗਾ ਜਿੱਤ ਕੇ ਦੇਸ਼ ਦੀ ਮੈਡਲ ਸੂਚੀ ’ਚ ਇੱਕ ਹੋਰ ਤਮਗਾ ਜੋੜ ਦਿੱਤਾ। ਇਸ ਤੋਂ ਪਹਿਲਾਂ ਮਹਿਲਾ ਸ਼ੂਟਰਾਂ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ।
ਭਾਰਤ ਦੀਆਂ ਨਜ਼ਰਾਂ ਹੋਰ ਮੈਡਲਾਂ ’ਤੇ
ਏਸ਼ੀਅਨ ਗੇਮਜ਼ ਦੇ ਤੀਜੇ ਦਿਨ ਤੱਕ ਭਾਰਤ ਦੇ ਖਾਤੇ ’ਚ 7 ਮੈਡਲ ਆ ਚੁੱਕੇ ਸਨ। ਹੁਣ ਚੌਥੇ ਦਿਨ ਭਾਰਤੀ ਖਿਡਾਰੀਆਂ ਤੋਂ ਹੋਰ ਮੈਡਲਾਂ ਦੀ ਉਮੀਦ ਹੈ। ਸ਼ੂਟਿੰਗ ’ਚ ਮਨੂ ਭਾਕਰ ਫਾਈਨਲ ’ਚ ਪਹੁੰਚ ਚੁੱਕੀ ਹੈ, ਜਿਸ ਕਾਰਨ ਭਾਰਤ ਦੀਆਂ ਨਜ਼ਰਾਂ ਹੁਣ ਅਗਲੇ ਤਮਗੇ ’ਤੇ ਟਿਕੀਆਂ ਹੋਈਆਂ ਹਨ।