- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Asian Games 2026 : ਸੁਚਿਕਾ ਤਾਰਿਆਲ ਦੇ ਮੈਚ ਨੂੰ ਲੈ ਕੇ ਹੋਇਆ ਵਿਵਾਦ, ਭਾਰਤ ਨੇ ਦਿੱਤੀ ਰੈਫ਼ਰੀ ਦੇ ਫ਼ੈਸਲੇ ਨੂੰ ਚੁਣੌਤੀ, ਬੇਈਮਾਨੀ ਦੇ ਲਗਾਏ ਦੋਸ਼
ਭਾਰਤੀ MMA ਫਾਈਟਰ ਸੁਚਿਕਾ ਤਾਰਿਆਲ ਨੇ ਸੋਮਵਾਰ ਨੂੰ ਏਸ਼ੀਆਈ ਖੇਡਾਂ 2026 ਵਿੱਚ 60 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇੱਕ ਸਮੇਂ ਅਜਿਹਾ ਲੱਗ ਰਿਹਾ ਸੀ ਕਿ ਉਸਨੇ ਇਹ ਸਖ਼ਤ ਮੁਕਾਬਲਾ ਜਿੱਤ ਲਿਆ ਹੈ
Posted By alisha
Publish Date: Mon, 21 Sep 2026 03:00 PM (IST)
Updated Date: Mon, 21 Sep 2026 03:07 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ MMA ਫਾਈਟਰ ਸੁਚਿਕਾ ਤਾਰਿਆਲ ਨੇ ਸੋਮਵਾਰ ਨੂੰ ਏਸ਼ੀਆਈ ਖੇਡਾਂ 2026 ਵਿੱਚ 60 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇੱਕ ਸਮੇਂ ਅਜਿਹਾ ਲੱਗ ਰਿਹਾ ਸੀ ਕਿ ਉਸਨੇ ਇਹ ਸਖ਼ਤ ਮੁਕਾਬਲਾ ਜਿੱਤ ਲਿਆ ਹੈ ਪਰ ਰੈਫਰੀ ਨੇ ਉਸਦੀ ਵਿਰੋਧੀ, ਸਿੰਗਾਪੁਰ ਦੀ ਤੇ ਹੁਈ ਹੂਨ (Te Hui Hoon) ਨੂੰ ਜੇਤੂ ਐਲਾਨ ਦਿੱਤਾ। ਸੁਚਿਕਾ ਇਸ ਫੈਸਲੇ ਤੋਂ ਨਾਖੁਸ਼ ਹੈ ਅਤੇ ਭਾਰਤ ਨੇ ਇਸਨੂੰ ਚੁਣੌਤੀ ਦਿੱਤੀ ਹੈ।
ਸੁਚਿਕਾ ਦਾ ਮੰਨਣਾ ਹੈ ਕਿ ਉਹ ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਦੀ ਹੱਕਦਾਰ ਸੀ ਅਤੇ ਉਸਦਾ ਸਫ਼ਰ ਸਿਰਫ਼ ਕਾਂਸੀ ਦੇ ਤਗਮੇ ਨਾਲ ਖਤਮ ਨਹੀਂ ਹੋਣਾ ਚਾਹੀਦਾ ਸੀ। ਨਿਰਾਸ਼ ਹੋ ਕੇ, ਉਹ ਮੈਟ 'ਤੇ ਹੀ ਰੋ ਪਈ ਅਤੇ ਰੈਫਰੀ ਨਾਲ ਹੱਥ ਮਿਲਾਉਣ ਤੋਂ ਇਨਕਾਰ ਕਰ ਦਿੱਤਾ।
ਜੱਜਾਂ ਵੱਲੋਂ ਮੁਕਾਬਲੇ ਦੀ ਸਮੀਖਿਆ
ਸੁਚਿਕਾ ਦਾ ਭਾਰ 59.2 ਕਿਲੋਗ੍ਰਾਮ ਸੀ, ਜਦਕਿ ਹੂਨ ਦਾ ਭਾਰ 58.5 ਕਿਲੋਗ੍ਰਾਮ ਸੀ ਭਾਵ ਲਗਪਗ 700 ਗ੍ਰਾਮ ਦਾ ਅੰਤਰ। ਇਹ ਅੰਤਰ ਸੁਚਿਕਾ ਲਈ ਸਮੱਸਿਆ ਬਣ ਗਿਆ। ਛੇ ਜੱਜਾਂ ਨੇ ਮੁਕਾਬਲੇ ਦੀ ਸਮੀਖਿਆ ਕੀਤੀ ਪਰ ਨਤੀਜਾ ਨਹੀਂ ਬਦਲਿਆ। ਏਸ਼ੀਅਨ ਮਿਕਸਡ ਮਾਰਸ਼ਲ ਆਰਟਸ ਐਸੋਸੀਏਸ਼ਨ ਦੇ ਮੌਜੂਦਾ ਨਿਯਮਾਂ ਤਹਿਤ, ਭਾਰ-ਅਧਾਰਿਤ ਟਾਈ-ਬ੍ਰੇਕਰ ਨਿਯਮ ਲਾਗੂ ਹੁੰਦਾ ਹੈ; ਡਰਾਅ (ਬਰਾਬਰੀ) ਦੀ ਸਥਿਤੀ ਵਿੱਚ ਘੱਟ ਸਰੀਰਕ ਭਾਰ ਵਾਲੇ ਫਾਈਟਰ ਨੂੰ ਜੇਤੂ ਐਲਾਨਿਆ ਜਾਂਦਾ ਹੈ।
ਸੁਚਿਕਾ ਨੇ ਕਿਹਾ ਕਿ ਉਸਦਾ ਪੱਖ ਨਹੀਂ ਸੁਣਿਆ ਗਿਆ। 'ਹਿੰਦੁਸਤਾਨ ਟਾਈਮਜ਼ ਡਿਜੀਟਲ' ਨਾਲ ਗੱਲ ਕਰਦਿਆਂ ਉਸਨੇ ਕਿਹਾ, "ਮੈਂ ਇਸ ਫੈਸਲੇ ਤੋਂ ਬਿਲਕੁਲ ਵੀ ਖੁਸ਼ ਨਹੀਂ ਹਾਂ ਮੈਂ ਮੈਟ 'ਤੇ ਵੀ ਖੁਸ਼ ਨਹੀਂ ਸੀ ਕਿਉਂਕਿ ਫੈਸਲਾ ਸਹੀ ਨਹੀਂ ਹੈ। ਮੁਕਾਬਲਾ ਮੇਰੇ ਹੱਕ ਵਿੱਚ ਜਾਣਾ ਚਾਹੀਦਾ ਸੀ ਪਰ ਉਨ੍ਹਾਂ ਨੇ ਸਾਡੀ ਗੱਲ ਨਹੀਂ ਸੁਣੀ। ਉਨ੍ਹਾਂ ਨੇ ਸਾਡੀ ਇਤਰਾਜ਼-ਅਰਜ਼ੀ ਨੂੰ ਖਾਰਜ ਕਰ ਦਿੱਤਾ ਅਤੇ ਭਾਰ ਦੇ ਆਧਾਰ 'ਤੇ ਫੈਸਲਾ ਸੁਣਾਇਆ, ਇਹ ਕਹਿੰਦੇ ਹੋਏ ਕਿ ਦੂਜੀ ਫਾਈਟਰ ਦਾ ਭਾਰ ਘੱਟ ਸੀ।"
ਉਸਨੇ ਅੱਗੇ ਕਿਹਾ, "ਅੱਜ, ਉਸਦਾ ਭਾਰ ਮੇਰੇ ਨਾਲੋਂ 700 ਗ੍ਰਾਮ ਘੱਟ ਸੀ। ਮੈਂ ਵੇ-ਇਨ (ਭਾਰ ਮਾਪਣ ਦੀ ਪ੍ਰਕਿਰਿਆ) ਵਿੱਚ ਅਸਫਲ ਨਹੀਂ ਹੋਈ ਸੀ। ਜੇਕਰ ਮੇਰਾ ਭਾਰ ਉਸ ਨਾਲੋਂ ਘੱਟ ਹੁੰਦਾ, ਤਾਂ ਅੱਜ ਮੈਂ ਜਿੱਤ ਜਾਂਦੀ। ਅੱਜ ਸਵੇਰੇ, ਉਨ੍ਹਾਂ ਨੇ ਕੋਚ ਨੂੰ ਅੰਦਰ ਨਹੀਂ ਆਉਣ ਦਿੱਤਾ, ਇਸ ਲਈ ਕੋਚ ਨੇ ਮੈਨੂੰ ਅੱਗੇ ਵਧਣ ਅਤੇ ਦੇਰੀ ਨਾ ਕਰਨ ਲਈ ਕਿਹਾ।" ਮੁਕਾਬਲਾ ਡਰਾਅ 'ਤੇ ਖ਼ਤਮ ਹੋਇਆ।
ਇਹ ਦੋਵਾਂ ਖਿਡਾਰਨਾਂ ਲਈ ਇੱਕ ਸ਼ਾਨਦਾਰ ਮੁਕਾਬਲਾ ਸੀ। ਦੋਵਾਂ ਨੇ ਆਪਣਾ ਪੂਰਾ ਜ਼ੋਰ ਲਗਾ ਦਿੱਤਾ, ਜਿਸ ਕਾਰਨ ਮੈਚ ਡਰਾਅ 'ਤੇ ਖਤਮ ਹੋਇਆ। ਹੂਨ ਨੇ ਪਹਿਲਾ ਰਾਊਂਡ ਜਿੱਤਿਆ ਨਤੀਜੇ ਵਜੋਂ, ਇੱਕ ਵਾਧੂ ਇੱਕ-ਮਿੰਟ ਦਾ ਰਾਊਂਡ ਖੇਡਿਆ ਗਿਆ। ਸੁਚਿਕਾ ਨੂੰ ਪੂਰਾ ਭਰੋਸਾ ਸੀ ਕਿ ਉਹ ਜਿੱਤ ਗਈ ਹੈ ਅਤੇ ਫਾਈਨਲ ਵਿੱਚ ਪਹੁੰਚ ਜਾਵੇਗੀ ਪਰ ਰੈਫਰੀ ਨੇ ਸਿੰਗਾਪੁਰ ਦੀ ਖਿਡਾਰਨ ਨੂੰ ਜੇਤੂ ਐਲਾਨ ਦਿੱਤਾ। ਇਸ ਤੋਂ ਬਾਅਦ ਸੁਚਿਕਾ ਉੱਥੇ ਹੀ ਮੈਟ 'ਤੇ ਫੁੱਟ-ਫੁੱਟ ਕੇ ਰੋਣ ਲੱਗ ਪਈ।