Asian Games 2026 : ਮਹਿਲਾਵਾਂ ਤੋਂ ਬਾਅਦ ਪੁਰਸ਼ ਨਿਸ਼ਾਨੇਬਾਜ਼ਾਂ ਨੇ ਕਰਵਾਈ ਭਾਰਤ ਦੀ ਚਾਂਦੀ, 10 ਮੀਟਰ ਏਅਰ ਰਾਈਫਲ 'ਚ ਜਿੱਤਿਆ ਮੈਡਲ

ਰੁਦ੍ਰਾਂਕਸ਼ ਅਤੇ ਢਿੱਲੋਂ ਨੇ ਵਿਅਕਤੀਗਤ ਫਾਈਨਲ ਲਈ ਵੀ ਕੁਆਲੀਫਾਈ ਕਰ ਲਿਆ ਹੈ। ਦੋਵੇਂ ਨਿਸ਼ਾਨੇਬਾਜ਼ ਅੱਜ ਬਾਅਦ ਵਿੱਚ ਵਿਅਕਤੀਗਤ ਮੁਕਾਬਲੇ ਵਿੱਚ ਹਿੱਸਾ ਲੈਣਗੇ। ਕੁਆਲੀਫਿਕੇਸ਼ਨ ਦੌਰ ਵਿੱਚ ਰੁਦ੍ਰਾਂਕਸ਼ 631.8 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਿਹਾ। ਇਸ ਦੇ ਨਾਲ ਹੀ ਢਿੱਲੋਂ ਅਤੇ ਮਾਨੇ ਕ੍ਰਮਵਾਰ 630 ਅਤੇ 628.3 ਅੰਕਾਂ ਨਾਲ ਸੱਤਵੇਂ ਅਤੇ ਦਸਵੇਂ ਸਥਾਨ 'ਤੇ ਰਹੇ। ਲਿਹਾਓ 635.4 ਅੰਕਾਂ ਨਾਲ ਸਿਖਰ 'ਤੇ ਰਿਹਾ ਅਤੇ ਉਸਨੇ ਏਸ਼ੀਆਈ ਖੇਡਾਂ ਦੇ ਕੁਆਲੀਫਿਕੇਸ਼ਨ ਦਾ ਰਿਕਾਰਡ ਬਣਾਇਆ। ਸਿਹਾਨ (ਦੂਜਾ) ਅਤੇ ਚਾਂਗਹੋਂਗ (ਪੰਜਵਾਂ) ਨੇ ਵੀ ਚੋਟੀ ਦੇ ਅੱਠ ਵਿੱਚ ਆਪਣੀ ਜਗ੍ਹਾ ਬਣਾਈ। ਹਾਲਾਂਕਿ, ਚਾਂਗਹੋਂਗ ਵਿਅਕਤੀਗਤ ਫਾਈਨਲ ਲਈ ਕੁਆਲੀਫਾਈ ਨਹੀਂ ਕਰ ਸਕਿਆ ਕਿਉਂਕਿ ਫਾਈਨਲ ਵਿੱਚ ਇੱਕ ਦੇਸ਼ ਦੇ ਸਿਰਫ਼ ਦੋ ਨਿਸ਼ਾਨੇਬਾਜ਼ਾਂ ਨੂੰ ਹੀ ਹਿੱਸਾ ਲੈਣ ਦੀ ਇਜਾਜ਼ਤ ਹੁੰਦੀ ਹੈ।