ਏਸ਼ਿਆਈ ਖੇਡਾਂ 'ਚ ਗੋਲਡ 'ਤੇ ਨਿਸ਼ਾਨਾ, ਹਾਕੀ ਟੀਮ ਨੂੰ ਮਾਨਸਿਕ ਰੂਪ ਨਾਲ ਖ਼ੁਦ ਨੂੰ ਰੀਸੈੱਟ ਕਰਨਾ ਹੋਵੇਗਾ- PR ਸ਼੍ਰੀਜੇਸ਼

ਭਾਰਤੀ ਟੀਮ ਦੇ ਸਾਬਕਾ ਗੋਲਕੀਪਰ ਤੇ ਜੂਨੀਅਰ ਟੀਮ ਦੇ ਕੋਚ ਰਹਿ ਚੁੱਕੇ ਪੀਆਰ ਸ਼੍ਰੀਜੇਸ਼ ਦਾ ਮੰਨਣਾ ਹੈ ਕਿ ਵਿਸ਼ਵ ਕੱਪ ਦੀ ਨਿਰਾਸ਼ਾ ਤੋਂ ਬਾਅਦ ਟੀਮ ਨੂੰ ਮਾਨਸਿਕ ਤੌਰ ’ਤੇ ਖ਼ੁਦ ਨੂੰ ਰੀਸੈੱਟ ਕਰਨਾ ਹੋਵੇਗਾ। ‘ਦੈਨਿਕ ਜਾਗਰਣ’ ਨਾਲ ਖ਼ਾਸ ਗੱਲਬਾਤ ’ਚ ਸ਼੍ਰੀਜੇਸ਼• ਨੇ ਕਿਹਾ ਕਿ ਉਹ ਨਿੱਜੀ ਤੌਰ ’ਤੇ ਭਾਰਤ ਦੇ ਵਿਸ਼ਵ ਕੱਪ ’ਚ ਸੈਮੀਫਾਈਨਲ ਤੱਕ ਪਹੁੰਚਣ ਦੀ ਉਮੀਦ ਕਰ ਰਿਹਾ ਸੀ। ਉਸ ਮੁਤਾਬਕ ਭਾਰਤ ਨੂੰ ਇੰਗਲੈਂਡ ਤੇ ਅਰਜਨਟੀਨਾ ਵਿਰੁੱਧ ਜਿੱਤ ਦਰਜ ਕਰਨੀ ਚਾਹੀਦੀ ਸੀ ਪਰ ਦੋਵਾਂ ਟੀਮਾਂ ਨੇ ਪੂਰੇ ਟੂਰਨਾਮੈਂਟ ’ਚ ਸ਼ਾਨਦਾਰ ਹਾਕੀ ਖੇਡੀ। ਸ਼੍ਰੀਜੇਸ਼ ਨੇ ਕਿਹਾ ਕਿ ਏਸ਼ਿਆਈ ਖੇਡਾਂ ’ਚ ਭਾਰਤ ਦੀ ਹਾਲਤ ਕਾਫੀ ਵੱਖਰੀ ਹੋਵੇਗੀ। ਏਸ਼ਿਆਈ ਪੱਧਰ ’ਤੇ ਭਾਰਤ ਨੂੰ ਪਾਕਿਸਤਾਨ, ਮਲੇਸ਼ੀਆ, ਚੀਨ ਤੇ ਦੱਖਣੀ ਕੋਰੀਆ ਨਾਲ ਚੁਣੌਤੀ ਮਿਲ ਸਕਦੀ ਹੈ ਪਰ ਅੰਤਰਰਾਸ਼ਟਰੀ ਪੱਧਰ ’ਤੇ ਇਨ੍ਹਾਂ ਟੀਮਾਂ ਦੇ ਤਜਰਬੇ ’ਚ ਭਾਰਤ ਨਾਲੋਂ ਫਰਕ ਹੈ। ਹਾਲ ਹੀ ਦੇ ਪ੍ਰਦਰਸ਼ਨ ਨੂੰ ਦੇਖਦੇ ਹੋਏ ਭਾਰਤ ਨੂੰ ਮਜ਼ਬੂਤ ਦਾਅਵੇਦਾਰ ਦੇ ਤੌਰ ’ਤੇ ਉਤਰਣਾ ਚਾਹੀਦਾ ਹੈ। ਸ਼੍ਰੀਜੇਸ਼ ਨੇ ਇਹ ਵੀ ਸਾਫ਼ ਕੀਤਾ ਕਿ ਆਸਾਨ ਹਾਲਤ ਹੋਣ ਦੇ ਬਾਵਜੂਦ ਭਾਰਤੀ ਟੀਮ ਕਿਸੇ ਵੀ ਮੁਕਾਬਲੇਬਾਦਜ਼ ਨੂੰ ਹਲਕੇ ’ਚ ਨਹੀਂ ਲੈ ਸਕਦੀ। ਏਸ਼ਿਆਈ ਖੇਡਾਂ ਦੀ ਅਹਿਮੀਅਤ ਇਸ ਲਈ ਵੀ ਬਹੁਤ ਜ਼ਿਆਦਾ ਹੈ ਕਿਉਂਕਿ ਮਰਦ ਹਾਕੀ ’ਚ ਗੋਲਡ ਮੈਡਲ ਜਿੱਤਣ ਵਾਲੀ ਟੀਮ ਨੂੰ 2028 ਓਲੰਪਿਕ ਦੀ ਸਿੱਧੀ ਟਿਕਟ ਮਿਲੇਗੀ।