ਏਸ਼ਿਆਈ ਖੇਡਾਂ 'ਚੋਂ 5 ਟੈਨਿਸ ਖਿਡਾਰੀਆਂ ਦਾ ਪੱਤਾ ਸਾਫ਼, ਸਾਈ ਨੇ ਕਿਹਾ- ਨਿਰਧਾਰਿਤ ਮਾਪਦੰਡਾਂ 'ਤੇ ਖਰੇ ਨਹੀਂ ਉੱਤਰੇ ਖਿਡਾਰੀ

ਮਾਨਸ ਧਾਮਨੇ (ਮਰਦ ਸਿੰਗਲਜ਼), ਵੈਸ਼ਣਵੀ ਅਡਕਰ, ਸਹਿਜਾ ਯਮਲਾਪੱਲੀ (ਮਹਿਲਾ ਸਿੰਗਲਜ਼) ਵੈਦੇਹੀ ਚੌਧਰੀ ਤੇ ਪ੍ਰਾਰਥਨਾ ਥੋਂਬਾਰੇ (ਮਹਿਲਾ ਡਬਲਜ਼) ਸੱਤ ਮੈਂਬਰੀ ਭਾਰਤੀ ਟੈਨਿਸ ਟੀਮ ’ਚ ਥਾਂ ਨਹੀਂ ਬਣਾ ਸਕੇ ਕਿਉਂਕਿ ਉਹ ਮਹਾਦੀਪੀ ਰੈਂਕਿੰਗ ’ਚ ਸਿਖਰਲੇ ਅੱਠ ’ਚ ਹੋਣ ਦੇ ਮਾਪਦੰਡ ਨੂੰ ਪੂਰਾ ਨਹੀਂ ਕਰਦੇ ਸਨ। ਸੂਤਰ ਅਨੁਸਾਰ, ਮੰਤਰਾਲੇ ਨੂੰ ਆਈਓਏ ਵੱਲੋਂ ਸਾਂਝੀ ਕੀਤੀ ਗਈ ਆਖਰੀ ਸੂਚੀ ’ਚ ਉਨ੍ਹਾਂ ਦੇ ਨਾਂ ਨਹੀਂ ਮਿਲੇ ਸਨ। ਇਨ੍ਹਾਂ ਖਿਡਾਰੀਆਂ ਨੂੰ ਬਾਹਰ ਕੀਤਾ ਜਾਣਾ ਠੀਕ ਹੈ ਕਿਉਂਕਿ ਉਨ੍ਹਾਂ ਦੇ ਹਾਲ ਹੀ ਦੇ ਪ੍ਰਦਰਸ਼ਨ ਨਾਲ ਵੀ ਮੈਡਲ ਜਿੱਤਣ ਦੀ ਸੰਭਾਵਨਾ ਜਾਂ ਮੁਕਾਬਲੇਬਾਜ਼ੀ ’ਚ ਪ੍ਰਭਾਵਸ਼ਾਲੀ ਹਿੱਸੇਦਾਰੀ ਦੀ ਸਮਰੱਥਾ ਨਹੀਂ ਝਲਕਦੀ। ਖੇਡ ਮੰਤਰਾਲੇ ਦੇ ਚੋਣ ਮਾਪਦੰਡ ਅਨੁਸਾਰ ਸਿੰਗਲਜ਼ ਮੁਕਾਬਲਿਆਂ ’ਚ ਖਿਡਾਰੀਆਂ ਦਾ ਏਸ਼ੀਆ ’ਚ ਟਾਪ ਛੇ ’ਚ ਤੇ ਡਬਲਜ਼ ’ਚ ਟਾਪ ਅੱਠ ’ਚ ਹੋਣਾ ਜ਼ਰੂਰੀ ਸੀ। ਇਸਦੇ ਲਈ 12 ਮਹੀਨੇ ਦੀ ਮਿਆਦ ’ਚ ਪ੍ਰਦਰਸ਼ਨ ਦਾ ਮੁਲਾਂਕਣ ਕੀਤਾ ਗਿਆ।